JHN 13
13
येशुड वान शिष्यलाय काळ कडगुताड
1इप्पुड, वल्हांडन फंडगा काना मुंचार इल्ला आय्या की, येशुनदी वान आब्बान तिकुड फोयेद वेळ वच्चीनाद, इदी जानाशी, इ दुन्यामलोन मंदी मिंदा वानदी याद प्रेम उंड्या, आदी वाड आखरी नंताक शेशा. 2शिमोन कोडकु यहूदा इस्कर्योत मनला येशुनदी विश्वासघात शेशी शत्रुला शेतल्या इयाला इल्ला शैतान पहिलाने येशीन्या. 3येशुनकी यरका उंड्या की, आब्बाड वान शेतल्या आंता इच्चीन्या इंगा वाड परमेश्वर तीकेल वच्चीन्या इंगा परमेश्वर तिकुड फोयतुन्या; 4येशुड तिनेताप्पुड लेशा, वाड वानी फैनुड बट्टाल वगा तीकुड फेट्या इंगा वगाट रुमाल तिस्केन वान नडमुलाक कट्ट्या. 5आप्पुड येशुड वगा गंगाळाला नेळ निंच्या इंगा वान शिष्यलाय काळ कडगेदेंक आंट्या इंगा नडमुलाक कट्टीने बट्टाता तुडशेदेंक आंट्या. 6यप्पुड वाड शिमोन पेत्र तिकुड वच्या, आप्पुड वाड वान आन्या, “प्रभु, नु नाय काळ कडगुताव येम?” 7येशुड वानकी उत्तर इच्या, “निन येम शेस्तुतान इदी नीक इप्पुड तेल्वाक फोई, पण आदी नीक मुंदारकी तेल्ची.” 8पेत्रड वान आन्या, “नु नाय काळ यप्पुडुच कडगाक.” येशुड वानकी उत्तर इच्या, “जर निन नी काळ कडगाक फोयतीन, तर नीद ना जताक येमीच संबंध निलवाक फोई.” 9शिमोन पेत्र वान आन्या, “प्रभु, नाय फक्त काळे लेद तर शेईल इंगा नत्ती पण कडगु.” 10येशुड वान आन्या, “यवानदी फय आयनाद वानकी काळला शिवाय इंगोगोट येमीच कडगेद गरज लेद, तर वाड नेहमी शुद्ध उंडाड; इंगा मीर शुद्ध उंडार, पण आंदारुच लेद.” 11येनटीक की मनाद विश्वासघात शेशी शत्रु शेतल्या फट्टी इच्चेतोड यवाड उंडाड इदी वानकी यरका उंड्या आंकेन वाड आन्या, “मीर आंदारुच शुद्ध लेर.”
12यंकसार वाड वारी काळ कडगीनेंका वानी फैनुडी बट्टाल फेटकेन किंदा कुसनीनेंका वाड वारनी आन्या, “निन मी जताक येम शेस्तीन आदी मिक तेलच्या येम? 13मीर नन्नु ‘गुरु’ इंगा ‘प्रभु’ आंटार इंगा मीर बरोबर आंटार, येनटीक की इदी खरेम उंडाद. 14निन जर मी प्रभुड इंगा गुरु उंडी मी काळ कडगुतीन तर मीर पण वगामेगारी काळ कडगाला.#13:14 इंदु येशुड काळ कडगे बद्दल आनाड तर वगा-मेगारदी सेवा शेयना आंटाड 15यल्ला निन मी जताक शेस्तीन आल्ले मीर पण शेय्याला आंकेन निन मिक उदाहरण इस्तीन. 16निन मिक खरे-खरेम शपतान, नोकर वान मालकुन काना फेद्दावोड लेड; इंगा आंपीनोड आंपेतोन काना फेद्दावोड लेड. 17इ माटलु मिक तेलस्ताय तर आटला लेका वागास्ते तर मीर धन्य उंडार. 18निन मी दिंटल्योन आंदार बद्दल माटलाडाक वच्चीनान. यवारनी निन निवडाशीनान वारनी निन गुरतु फटतान. तरी,
‘यवाड नाद रोट्या तिन्या
वाडे ना विरुद्ध वानदी काल यत्या,’ इदी शास्त्रलेख पुर्ण कावाबेक. #
स्तोत्रसंहिता 41:9.
19 इप्पुडनोटे इदी कावा काना मुंची निन मिक इदी शप्पी फेटतान, दिनिचांग की यप्पुड इल्ला आय्यी, आप्पुड मीर विश्वास फेट्टाला की, निन वाडे उंडान. 20निन मिक खरे-खरेम शपतान की, निन यवारनी आंपतान वान यवाड स्वीकार शेस्ताड वाड नन्नु स्वीकार शेस्ताड इंगा यवाड नन्नु स्वीकार शेस्ताड वाड यवाड नन्नु आंपीनाड वान स्वीकार शेस्ताड.”
