JHN 19
19
देब्बाल मतेद इंगा मजाक यगरा मतेद
मत्तय 27:27-31; मार्क 15:16-20
1मंग पिलात येशुन येका फोई देब्बाल मत्तान आंच्या. 2आप्पुड शिपाईल वगाट मुंडलाद मुकुट बनायमती वान नत्ती मिंदा फेट्टीर इंगा वानकी वगाट जांभळा झगा येशीर. 3इंगा वार वान मुंदार वच्ची आनीर, “हे यहुदी मंदी राजा, नीद जयजयकार उंडाला!” मंग वार वान शंपाक मतीर. 4आप्पुड पिलात वापस बैटीक वच्ची आन्या, “सुडना, नाक वान लोना येमीच दोष कमसाद, इदी मिक तेल्वाला आंका निन वान मी तीकुड बैटीक यकोस्तान.” 5आप्पुड येशुड मुंडलाद मुकुट इंगा जांभळा झगा येस्केन बैटीक वच्या इंगा पिलात वारनी आन्या, “सुडना, इ मनशी!” 6मुख्य याजकलु इंगा वार शिपाईल वान सुशी कीरलीगास आनीर, वान “क्रुस मिंदा येयना, क्रुस मिंदा येयना; पिलात वारनी आन्या, मीरे येका फोई वान क्रुस मिंदा येयना; येनटीक की नाक वान दिंटल्या येमीच दोष कमसाद.” 7यहुदी मंदी वानकी उत्तर इच्चीर, “माद पण नियमशास्त्र उंडाद इंगा आ नियमशास्त्र नुसार इड सय्या बेक; येनटीक की इड स्वतान परमेश्वर कोडकु आन्या.” 8पिलात इदी माटा इनी जास्तने येरस्कुन्या; 9इंगा वाड वापस किल्लालोंग फोया इंगा येशुन आन्या, “नु यंदुटोड उंडाव?” पण येशुड वानकी उत्तर इयालेद. 10पिलात वान आन्या, “नु ना जताक येनटीक माटलाडाव? निक यरका लेद येम की निन्नु इडशेद अधिकार नाक उंडाद इंगा निन्नु क्रुस मिंदा यक्कामतेद पण नाक अधिकार उंडाद?” 11येशुड उत्तर इच्या, “निक आदी अधिकार फैनेल इया लेकुंटे तर ना मिंदा येमीच अधिकार लेकुंटुन्या, आंकेन यवाड नन्नु नी शेतल्या इच्या वानी पापलु शेंगेम उंडाय.” 12दिन मिंदकेल पिलात वान इडशेद प्रयत्न शेशा, पण यहुदी मंदी कीरलीगास आनीर, “नु जर वान इडस्ती तर नु कैसर मित्र लेव; यवाड पण स्वतान राजा आंटाड वाड कैसरदी विरोध शेस्ताड.” 13दिनिचांग पिलात इदी माटा इनीनेंका येशुन बैटीक येका फोया इंगा फरसबंदी फेर जागाला न्यायासन मिंदा कुसन्या. इब्री भाषाला इ जागान गब्बाथा आंटार. 14आदी वल्हांडन फंडगा तैयारीद दिनमु उंड्या, आप्पुड तरी मद्यानी बारा वागीन्या इंगा वाड यहुदी मंदीन आन्या, “सुडना, मी राजा!” 15दिन मिंदा वार कीरलीर, “वान मतेसकाडना, वान क्रुस मिंदा येयना.” पिलात वारनी आन्या, “निन मी राजान क्रुस मिंदा खिळायाला येम?” मुख्य याजक उत्तर इच्या, “माक कैसरनी इडशी यवाडुच राजा लेड.” 16आप्पुड, वाड येशुन क्रुस मिंदा खिळाशेदेंक वार शेतल्या इच्या.#मत्तय 27:32-44; मार्क 15:21-32; लूक 23:26-43.
येशुन क्रुस मिंदा खिळाशेद
मत्तय 27:32-56; मार्क 15:21-41; लूक 23:26-49
17आप्पुड सैनिकलु येशुन येका फोईर इंगा वाड वानदी क्रुस स्वता यतकेन 'कवटीद' जागा आनीने जागालोंग फोया. इ जागान इब्री भाषाला गुलगुथा आंटार. 18आंदु वार वान इंगा वान जताक इंगा इद्दारनी, वगान इतुक इंगा वगान आतुक इंगा येशुन नडमा इल्ला क्रुस मिंदा खिळाशीर. 19इंगा पिलात वगाट पाटी राशीगास आ क्रुस मिंदा आंच्या; 'यहुदी मंदी राजा नासरी येशु' इल्ला राशीनेद उंड्या. 20येशुन क्रुस मिंदा खिळाशीनेद जागा यरुशलेम नगर देगार उंड्या. आंका शेंगेम यहुदी मंदी आदी पाटी वाचाशीर. आदी इब्री, रोमी इंगा ग्रीक भाषाला राशीनेद उंड्या. 21आप्पुड यहुदी मंदी मुख्य याजकलु पिलातनी आनीर, “यहुदी मंदी राजा इल्ला रायाक तर वाड आन्या ‘निन यहुदी मंदी राजा उंडान’ इल्ला राय.” 22पिलात उत्तर इच्या, “निन रास्तीन आदी रास्तीन.”
