Lukas 5
5
Penjala lauk manjadi panjala kalunen
(Mat. 4:18-22; Mrk. 1:16-20)
1Ndeng sinde kali Yesus mendeng nitu tewang danau Genesaret, metuh ulun are mandesak Iye huang meneh Firman Allah. 2Iye payah due alur ndeng saran tewang nelayan-nelayan hi eleh muhun tutang menyo jalaah. 3Iye naker nangguh suang ice alur je, iyeje alur Simon, tutang nyuhu Iye supaya nulakah alur je kecu isut bara tewang. Palus Iye munduk tutang majar ulun are bara ambu alur je. 4Limbas jadi Iye pander, Iye hamaoh umba Simon: “Ngawusah nangguh ukan je timben tutang ngambirik ah jalamu akan ngalihan lauk.” 5Simon manjawab: “Guru eleh sapanjang alem ike bagawi karas tutang ike eam dinu narai-narai, tapi awi Iko nyuhuah, aku akan ngabirikah jala je jua.” 6Tutang limbas inde ngambirik ah, inde dinu lauk are, hingga jala nde hi huang barawit. 7Palus inde nenga tanda akan dorang kawal ndeng alur je beken supaya inde dumah mandohopah. Tutang Indeje dumah, palus inde hayak-hayak nyuang due alur je hapan lauk hingga mayo-mayo leteng. 8Metuh Simon Petrus napayah hal cehi iye sahuruk ndeng taharep Yesus tutang iye pander: “Tuhan, aku taai bahwa iko iyeje barasih dohop buho bara aku, awin akuhi ulun je badosa!” 9Awi iye tutang are ulun je haya-hayak umba eyam takicet awije are lauk je nde ngandinu; 10Limbahje jua Yakobus tutang Yohanes, dorang anak Zebedeus, je akan dehang Simon. Kuan Yesus umba Simon: “Ilah mikeh, napara bara wayahi iko akan ngupul ulun tutang beken lauk jua, iko akan manjala kalunen akan manjadi murid-Ku.” 11Tutang limbas inde ngisung ah alur je nangguh petak dae inde ngalihi angce puat aturah palus umba Yesus.
Yesus ngarigas ice ulun kana panyakit basamah
(Mat. 8:1-4; Mrk. 1:40-45)
12Nitu sinde kali Yesus ngudong ndeng suang ice kota. Ndeng aje tege ulun je kana panyakit basamah. Metuh ie payah Yesus, ie sahuruk tutang laku: “Tuan, amun Tuan huang, Tuan ulih ngarigas aku.” 13Palus Yesus ngulur lenge-Ah: “Tutang ngambuahiye.” Metuh jekia niho panyakit samahah. 14Yesus ngahana ulun je maraah akan ewepun tutang hamaoh: “Tulakih, pakarah arepmu akan imam bara Tuhan tutang mampasembahaih korban arakje paretah hukum musa agar supaya iko manjadi barasih akan bukti bagi inde.” 15Tetapi kabar mangenai Yesus hi sasar kecu tasiar tutang dumah ulun are rundu-rundun guang-Iye akan nihai ngarigas bara panyakit nde. 16Tapi Yesus paret ngalihi uras ulun tutang tulak guang ukan je tonih akan balakudua.