विश्वासघात बद्दल इशारा
मत्तय 26:20-25; मार्क 14:17-21; लूक 22:21-23
21इल्ला माटलाडीनेंका येशुड आत्माला अस्वस्थ आय्या इंगा साक्ष इच्ची शिष्यलान आन्या, “निन मिक खरे-खरेम शपतान, मी दिंटल्योन्टोड वगाड नाद विश्वासघात शेशी नन्नु शत्रुला शेतल्या फट्टी इच्ची.” 22वाड यवान बद्दल माटलाड्या इदी शक शेस्केन शिष्यल वगामेगार तीकुड सुशेदेंक आंटीर. 23आप्पुड यवान मिंदा येशुड प्रेम शेयदु इल्ला वान शिष्यला लोन्केल वगाड येशुन यदालकी टेकाशी कुसनीन्या.#13:23 इड शिष्य योहान उंड्या 24आप्पुड शिमोन पेत्र वान खुनवाशी आडग्या, शप बर, वाड यवान बद्दल माटलाडतुनाड. 25आप्पुड वाड आल्ले येशुन यदालकी टेकाशी उंडीनाप्पुड वान आन्या, “प्रभु, वाड यवाड उंडाड?” 26येशुड उत्तर इच्या, “निन इदी रोट्याद तुत्तु तल्याला मुंची यवारकी इच्यान, वाडे उंडाड.” इंगा वाड आ रोट्या तुत्तुन तल्याला मुंची, आदी शिमोन कोडकु यहूदा इस्कर्योतकी इच्या. 27इंगा तुत्तु इच्चीन नग्रेम शैतान वान लोना दुर्या. मंग येशुड वान आन्या, “नीक येम शेशेद उंडाद आदी लगेच शेय.” 28पण येशुड वानकी इल्ला येनटीक आन्या इदी तिनेदेंक कुसनीनोर दिंटल्या यवारकीच तेल्वाक फो. 29येनटीक की यहूदान देगार थैली उंड्या आंकेन फंडगा इचांग मनाक येनटीद गरज उंडाद आदी कोन्केन तिस्कुनाला इंगा गरीबोरकी येमाना इयाला इल्ला येशुड शपतुनाड, इल्ला शिष्यलाक वाटाशा. 30मंग तुत्तु तिस्केन वाड लगेच बैटीक यल्ली फोया; आप्पुड मोब्बु उंड्या.
वगाट नवीन आज्ञा
31यहूदा इस्कर्योत बैटीक फोयनेंका येशुड आन्या, “इप्पुड मनशी कोडकुद गौरव आयनाद इंगा वान लोना परमेश्वरदी गौरव आयनाद; 32परमेश्वर पण वान लोना वानदी गौरव शेशी. वाड लगेच वानदी गौरव शेशी. 33ना प्रिय बिळ्ळालाला, निन इंगा रव्वा वेळ मी जताक उंडान; मंग मीर नन्नु फुडक्यार; इंगा यल्ला निन यहुदी अधिकारीलाक शप्पींटीन की, ‘निन फोयान आंदुक मिक दावादाक फोई.’ आल्ले इप्पुड निन मिक पण शपतान. 34निन मिक वगाट नवीन आज्ञा इस्तान; मीर वगामेगार मिंदा प्रेम शेयना. यल्ला निन मी मिंदा प्रेम शेस्तान आल्ले मीर पण वगामेगार मिंदा प्रेम शेयना. 35मिद वगामेगार मिंदा प्रेम उंड्या आंटे तर दिन मिंदकेल आंदार गुरतु फट्यार की, मीर ना शिष्यल उंडार.”
पेत्र नकार शेस्ताड दिन बद्दल येशुड भविष्यवाणी शेस्ताड
मत्तय 26:31-35; मार्क 14:27-31; लूक 22:31-34
36शिमोन पेत्र वान आन्या, “प्रभु, नु यंदुक फोयतुनाव?” येशुड वानकी उत्तर इच्या, “निन यंदुक फोयतुनान आंदुक, इप्पुड, नु वच्ची शकायाव; पण यंकसार नु वच्याव.” 37पेत्र वान आन्या “प्रभु, नाक इप्पुडे नी यंका येनटीक दावा दाद? निन नी इचांग नाद जेम इडशान.” 38येशुड वानकी उत्तर इच्या, “ना इचांग नु नीद जेम इडशाव येम? निन नीक खरे-खरेम शपतान, नु नाद मुड तुकुल नकार शेशाव आड नंताक फुंजु आरवाक फोई.”
Currently Selected:
JHN 13: WNT
Highlight
Share
Compare
Copy
Want to have your highlights saved across all your devices? Sign up or sign in