23मंग शिपाईल येशुन क्रुस मिंदा खिळाशीनेंका वानी बट्टाल तिस्कुनीर इंगा प्रत्येक शिपाईक वगा भाग इल्ला नालुंग भागलु शेशीर; इंगा झगा पण तिस्कुनीर. आदी झगा कुरशीनेद लेकुंड्या; आदी फैनेल किंदुड नंताक सरळ विनाशीनेद उंड्या. 24दानिचांग वार वगामेगारनी आनीर, “मनाम इदी सिंचावद्दो; पण इदी यवारकी शिक्की इदी ठराय मतेदेंक चिट्टील येयदाम.” इदी दिनिचांग आय्या की, 'वार नाय बट्टाल वगामेगारला फंचकुनीर इंगा ना झगा मिंदा वार चिट्टील येशीर,' इल्ला जे पवित्र शास्त्रला राशीनेद उंड्या पुर्ण कावाला; आंका शिपाईल इ माटलु शेशीर.#स्तोत्रसंहिता 22:18.
25पण येशुन क्रुस देगार वान आम्मा, वान मावशीद इंगा क्लोपान वडती मरीयाद इंगा मग्दालीया नगरदी मरीयाद इर नीला फडीनीर. 26येशुड यप्पुड मना आम्मान इंगा वाड या शिष्य मिंदा प्रेम शेयदु वान यप्पुड देगार नीला फडीनेद सुशा आप्पुड वाड वान आम्मान आन्या, “यम्मा, सुड, इड नी कोडकु.” 27आप्पुड वाड आ शिष्यन आन्या, “सुड, इदी नी आम्मा!” इंगा आप्पुड आ शिष्य दान वान इल्लुक येका फोया.
येशुनदी मृत्यु
मत्तय 27:45-56; मार्क 15:33-41; लूक 23:44-49
28मंग, इप्पुड आंता पुर्ण आयनाद इदी जानाशी येशुड, शास्त्रलेख पुर्ण कावाला आंका, “नाक दुपाक आयनाद” इल्ला आन्या.#स्तोत्रसंहिता 22:15. 29आंदु, वगाट विनेगरता निंची फेटनेद बतकु उंड्या, आंका वार दिंटल्योन्टोड वगाड विनेगरला आद्दीनेद वगा बोळा वगा एजोब शट्टु कट्ट्या मिंदा फेट्टी वान मुतीक आंचीर.#स्तोत्रसंहिता 69:21; लूक 23:46. 30येशुड विनेगर तागी नेंका आन्या, “पुर्ण आय्या.” इंगा वानदी नत्ती किंदीक वंची वानदी जेम इडस्काड्या.#मार्क 15:37; लूक 23:46.
भालाता फुच्चेद
31आदी तैयारीद दिनमु उंड्या इंगा शब्बाथ दिनमुनाड क्रुस मिंदा शरीर लेवाराद, येनटीक की आदी शब्बाथ फेद्दाद दिनमु उंड्या आंका यहुदी मंदी पिलातकी विनंती शेशीर की, वानी काळ इरगा मती वान तिशी येका फोवाला. 32आप्पुड शिपाईल वच्ची वान जताक क्रुस मिंदा खिळाशीने पहिलावोनी इंगा इंगोगोनी काळ इरगा मत्तीर. 33पण वार येशुन देगार वच्ची नेंका, वाड सच्ची फोयनाड इल्ला सुशी, वार वानी काळ इरगा मतालेद. 34तरी पण शिपाईला लोन्केल वगाड भालाता वान फक्का बरलाला फुच्या; आप्पुड लगेच, रक्ताम इंगा नेळ बैटीक वच्या. 35इंगा यवाड इदी सुशा वाड साक्ष इच्या वानदी साक्ष खरेम उंडाद इंगा वाड खरेम माटलाडतुनाड इदी वानकी यरका उंड्या दिनिचांग की, मीर पण विश्वास फेट्टाला. 36येनटीक की, “वानदी यादुच यमका तेगाक फोई,” इदी पवित्र शास्त्रला राशीनेद पुर्ण कावाला आंका इ माटलु आय्या.#निर्गम 12:46; गणना 9:12; स्तोत्रसंहिता 34:20. 37इंगा पवित्र शास्त्रलोंदी इंगा वगाट वचन इल्ला आंटाद, “यवानकी वार फुच्चीर, वार वान तीकुड सुशार.”#जखऱ्या 12:10.
येशुन कबरला फेट्टेद
मत्तय 27:57-61; मार्क 15:42-47; लूक 23:50-56
38इ माटलु आयनेंका, यवाड अरिमथाईकर योसेफ इड येशुनदी फिनग्या येकेन फोवा दावाला का पिलातकी विनंती शेशा. वाड येशुन शिष्य उंडी पण यहुदी मंदी येरपु इचांग गुप्त शिष्य उंड्या, पिलात वानकी परवानगी इच्या वाड फोई येशुनदी फिनग्या येका फोया. 39इंगा, वान तीकुड पहिला मोब्बुला वच्चीनोड निकदेम पण गंधरस इंगा अगरुद तरी पस्तीस किलो मिश्रण येकेन आंदुक वच्या. 40मंग वार येशुनदी फय तिस्कुनीर इंगा यहुदी मंदी अंतिम विधी रितीलेका वार वान सुगंधी मसालाल जताक तेल्ला बट्टाला गुंडाळीचीर. 41येशुन या जागाला क्रुस मिंदा खिळाशीनीर आंदु वगा बाग उंड्या; इंगा आ बागला वगाट कोत्ताद कबर उंड्या; दांटल्या यवारनीच यप्पुडुच फेट्टा लेकुंडीर. 42आदी यहुदी मंदी तैयारीद दिनमु उंड्या आंका इंगा आदी कबर देगार उंड्या आंका, वार येशुन सच्चीने फयीन आंदु फेट्टीर.
Currently Selected:
JHN 19: WNT
Highlight
Share
Compare
Copy
Want to have your highlights saved across all your devices? Sign up or sign in