Yesus maapun dosa-dosa
(Mat. 9:1-8; Mrk. 2:1-12)
17Nitu ice ando metuh Yesus hi majar, tege pire-pire ulun Farisi tutang ahli Taurat je munduk meneh aoh-Ah inde uras dumah bara lewu jung daerah Galilea tutang Yudea tutang bara Yerusalem. Palus Yesus ninjuk kuasa Tuhan akan ngarigas ulun mondam. 18Lalu dumahih ulun ngaya icebeti ulun lumpuh ndeng ambu ukai tiruh; inde barusaha ngaya iye tame tutang ngalekak ah ndeng taharep Yesus. 19Awi inde eam ulih ngyaah tame berhubung awin kakaren ulun ndeng aje, nakerih inde nangguh sapo pasah lalu ngepak ah sapo je, tutang ngapuhun ulun je humba ukai tiruh nangguh betuk ulun are nepak taharep Yesus. 20Metuh Yesus napayah percaya umba Tuhan Yesus nde, hamaohih Iye: “Oi pahari, dosa mu jadi ku maapun.” 21Tetapi ahli-ahli Taurat tutang ulun-ulun Farisi bapikir suang ateah: “Eweih ce mahujat Allah hi? Pander umba eam sopan maapun dosa je beken bara Allah kepai?” 22Awije Yesus kataai pikiran nde, lalu pander umba inde: “Eweih ce iko mikirah ndeng suang atemu?” 23Manderih akaku je uwei lebih purah nyewutah: “Dosa-dosa mu eleh kana maapun,” atau “mendengih tutang nanjungi?” 24“Awije supaya iko taai, bahwa ndeng dunia hi Anak Kalunen berkuasa maapun dosa” panderih Iye umba ulun lumpuh je: “Akamu ih Aku manderah, mesikih, ngakatah ukam tiruhje tutang buli nangguh pasahmu!” 25Tutang metuh jekia iye mesik ndeng taharep inde, palus ngakat ukai tiruhje tutang buli nangguh pasahah sambil manara Allah. 26Uras ulun takicet, palus menara Allah, tutang inde puna mikeh, kuaiah: “Hando hi ike eleh manyaksiah hal-hal je puna ngahengan.”
Yesus milih icebeti pangupul pajak arai Lewi pangikut Yesus
(Mat. 9:9-13; Mrk. 2:13-17)
27Limbasje katika Yesus hi balua nangguh luar Iye napayah icebeti pamungut pajak. Iyeje arai Lewi, metuh munduk ndeng pasah pajak. Yesus pander umba iye: “Umbaih Aku!” 28Maka mendengih Lewi tutang ngalihiah kare gawi je, palus umba Yesus.
29Tutang Lewi hi mengadakan suatu perjamun hae akan Yesus ndeng pasahah tutang kakaren inde pamungut pajak tutang ulun beken uras kuman hayak umba Iye. 30Tutang pire-pire ulun farisi tutang ahli Taurat suang kalompok inde ngaritik hal cihi, inde ngisek umba pangikut Yesus awinen iko kuman tutang ngihup umba pangupul pajak tutang ulun-ulun badosa je beken? 31Palus jawab Yesus umba inde, kuai-Ah: “Beken ulun sehat je memerlu tabib, tapi ulun mondam; 32Aku dumah beken ngaho ulun jengeme arepah bujur, malainkan dumah ngaho ulun je badosa akan batobat.”
Yesus kanakisek mangenai Hal puasa
(Mat. 9:14-17; Mrk. 2:18-22)
33Ulun-ulun Farisi je pander jua umba Yesus: “Pangikut Yohanes paret puasa tutang balakudua, camjekia murid-murid ulun Farisi, tapi pangikut-pangikut-Mu kuman tutang ngihup.” 34Yesus hi manjawab aoh inde: “Enulih sahabat panganten hatue hi nyuhu iye puasa, metuh panganten hatue je hayak inde? 35Awin akan dumah katikaah, apabilapangaten hatue akan kangindu bara inde nitu saat jije inde akan puasa.”
36Iye pander jua mangenai parumpamaan-parumpamaan cihi: “Eam mare icebeti pun je ulih ngarawit kain je taheta akan nupangah baju je usang. Amun ulun nguaiah je usang cihi akan ngarawit baju je taheta, tetek kain bara baju eam akan rasuk umba baju je usang. 37Awin jijeih eam ulih icepun nyuang anggur je taheta nangguh suang katung upak je usang. Aun ulun nguan jije, anggur je taheta hi akan ngarawit katung upak metu jije. Anggur jije akan lepah, tutang upak metu jije akan rusak. 38Sabalikah ulun akan nyuang anggur je taheta nangguh suang katung upak je taheta. 39Cehiih sutu je bekenah: ‘Eam mare icepun je puji ngihupah anggur je usang huang ngihup anggur je taheta.’ Hawi pasti ie pander arepah kepai: ‘Anggur usang labih lamus.’”
Currently Selected:
Lukas 5: AMV
Highlight
Copy
Compare
Share
Want to have your highlights saved across all your devices? Sign up or sign in
Mahalat Bible by Beyond Translation is licensed under Creative Commons Attribution-ShareAlike 4.0 License.
