Lukas 21
21
Persembahan ulun bawi balu je susah
(Mrk. 12:41-44)
1Metuh Yesus umba kawan murid-E masih tege melai halaman Pasah Hatalla, Yesus payah melai kaliling dan payah ulun-ulun tatau patame persembahan se melai kotak persembahan Pasah Hatalla. 2Limbas je Ie payah bawi je puna belum susah dumah. Bawi balu je nenga persembahan berupa due keping duit tembaga korik je dia halau banilai. 3Yesus bapander umba kawan murid-E: “Aku bapander umba ikau, sesungguh e narai je nenga gawin bawi balu tuh labih banilai melai taharep Hatalla bara uras duit je nenga gawin ulun beken. 4Gawin, uras ulun tatau je baya nenga belah isut rajakin se je hatuyuk. Padahal bawi balu tuh puna susah dan nenga uras je ie tepui akan belum.”
Pasah Hatalla akan hancur
(Mat. 24:1-2; Mrk. 13:1-2)
5Limbas je pire-pire murid-E napara bapander tentang Pasah Hatalla. Ise bapander: “Payah batu-batu Pasah Hatalla je lamus kia, payah hadiah-hadiah lamus je kana persembah ulun akan Hatalla akan mahias e.” Tapi Yesus bapander: 6“Aku akan nyapai akammu tentang taluh-taluh je ikau payah tuh. Akan dumah wayah e tiap dinding akan kana karak. Uras batu akan kana hancur.”
Permulaan panderitaan
(Mat. 24:3-14; Mrk. 13:3-13)
7Kawan murid-E bakisek umba-E: “Guru, pea Pasah Hatalla akan kana hancur dan narai je pakarah akan ikei amun taluh je akan capat terjadi?” 8Limbas je Yesus bapander umba ise: “Bua-buah ih mangat ela sapai tege ulun je manyasat ikau tentang pea waktu e akan dumah, are ulun akan mander amun ise tepun kuasa-Ku. Ise akan ngaku jadi Mesias. Ise kia akan bapander,” Akhir dunia tuh jadi tukep. Tapi kame dia tau percaya umba ise. 9Metuh kame hening amun tege negara-negara je baperang dan ulun are mamberontak umba pemerintah se, ela mikeh. Gawin taluh kilau tuh harus terjadi labih helu, tapi kiamat dia akan capat dumah.
10Limbas je Yesus bapander umba ise: “Ulun-ulun bara ice bangsa akan nyarang ulun-ulun bara bangsa je beken. Raja-raja umba pasukan e akan berperang lawan raja-raja beken umba pasukan e. 11Melai nguwei-nguwei melai dunia tuh, bumi akan taguncang umba hebat, masa kalau mengerikan akan dumah, dan panyakit-panyakit parah akan nyebar umba capat guang ulun are. Uras tanda-tanda kilau je akan kakikeh dan je menakjubkan akan terjadi bara surga. 12Tapi helu bara je terjadi, kawan musuhmu akan nangkap pire-pire ulun bara kame dan ngaya kame melai baun pemimpin-pemimpin melai pasah ukan sambayang, dan ise akan manjara kame, dan ngaya kame guang baun raja-raja umba gubernur-gubernur akan kana adil. Ise akan nguan uras e je umba kame gawin kame iyeje kawan murid-Ku. 13Taluh kilau jituh akan nenga kesempatan akan kame je ngesah tentang Karajaan Hatalla. 14Tapi, ingat ih akan je dia pehe atei e tentang narai je akan kame mander e akan mayakin ise amun kame dia sala sabelum e. 15Aku mander tuh gawin Aku akan nenga akammu pander je puna bijaksana sapai heamti ice betipun bara ise je manantang kame akan tau malawan atau mangelak amun narai je kame mander e puna tutu. 16Kame akan kana serah gawin lun bakas kame, kawan paharin kame, kerabat kame, dan kawan kawal kame akan kawan musuh kame dan saparu bara kame akan kana patei gawin se. 17Uras ulun akan benci umba kame gawin kame iyeje kawan murid-Ku. 18Tapi Hatalla akan jaga kame bara kare bahaya je katatahie. 19Amun kame ulih nakalau metuh masa-masa kilau je dia malapas iman kame umba-Ku, Hatalla akan nenga pambelum je katatahie e.”
