JHN 20
20
खाली कबर
मत्तय 28:1-10; मार्क 16:1-8; लूक 24:1-12
1हफ्ता पहिला दिनमुनाड#20:1 हफ्ता पहिला दिनमुनाड आयतोर नाड , नस्कुलाने, मग्दालीया नगरलोनदी मरीयाद काही बाकीचे आंड्योर जताक कबर देगार वच्या इंगा कबर मुती मिंदुडदी राय सरकाशीनेद उंडाद इल्ला आदी सुशा. 2आप्पुड आदी शिमोन पेत्र इंगा यवान मिंदा येशुड प्रेम शेयदु आ इंगोगो शिष्य तीकुड फारका वच्ची वारनी आन्या, “वार प्रभुन फयीन कबर लोन्केल तिशी येकेन फोयनार इंगा वान यंदु फेट्टीनार इदी मनाक यरका लेद.” 3इदी इनी पेत्र इंगा वाड इंगोगो शिष्य बैटीक फोई कबर तीकुड फोयेदेंक यल्लीर. 4आप्पुड वार इद्दार जता मिंदा फारदुर; पण वाड इंगोगो शिष्य पेत्र मुंदारकी फारका फोया इंगा कबर देगार पहिला पोहचाशा. 5वाड वंगी लोनीक सुशा इंगा आंदु बट्टाल फडीनेय सुशा. पण वाड लोनीक फोक फो. 6शिमोन पेत्र पण वान यंका-यंका वच्या इंगा वाड कबर लोनीक फोया; 7इंगा बट्टाल फडीनेय सुशा इंगा रुमाल पण, याद येशुन मुतीक गुंडाळीची फेटनेद उंड्या. 8आप्पुड या इंगोगो शिष्य पहिला कबर देगार वच्चीन्या वाड पण लोनीक फोया इंगा येशुड सच्चीनोर लोन्केल लेशीनाड इदी सुशी वाड विश्वास फेट्या. 9येनटीक की वाड सच्चीनोर लोन्केल लेशी इदी आय्यीच, इदी पवित्र शास्त्रलेख वारकी इंगाना तेल्वा लेकुंड्या.#स्तोत्रसंहिता 16:10; यशया 53:10-12; होशेय 6:2. 10मंग वार शिष्यल वार इंडलाक फोईर.
पुनरुत्थान आयनेंका येशुनदी सेवा — 20:11—21:25
येशुनदी मरीया दानकी दर्शन
11पण मरीयाद आंदे बैट्या कबर देगार येडस्केन नीला फडीन्या इंगा आदी येडस्केन वंगी कबरला सुशा; 12इंगा यंदु येशुनदी फिनग्या फेट्टीनेद उंड्या आंदु आदी शुभ्र बट्टाल फेटकुन्ने रोंड स्वर्गदुतलान वगान नत्ती तीकुड बाजुक इंगा वगान काळा तीकुड बाजुक कुशीन्नेद सुशा. 13इंगा वार दान आनीर, “हे यम्मा, नु येनटीक येडस्ताव?” आदी वारनी आन्या, “वार ना प्रभुन फयीन येका फोईर इंगा वान यंदु फेट्टीनार इदी नाक यरका लेद.” 14इल्ला आनीगास यल्ला आदी यंकाक तिरग्या इंगा दानकी येशुड नीला फडीनोड कमशा; पण वाड येशुड उंडाड इदी आदी गुरतु फट्टालेद. 15येशुड दान आन्या, “हे यम्मा, नु येनटीक येडस्ताव? नु यवारनी फुडकुतुनाव?” वाड माळी उंडाड इल्ला समजाशीगास आदी वान आन्या, “साहेब, नु जर वान इंदुकेल येका फोइंटे तर वान यंदु फेटनाव आदी नाक शप आंटे निन फोई वान येका फोयान.” 16येशुड दान आन्या, “मरीया,” आदी तिरगी वान इब्री भाषाला आन्या, “रब्बुनी,” (आंटे गुरुजी) 17येशुड दान आन्या, “नन्नु मुट्टाक; येनटीक की, निन इंगाना आब्बान तीकुड फैनिक फोलेद; तर ना तम्मुळ्ळाक फोई वारकी शप की, निन ना आब्बान इंगा मी आब्बान तीकुड, ना परमेश्वर इंगा मी परमेश्वर उंडाड वान तीकुड फैनिक फोयतुनान.” 18मग्दालीया नगरदी मरीयाद फोई शिष्यलाक शप्या, निन प्रभुन सुस्तीन इंगा वाड नाक इ माटलु शप्या.
