JHN 14
14
येशुड वान शिष्यलाद सांत्वन शेस्ताड
1येशुड मुंदारकी आन्या, “मी मनलु दुखी कानियाकुंडा; परमेश्वर मिंदा विश्वास फेटना, ना मिंदा पण विश्वास फेटना. 2ना आब्बान इंटल्या #14:2 आब्बान इंटल्या स्वर्गला निलचेदेंक शेंगेम जागा उंडाद. लेकुंटे तर निन मिक आल्ला शपतुंटीन; निन मी इचांग जागा तैयार शेशेदेंक फोयतुनान 3इंगा, निन फोई मी इचांग जागा तैयार शेस्तीन आंटे वापस वच्ची मिमलान ना यंका येका फोयान; दिनिचांग यंदु निन उंडान आंदु मीर पण उंडाला. 4निन फोयतुनान आक्काडदी दावा मिक यरका उंडाद.”
मार्ग, सत्य इंगा जीवन
5थोमाड येशुन आडग्या, “प्रभु, नु यंदुक फोयतुनाव इदी माक यरका लेद; मंग माक दावा यल्ला यरका उंडी?” 6येशुड वान आन्या, “मार्ग, सत्य इंगा जीवन निने उंडान. ना तीकुड वच्चीनशे आब्बान तीकुड यवारुच फोई शकायार. 7निन यवाड उंडान इदी मीर गुरतु फट्टीन्टे तर ना आब्बान पण गुरतु फटतुंटीर. इप्पुडनोट मुंदारकी मीर वान गुरतु फटतार इंगा मीर वान सुशीनार पण.”
8फिलिप्प, वान आन्या, “प्रभु, माक आब्बाड सुपी, इंते मा इचांग शेंगेम उंडाद.” 9येशुड वान आन्या: “फिलिप्प, निन नी जताक इन्नी नाळ उंडी पण नु नन्नु गुरतु फट्टाव येम? यवाड नन्नु सुशीनाड वाड आब्बान सुशीनाड; तर ‘माक आब्बान सुपी’ इल्ला नु यल्ला आंटाव? 10निन आब्बान लोना इंगा आब्बाड ना लोना उंडाड, इल्ला विश्वास नु फेट्टाव येम? याय माटलु निन मिक शपतुनान, आय निन ना मनता शप्पाक वच्चीनान; ना लोना निलचेतोड आब्बाड वानी फनुल शेस्ताड. 11निन आब्बान लोना इंगा आब्बाड ना लोना उंडाड दिन मिंदा मीर विश्वास फेटना; लेकाते ना फनुला इचांग तरी ना मिंदा विश्वास फेटना.
येशुन फेरता प्रार्थना
12 निन मिक खरे-खरेम शपतान, निन याय फनुल शेस्तान आय ना मिंदा विश्वास फेट्टेतोड पण शेशी इंगा आटला काना फेद्दाय शेशी, येनटीक की निन आब्बान देगार फोयतुनान. 13कोडकु तीकेल आब्बानदी गौरव कावाला आंकेन मीर ना फेरता येम पण आडग्यार आदी निन शेशान. 14मीर ना फेरता ना देगार येमाना आडगुतीर आंटे निन आदी शेशान.
पवित्र आत्माद अभिवचन
15येशुड मुंदारकी आन्या, जर मीर ना मिंदा प्रेम शेस्ते तर मीर ना आज्ञाल पाळाशार. 16निन आब्बानकी विनंती शेशान, आंटे वाड मिक दुसरा वकील आंटे सत्यद आत्मा इच्ची. दिनिचांग की, आदी मी जताक नेहमी उंडाला. 17दुन्यामलोन मंदी सत्यद आत्मा ग्रहण शेशी शकायार, येनटीक की वार दान सुडार इंगा गुरतु फट्टार; मीर दान गुरतु फटतार, येनटीक की आदी मी जताक निलस्ताद इंगा आदी मी नडमा निलची. 18निन मिमलान अनाथ इडवाक फोयान; निन मी तीकुड वापस वच्यान. 19इप्पुड इंगा रव्वा वेळ उंडाद, मंग दुन्यामलोन मंदी नन्नु सुशी शकायाक फोई. पण मीर नन्नु सुशार; निन जिवंत उंडान, आंकेन मीर पण जिवंत उंड्यार. 20आबद मिक तेल्ची की, निन ना आब्बान लोना उंडान इंगा मीर ना लोना निन मी लोना उंडान. 21यवार देगार नाय आज्ञाल उंडाय इंगा यवाड आय पाळास्ताड वाडे ना मिंदा प्रेम शेशेतोड उंडाड; इंगा यवाड ना मिंदा प्रेम शेस्ताड; वान मिंदा ना आब्बाड प्रेम शेशी; निन वान मिंदा प्रेम शेशान इंगा स्वतान वानकी प्रकट शेशान.” 22यहूदाड (इस्कर्योत लेड) वान आडग्या, “प्रभुजी, इल्ला येम आय्या की, नु स्वतान माक प्रकट शेशाव पण दुन्यामलोन मंदीक शेयाक फोयाव?” 23येशुड वानकी उत्तर इच्या, “यवानदी ना मिंदा प्रेम उंडी वाड नाय वचनलु पाळाशी; ना आब्बाड वान मिंदा प्रेम शेशी इंगा मिम वान तीकुड वच्याम, इंगा वान जताक वस्ती शेशी निलच्याम. 24यवाड ना मिंदा प्रेम शेयाड वाड नाय वचनलु पाळायाड इंगा मीर याय वचनलु इंटार आय नाय लेव तर यवाड नन्नु आंपीनाड आ आब्बानी उंडाय.
25 निन मी जताक निलचेताप्पुड इ माटलु मिक शप्पीनान. 26तरी यवारनी आब्बाड ना फेरता आंपी आ वकील आंटे पवित्र आत्मा मिक आंताच नेरपी इंगा याय माटलु निन मिक शपतीन आय आन्नी मिक ध्यानाम शेशी इच्ची.
येशुनदी शांती
27 निन मी इचांग शांती इच्ची फोयतान; निन नाद शांती मिक इस्तान यल्ला दुन्याम इस्ताद आल्ला निन मिक इयान; मी अंतकरण उदास इंगा येरस्कुनाराद, 28‘निन फोयतान इंगा मी तीकुड वापस वच्यान.’ इल्ला जे निन मिक शपतीन आदी मीर इनीनार. जर ना मिंदा मिद प्रेम उंटे तर निन आब्बान तीकुड फोयतान आंका मिक आनंद आयतुन्या; येनटीक की ना आब्बाड ना काना फेद्दावोड उंडाड. 29इप्पुड निन मिक इदी कावा काना मुंची शप्पी फेटनान, दिनिचांग की यप्पुड इल्ला आय्यी आप्पुड मीर ना मिंदा विश्वास फेट्टाला 30दिन काना जास्त निन मी जताक माटलाडान, येनटीक की दुन्याम शासक शैतान वस्तुनाड; तरी ना मिंदा वानदी येमीच अधिकार लेद. 31पण इल्ला दिनिचांग आयतुनाद की दुन्यामकी यरका कावाला की निन आब्बान मिंदा प्रेम शेस्तान इंगा आब्बाड यल्ला नाक आज्ञा इच्चीनाड आल्ले निन शेस्तान. लेयना, मनाम इंदुकेल फदाम.”
Currently Selected:
JHN 14: WNT
Highlight
Share
Compare
Copy
Want to have your highlights saved across all your devices? Sign up or sign in
