मरकुस 13
13
सेंड़ा बिनती ओड़ाः नास रआ आगमजानी
(मती 24:1,2; लुका 21:5,6)
1हुँनि सेंड़ा बिनती ओड़ाः एतेन उडुङोओन दोहोनय दो चेलाकु मे से मियड् हुँनि कथावा लअय, “ओय गुरु, ञेलेमी! चिलकान सेंड़ा-सेंड़ा दीरी जोटोः चिलकान सुभरित बंगला!”
2ईसु हुँकूइ कथावा लआ, “आपे तना नोआँ सेंड़ा-सेंड़ा बंगला ञेल यतेअपे? नोंडे मियड् दीरी तेङ रे एटाः दीरी एरो टिकाव लेना, गोटा तहास नहास एंडायोओ।”
संकट जोटोः बिपाइत
(मती 24:3–14; लुका 21:7–19)
3जब ईसु जयतुन पहार रआ सेंड़ा बिनती ओड़ाः ठँव रे हुँनि दुड़ूः दोहोनय घनी, पतरस, जाकुब, जोहन जोटोः अन्द्रियास; एसकारते हुँनिकु सोधाव लआ, 4“नोआँ गोटा दुखमा ओका बेरा होयावओ आले बतलाव वालेमी, जोटोः नोआँ गोटा दुखमा पुरावोओ दो होना बेरा रआ चिन चिलका होयावओ?”
5ईसु हुँकूइ कथावा लआ, “चँड़चित दोहोनपे, आपे ओके हों अलोकु भरमाव केपे। 6इञः रआ ञुमुन ते वेज् कोते अगम कथायकु, ‘इञः मसी हके’ मेनकेते अगम होड़कु भरमाव कुआकु। 7आपे जब लड़ाइ रआ घोल जोटोः लड़ाइ रआ खभार अयुमेंअपे, दो अलोपे बोरोकोः, चितानतआचि नोंका होयावओ ही, बकिन होना बेरा अखरी एरो होयावना। 8चितानतआचि गोटे जाइत एटाः जाइत रआ बिरोद रे जोटोः मियड् राइज एटाः राइज रआ बिरोद होयावओ। जोटोः ठाँव-ठाँव अकाल होयावोः, नोआँ दो सीरिफ दुख रआ बुहड़ी होयावओ।”
9 #
मती 10:17–20; लुका 12:11,12 “बकिन अपन बारे रे आपे चँड़चित दोहोनपे, चितानतआचि सेंड़ा कछायरी रे सोपाव पेआकु जोटोः पंचायत ओड़ाः रे कोड़रा तिकु हुमाः पेआ, इञः चलते हकिम जोटोः राजाकु रआ तला रे तींगु पेआकु, ताकि हुँकू इञः रआ बारे गोवाही एम सकावे। 10बकिन दरकार इदानआँ चि पहिल, बढ़ियाँ दुखमा गोटे जाइत रेनकु होड़ रे परचार होयावओ। 11जब हुँकू आपे कछायरी रेकु सोपावपे रेदो सुरवे एतेन अलोपे फिकीर कोः चि चितानले मेंनगिआ, हेनेन घनी जे ओवापे हिनापे कथाय, चितानतआचि कथाय अवला आपे कोवन पबितर आतमा हके। 12बोयहा-बोयहा रे, जोटोः अपाते ही होपोन ते रआ बिरोद रे कोते एर हुमाः कुआकु जोटोः सेगोःज् अया-बबाते रआ बिरोद रे तींगु कोते एर हुमाःकुआ। 13#मती 10:22जोटोः इञः ञुमुन चलते गोटे एरोकु अछा लेपेआ, बकिन जे अखरी हमाः टिकाव ओय हिनी ही बंचावओ।”
सेंड़ा संकट
(मती 24:15–28; लुका 21:20–24)
14 #
दानि 9:27; 11:31; 12:11 “जबरे आपे ‘भय-भयान नास करावे अवला घीन चीज ञेलेअपे’ जे एडे होना अलो दोहोन, होंडे तींगुनपे ञेले रेदो (पढ़ाव अवला नोआँ रआ माने खुद समझाव ओपे!) जे जहुदिया रेकुआ हुँकू पहार पड़ाते ञीरे। 15#लुका 17:31जोटोः जे अपन ओड़ाः रआ सड़िम रिया, हुँनि ओड़ाः भीतरी एतेन चितानहों इदी तआ ओतेत अलोय अड़गुकोः, 16जोटोः जे टइन्ड रीया हुँनि अनेज् गेंदराः इदी हों अलोय रुवाड़कोः। 17जे लंञी भारी गतार रिया चहे जेकर सेंगोज्कु दुद ञू यतेअकु, हुँकू लंञी तआ होना बेरा अगम कसाट होयावओ!, 18बिनतीपे चि नोआँ गोटा रेवेड़ बेरा रे अलो होयावकोः। 19#दानि 12:1; दि.बचन 7:14चितानतआचि होना जुवार अगम दुख होयावओ जे हिला परमेसर दुनियाँ सिरजाव तड्अय होना बेरा एतेन नहाः हमाः न कहियो होयवतना जोटोः न ओका हिला होयावओ होंका दुख होयावओ। 20अगर परभु होना दिन अलोय घटाव लेड् दो ओके मनवाँ हों एरोकु बंचावनाअने, बकिन हुँकू रींबड़ लिड्कु होड़ चलते हुँनि होना दिन घटाव तड्अय।”