येशुनदी प्रेषितलाक दर्शन
लूक 24:36-43; १करिंथ 15:5
19आद्दे नाड, आंटे हफ्ताद पहिला दिनमु#20:19 आद्दे नाड, आंटे हफ्ताद पहिला दिनमु आयतोर नाड फद्दु मुनगेताप्पुड, शिष्यल यंदु वगातळा उंडीर आंदुडदी कवाड यहुदी मंदी येरपु इचांग बंद उंड्या, आप्पुड, येशुड लोनीक वच्या इंगा नडमा नीला फडी आन्या, “मिक शांती उंडाला.” 20इंगा इदी माटलाडीनेंका वाड वानी शेतुल इंगा फक्का बरलु सुपीच्या; इंगा शिष्यल प्रभुन सुशीर आप्पुड वार आनंदीत आय्यीर 21आप्पुड येशु वारनी वापस आन्या, “मिक शांती उंडाला. यल्ला आब्बाड नन्नु आंपीनाड आल्ले निन पण मिमलान आंपतान.” 22इंता माटलाडी वाड वार मिंदा उद्या इंगा वारनी आन्या, “पवित्र आत्मा तिस्कोंडा.#उत्पत्ती 2:7. 23यवार पापलाद मीर क्षमा शेस्तार वारी क्षमा आय्यी इंगा यवार पापलाद मीर क्षमा शेयाक फोयार आय आल्ले फेटनेय उंडी.”
थोमानकी येशुनदी दर्शन
24येशुड वच्चीन्या आप्पुड, बारा लोन्टोड वगाड, यवान दिदुम आंटार वाड थोमा वार जताक लेकुंड्या. 25आंका बाकी शिष्यल वानकी शप्पीर, “मिम प्रभुन सुस्तीम.” आप्पुड वाड वारनी आन्या, “निन वान शेतल्या मोळालदी निशाण सुशीनशे, मोळाल जागाला नाद बोट येशीनशे इंगा वान फक्का बरलाला नाद शेय येशीनशे निन वाड सच्चीनोर लोन्केल लेशीनाड आंका विश्वास फेट्टाके फोयान.”
26इंगा इदी घटना आयनेंका, यनमीद नाळाक, वान शिष्यल इंटल्या उंडीर इंगा थोमाड वार जताक उंड्या; इंगा दरवाजा बंद उंडीनाप्पुड येशुड वच्ची नडमा नीला फड्या इंगा आन्या, “मिक शांती उंडाला.” 27मंग वाड थोमान आन्या, “नीद बोट मुंदारकी शेय इंगा ना शेतुल सुड; नीद शेय मुंदारकी साप इंगा ना फक्का बरलाला येय; इंगा अविश्वासी काक पण विश्वास फेट्टेतोड का.” 28इंगा इदी इनी थोमाड वान आन्या, “ना प्रभु इंगा ना परमेश्वर!” 29येशुड वान आन्या, “नु नन्नु सुशीनाव आंका विश्वास फेट्टीनाव. यवार सुडांदे विश्वास फेटतार वार धन्य उंडार!”
इ पुस्तकनी राशेद उद्देश
30इंगा इ पुस्तकला राशीनेय लेव इल्ला इंगोगो शेंगेम चिन्हल येशुड वान शिष्यला मुंदार शेशा. 31पण इ दिनिचांग राशीनेय उंडाय की, येशुड इड परमेश्वर कोडकु ख्रिस्त उंडाड, इल्ला मीर विश्वास फेट्टाला इंगा मी विश्वास इचांग मिक वान फेरला सार्वकालिक जीवन शिक्काला.
Currently Selected:
JHN 20: WNT
Highlight
Share
Compare
Copy
Want to have your highlights saved across all your devices? Sign up or sign in