Tentang Hancur e Yerusalem
(Mat. 24:15-21; Mrk. 13:14-19)
20Limbas je Yesus malanjut pander-E: “Metuh kame payah kota Yerusalem kana kapung gawin musuh, maka kame tau yakin amun tentara je akan capat mahancur e. 21Metuh je, kame je melai provinsi Yudea harus pabuhau arep guang gunung dan basuhuk. Kame je melai kota Yerusalem harus lihi e, dan kame je melai guang tana ela tame guang suang kota. 22Gawin metuh katika je Hatalla akan mahukum masyarakat Yerusalem. Hukuman tuh akan manggenapi uras je jadi dinobatkan gawin kawan nabi dan tatulis suang Alkitab. 23Jituh akan jadi waktu je puna sulit akan bawi je metuh batehi atau metuh tuh patusu anak korik. Gawin ulun-ulun akan puna kapehe melai saluruh negeri tuh dan Hatalla akan mahukum ise umba kasar. 24Dan are bara ise akan kana patei suang pertempuran, dan are kia je akan ngaya jadi tawanan guang kakare bangsa melai bumi. Dan kota Yerusalem akan kana takluk dan kana parintah gawin ulun-ulun dia Yahudi sapai metuh je jadi rencana Hatalla akan se memerintah akan barahir.”
Pandumah Anak Manusia sama kilau tanding tentang batang kayu ara
(Mat. 24:29-35; Mrk. 13:24-31)
25Kame akan payah tanda-tanda je terjadi melai matan andau, bulan, umba bintang je nunjuk amun ahir Zaman akan capat dumah. Ulun-ulun melai saluruh bumi dan bangsa-bangsa akan pehe atei dan bingung. Taluh jituh akan terjadi gawin suara laut je nyaring dan galombang laut je bagalombang. 26Are ulun akan puna mikeh sapai tucah, gawin ise puna mikeh umba taluh je aneh je napara terjadi melai bumi. Hatalla akan mindah bintang-bintang umba planet-planet bara ukan je seharus e melai langit. 27Metuh je uras ulun are melai nguwe-nguwei akan payah Aku, Anak Manusia. Aku akan dumah guang bumi kana kaliling gawin awan-awan, pakarah kuasa je hae dan katarang-E je basinar. 28Gawin kajadian-kajadian je mengerikan napara terjadi, jadi bahanyi dan yakin umba arep. Gawin taluh tuh pakarah amun Hatalla je capat malapas ikau bara kasusah.
29Limbas je Yesus bakesah ice tanding akan manjelas masa depan tuh. Ie bapander: “Balajar bara batang kayu ara atau kayu bua-bua je beken e. 30Metuh ulun-ulun payah dawen-dawen napara lembut, ise tau payah kabuat dan ise tawai amun jadi huang sapai musim balasut. 31Umba cara je sama, amun ikau payah taluh je mikeh tuh akan terjadi, kame akan tawai amun Karajaan Hatalla akan capat dumah. 32Aku bapander umba ikau: sesungguh e tege belah bara ulun je belum wayah tuh pasti dia akan matei sahelu uras taluh tuh terjadi. 33Ikau akan yakin amun saluruh taluh je tege melai langit dan bumi tuh akan layap, tapi pander je jadi Aku mander akan tarus jadi kenyataan sapai katatahie.”
Kana tingak akan bajaga jaga
34“Tapi hati-hati ih umba caramu belum, ela nganan waktumu, akan basanang-sanang, ngihup busau, dan mikeh masalah-masalah suang pambelummu. Amun dia, ikau dia akan siap akan pandumah-Ku haluli. Pandumah-Ku haluli akan terjadi umba cara je dia taduga kilau jarat je manakap ice metu. 35Narai je terjadi metuh andau je akan mampangaruh uras ulun je belum melai saluruh dunia. 36Jaga-jaga ih satiap saat. Badoa umba Hatalla akan nenga kakuatan akan tatap satia umba kakare taluh je akan terjadi dan mendeng heam keme mahawen melai baun-Ku, Anak Manusia.”
37Metuh betuk andau Yesus ngacar melai bagian luar Pasah Hatalla, dan satiap hamalem Ie miar guang luar kota dan bamalem melai bukit je arai e Bukit Zaitun. 38Dan, are ulun dumah susu-susung tutu akan hening Yesus ngacar melai halaman Pasah Hatalla.
Currently Selected:
Lukas 21: CAV
Highlight
Copy
Compare
Share
Want to have your highlights saved across all your devices? Sign up or sign in
capur açu Bible by Beyond Translation is licensed under Creative Commons Attribution-ShareAlike 4.0 License.
