Luka 4

Catan obito Yecu

(Nen daŋ Matayo 4.1-11; Marako 1.12-13)

1Yecu odwogo i Jordan a doŋ Cuny Acil opoŋ i yie, Cuny Acil obedo tele i dye tim 2pi nino pyeraŋwen, kun Catan bite, i kare-nu ducu onwoŋo mom camo ginnoro; ka otum, kec oneke. 3Catan okobbe ni, “Ka yin i Wot Obaŋa, koŋ ikobbi gweŋ man lokere dok kwon.” 4#Lodo 8.3Yecu te gamo ni, “Yam ocoo ni, ‘Dano mom bino bedo kwo ka i kwon keken.’ ” 5Catan te dok tere malo, te nyutte loc luŋ me wi lobo i akina anonokkoro keken, 6te kobbe ni, “Abino miyi twer magu ducu, kede kwogo megi, pien otyeko miya, atwero miyo baŋ ŋattoro ame an amito. 7Doŋ ba, ka yin iwora, ducu abedo megi.” 8#Lodo 6.13Yecu ogamo ni, “Yam ocoo ni,

‘Wor Rwot Obaŋani, iti pi en keken.’ ”

9Icennere dok otere i Jerucalem, ocibe i wi atenni ot Obaŋa malo, te kobbe ni, “Ka yin i Wot Obaŋa, koŋ iŋoye irette piny kan, 10#Jab. 91.11pien yam daŋ ocoo ni,

‘En bino ciko omalaika mere piri, me gwoki,’

11 # Jab. 91.12 daŋ ni,

‘Gin obino joli i ciŋi,

me kur itwom tyeni kede gweŋ.’ ”

12 # Lodo 6.16 Yecu te gamo ni, “Yam okobo ni, ‘Kur iom yi Rwot Obaŋani.’ ” 13Ka Catan otyeko bite i yore luŋ, oweke me ekur kare aber.

Yecu ocako ticcere i lobo Galilaya

(Nen daŋ Matayo 4.12-17; Marako 1.14-15)

14Yecu odwogo i Galilaya i teko a Cuny Acil; pire owinyere i lobo ducu a ceggi i kuno. 15Opwonyo i kacokeregi, jo luŋ oketo kwogo i kome.

Jo Najaret okwero Yecu

(Nen daŋ Matayo 13.53-58; Marako 6.1-6)

16Yecu obino i Najaret, kan a rik edoŋo iye, odonyo i kacokere i ceŋ cabit, acalo kite mere me kare luŋ, oya malo ka kwan. 17Omie buk adwarpiny Icaya. Oyabo buk, te nwoŋo kan a rik ocoo ni.

18 # Ica. 61.1-2 “Rwot doŋ ocwao Cunye i koma,

pien en okwera wek arab amut aber baŋ ocan,

Oora pi rabbi jo a tye i opii ni obino gonyogi oko,

kede baŋ otowaŋ ni obino yabo waŋgi;

me agony jo a yam owunogi, owot i kuc;

19dok arab pi mwaka ame Rwot timo iye jo ber.”

20Owumo buk, odwoko baŋ atic, te bedo gire piny; jo ducu i kacokere waŋgi ocuŋ i kome. 21Ocako rabbigi ni, “Coc man tin ocobere kakare, iwinyo wunu i yitwu.” 22Jo luŋ okobo kop aber i kome, a kun daŋ owuro kop abeco me kica ame oya i doge. Gin te penyere ni “Man mom wot a Yucepu?” 23En te gamo doggi ni, “An aŋeo atira ni, wun ibino kobba wunu ni, ‘Dakatal caŋere keni; tic a rik owinyo itio i Kapernaum, ti daŋ i paco me turu.’ ” 24#Lak. 4.44Te dok medde kede ni, “Ateni, akobbiwu ni, mom tye adwarpinnyoro ame ojolo i loba me turgi. 25#1 Obak. 17.1Ento i ateni mere akobbiwu ni, rik tye mon apol i Icrael ame coggi oto i kare Elia, ka kot rik okwero cwe oko pi mwakki adek kede dwete abicel, ame kec atek rik opoto i lobo ducu, 26#1 Obak. 17.8-16ento mom ocwao Elia baŋ ŋattoro i akinagi, kono baŋ dako ame cware oto me Jarepat i loba me Cidon. 27#2 Obak. 5.1-14Dok daŋ i lobo Icrael rik tye iye odobo apol i kare adwarpiny Erica; ŋattoro ame ocaŋo i akinagi obedo mom, kono ka Naaman, dano me Curia.” 28Jo ecipan ame tye i kacokere, ka owinyo kop man, akemo omakogi atek. 29Gin ote twarre i piny oko, ote tere teŋe i ŋet paco, okele i wi kidi ame gin ogero pacogi i wie, me wek ote core piny oko. 30Ento en okato i akinagi, te wot gire oko.

Dano a tye kede cen arac

(Nen daŋ Marako 1.21-28)

31Yecu owoto i Kapernaum, ame en boma moro me Galilaya; obedo ka pwonyogi i ceŋ cabit. 32#Mat. 7.28-29Gin te gano pwonnyere, pien okobo kede twer. 33I kacokere rik tye iye dano moro a tye i cen arac; en oredo kede dwon aloŋo ni, 34“Eeei, kara ilaro ŋo kedwa, yin Yecu me Najaret? Ibino me tyekowa atyeka bo? An aŋei, yin i ŋat Acil Obaŋa.” 35Ento Yecu te juke ni, “Liŋ iti, ya oko i kome.” Cen arac te reto dano ca piny i nyimgi, oya oko i kome aboŋo timme ginnoro arac. 36Jo ducu owuro kun openyere kengi kengi ni, “Man kop aŋo-nie? Pien en ciko cen areco kede twer kede teko, gin te ya oko.” 37Pire owinyere i kabedo luŋ ame omano kannono.

Yecu ocaŋo maro a Cimon

(Nen daŋ Matayo 8.14-15; Marako 1.29-31)

38Yecu oya te kato oko i kacokere, odonyo i ot a Cimon. Maro a Cimon onwoŋo two, lyeto ociro atek; okwae ni konye. 39En obino ocuŋ i ŋete, ojuko lyeto, lyeto te ket oko i kome; cucuttono oya malo, okonyogi.

Yecu ocaŋo jo apol otyeno

(Nen daŋ Matayo 8.16-17; Marako 1.32-34)

40Ame cen amito poto, jo luŋ ame tye kede jo a komgi lit, ame toogi papat, okelogi baŋe; oketo ciŋe i kom ŋat acel acel i akinagi, ocaŋogi. 41Cen areco daŋ oya i kom jo apol, kun oredo ni, “In giri i Wot Obaŋa!” Ento en ojukogi, mom oye ni gin kob kopporo, pien gin ŋeo ni en Kricito.

Yecu owoto i weno me rabo kop

(Nen daŋ Marako 1.35-39)

42Ka piny oru, Yecu owoto kan ame jo mom iye. Lwak obedo yenye, gin te bino baŋe, ote temo gene ni kur ya i baŋgi. 43Ento en okobbigi ni, “Myero an arab amut aber me loc Obaŋa i boma ocele daŋ, pien an oora pi kop man.” 44En obedo ka rabo kop ikacokere me Judaya.

Currently Selected:

Luka 4: La79

Highlight

Copy