21“अगर, होना बेरा ओकेकुन आपेकु कथावा, ‘ञेलेपे मसी नोंडेया!’ चहे, ‘होंडेया,’ दो अलोपे सारीकोः।”
22“चितानतआचि ठक मसी जोटोः परमेसर पड़ा एतेन दुखमाय अवला कथा केते ठठकु अवला दिसतार रोओकु, जोटोः नोंकन-नोंकन चिन-चमतकर जोटोः अचराज काम एरञेलेअकु, जोटोः होयव सकावओ रींबड़ लिड्कु हों बहकाव कुआकु। 23आपे चँड़चित दोहोनपे, इञः आपे पहिल एतेन ही गोटा बतलाववा केड् पेअइञ।”
मनवाँ होपोन रआ फिन वेजोः
(मती 24:29–31; लुका 21:25–28)
24 #
जसा 13:10; जोवे 2:10,31; 3:15; दि.बचन 6:12;
जसा 13:10; हेज 32:7 “होना बेरा रआ बिपाइत रआ तुरात तयोम सीञ बोंगा ञोता एंडायोओय जोटोः ञीन्द बोंगा हों एरोय मरसाल लेना। 25#जसा 34:4; दि.बचन 6:13; जोवे 2:10जोटोः इपीलकु आकास एतेन ञुरो अकु जोटोः आकास रआ सवाँग जीनिस हिलहोयोओ। 26#दानि 7:13; दि.बचन 1:7तब होड़कु, मनवाँ होपोन रिमिल एतेन अगम सकती जोटोः बड़ाइ रे वेजोः ञेलेयाकु। 27ओत रआ नोआँ छोर एतेन अगास रआ होना छोर हमाः अनेज् सिरमा दुतकु बिदा केते चावगिरदा एतेन अपन रींबड़ लिड्कुइ जवारा।”
अंजीर काट एतेन सिखावोः
(मती 24:32–35; लुका 21:29–33)
28“अंजीर काट एतेन हुडिञ गाम सिखावओपे, जब डाँड़ ते नरामोओ जोटोः पहुला योओ दो ठुवायापे चि जेठ सोदोरयना। 29नोंका आपे जब नोआँ दुखमा पे ञेले, दो ठुवायपे चि हुँनि ठँव रीया एकदम दुवार रीया 30इञः आपे सुधा सनारी कथा यतेअइञ चि नोआँ जुग रेनकु होड़ रआ जिवेदोः घनी ही नोआँ गोटा दुखमा होयावओ। 31आकास जोटोः धरती टलाव एंडायोओ बकिन इञः रआ बचन उकेड् हों एरो टलावना।”
जगल दोहोनपे
(मती 24:36–44)
32 #
मती 24:36
“होना दिन चहे होना जुवार रआ बारे ओके हों ककु ठुवावना, न सिरमा दुत जोटोः न होपोन ते, सिरीप परम बबा परमेसर ठुवावना। 33ञेलेपे चँड़चित दोहोनपे जोटोः बिनती इञोःपे, चितानतआचि आपे न दो होना दिन ठुवा यतेअपे होना बेरा ओका हिला वेजोआ। 34#लुका 12:36–38नोआँ मियड् होड़ लेकाआ, जे अपन ओड़ाः बयअटु केते परदेस सेनोअय जोटोः बन्धुवाकु एडे हाक ते जिमा अटुअय, जोटोः गोटे तआ काम बतलावेए जोटोः दरवान जगल दोहोन तआ हुकुमय ओवा कुआ 35हिनाते जगल दोहोनपे, चितानतआचि ओड़ाः रेनि मुवार ओका हिला वेजोअय, आपे कपे ठुवावना अधा ञीन्द चि अयुब् चि मुरगा राअ् रे चि ञीन्दवा। 36नोंका अलो होयावकोः चि अचाका वेज् कोते अमः ञीदोः ञम मी। 37जोटोः जे अमाःइञ कथावायना, हिना ही गोटेञ कथा वाइतकुआ चँड़चित दोहोनपे।”
Currently Selected:
मरकुस 13: BIX
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
