COL 1
1
दंडाम
1निन पौल परमेश्वर तीकेल ख्रिस्त येशुन वगा प्रेषित उंडान; 2कलस्सै शहरला निलचेतोर परमेश्वर मंदीक इंगा ख्रिस्तला विश्वासी तम्मुळ्ळाक इदी पत्र रास्तुनान इंगा तम्मुड तीमथ्य इन तीकेल दंडाम, मना आब्बाड परमेश्वर तीकेल मिक कृपा इंगा शांती शिक्कुका उंडाला.
धन्यवाद इंगा प्रार्थना
3हे ना आक्का तम्मुळ्ळालाला, मिम मी इचांग प्रार्थना शेस्ताम, आप्पुड मिम नेहमी परमेश्वरकी, आंटे मना प्रभु येशु ख्रिस्तन आब्बानकी धन्यवाद इस्ताम 4येनटीक की ख्रिस्त येशुन मिंदा मिद विश्वास उंडाद, इंगा आंता परमेश्वर मंदी मिंदुड मी प्रेम बद्दल मिम इनीनाम. 5याद आशा मी इचांग स्वर्गला फेटनेद उंडाद इ आशा बद्दल, मीर पहिला, सुवार्तालोन सत्य वचनला इंटीर. 6आदी सुवार्ता मी देगार वच्या, मीर इंटीर इंगा मीर सत्यता परमेश्वरदी कृपा ओळखास्तीर, आबदनोट, आदी यल्ला आंता दुन्यामला आल्ला आदी मी लोना पण फळलु इस्तुनाद इंगा वाढास्तुनाद. 7इंगा इ कृपा बद्दल मीर तम्मुड एपफ्रास तीकेल नेरस्तीर; वाड मा प्रिय सहकर्मी इंगा मना इचांग ख्रिस्तन विश्वासयोग्य सेवक उंडाड. 8वाडे मी प्रेमनी याद पवित्र आत्माला उंडाद आदी मा मिंदा प्रकट शेशा.
9दिनिचांगे, यबदकेल मिम इदी इंटीम मिम नेहमी मी इचांग प्रार्थना शेस्ताम इंगा विनंती शेस्ताम की, मिक आंता आत्मिक ज्ञान इंगा बुद्धी शिक्काला इंगा मीर परमेश्वर इच्छा बद्दल ज्ञानला परिपुर्ण कावाला. 10दिनिचांग की, मीर प्रभुन आन्नी तीकेल खुश शेशेदेंक, प्रत्येक शिंगार फनीला फळ इच्ची दानकी शोभाशी इल्ला जगायाला इंगा परमेश्वर ज्ञानता मिद वाढ कावाला. 11आन्नी प्रकारदी दम्मु-धीर्याम इंगा सहनशीलता इदी मिक आनंदता सुपीया दावाला आंका वान गौरवी शक्तीलेका मिक आंता सामर्थ्य शिक्की मीर बलवान कावाला; 12इंगा यलगुलोन परमेश्वर मंदी वतनला मीर भागीदार कावाला, आंका यवाड मिमलान योग्य बनायमत्या, आ आब्बानकी मीर धन्यवाद इंडा. 13वाडे मनालनी अंधकारलोन सत्ता लोन्केल इडपीच्ची वान प्रिय कोडकु राज्यलोंग यकोचीनाड, 14इंगा येशु ख्रिस्तन रक्तामता मनाक मुक्ती आंटे पापलाद क्षमा शिक्कीनाद.
प्रभु येशु ख्रिस्तद स्वभाव इंगा वानी फनुल
15ख्रिस्तड तर अदृश्य परमेश्वरदी स्वरुप उंडाड इंगा आंता सृष्टीला फेद्दावोड उंडाड. 16येनटीक की स्वर्गला इंगा पृथ्वी मिंदा, कमस्ताय इंगा कमसाव, राजासनलु लेकाते शासनलु, सत्ता लेकाते शक्ती, इल्ला आन्नी माटलु वान तीकेल इंगा वान दिंटल्याने बनाशीनाय. 17वाडे आन्नी माटलाला पहिला उंडाड इंगा वान दिंटल्याने आंताच अस्तित्वला उंडाद. 18वाडे फय आंटे मंडळीद नत्ती उंडाड. वाड सुरवात उंडाड इंगा साव लोन्केल जित्ता आयनोड पहिला उंडाड, आंका आन्नी माटलाला वानकी प्राधान्य उंडाला.#प्रकटीकरण 1:18. 19येनटीक की, परमेश्वर आब्बानदी खुशी दिंटल्याने उंडाद की ख्रिस्तला परमेश्वरदी आंता स्वभाव निलवाला. 20इंगा वाड क्रुस मिंदा सल्लीने रक्तामता शांती शेशी, पृथ्वी मिंदा लेकाते स्वर्गला उंडीने आन्नी माटलाद, वान तीकेल वान जताक समेट शेय्याला इदी परमेश्वरकी शिंगार वाटाशा.
21मीर यवार पहिला परमेश्वर देगार केल धुराम उंटीर इंगा मी वाईट फनुला इचांग, मनता वान शत्रुल उंटीर, 22पण इप्पुड परमेश्वर ख्रिस्तन शारीरिक सावता मिद पण समेट शेशा. दिनिचांग की वाड मिमलान वान कंडला मुंदार पवित्र, निष्कलंक इंगा निर्दोष बनायमती सुपीयाला. 23येनटीक की, मीर, विश्वासला जोता येशीनोर इंगा स्थिर उंडार इंगा मीर इनीने सुवार्ताद आशा मीर इडवालेद, याद मोडाम किंदा आंता सृष्टीला गाजाय मतेदेंक वच्चीनाद; इंगा यादान सेवक निन पौल आयनान.
मंडळी इचांग पौलदी मेहनत
24हे ना आक्का तम्मुळ्ळालाला, मी इचांग ना दुखला निन आनंद शेस्तान इंगा इप्पुड, ख्रिस्तन दुखला वान फय इचांग आंटे मंडळी इचांग येम कमी उंडाद आदी ना फयला निन पुर्ण शेस्तुनान. 25इंगा परमेश्वरदी वचन पुर्ण शेशेदेंक मी इचांग परमेश्वरदी कारभार नाक इच्चीनेद उंडाद. दांटल्या निन मंडळी सेवक आयनान. 26याद रहस्य युगानयुग इंगा पिढीलाकेल गुप्त फेटनेद उंड्या पण इप्पुड, परमेश्वर मंदीक प्रकट आयनाद, आदी इदी वचन उंडाद. 27आ गौरवी रहस्यद किंमत यहुदी लेनोर मंदीला येम उंडाद, इदी वान मंदीक शप्पेद परमेश्वरकी शिंगार वाटाशा; इंगा गौरवदी आशा इल्ला यवाड ख्रिस्त मी लोना उंडाड वाडे आदी रहस्य उंडाड. 28यवानदी घोषणा शेशी मिम, प्रत्येक मनशीक चेतावनी इस्ताम इंगा आंता ज्ञानता प्रत्येक मनशीक नेरपुताम की, मिम प्रत्येक मनशीक ख्रिस्तला परिपुर्ण शेशी सुपीयाला. 29इंगा इद्दे फनी इचांग ख्रिस्तद याद शक्ती ना लोना सामर्थ्यता वानदी फनी शेस्ताद दानता निन मन आंची फनी शेस्तुनान.
Currently Selected:
COL 1: WNT
Highlight
Copy
Compare
Share
Want to have your highlights saved across all your devices? Sign up or sign in