Lukas 23
23
Yesus melai sambang baun Pilatus
(Mat. 27:1-2,11-14; Mrk. 15:1-5; Yoh. 18:28-38)
1Limbas je uras pamimpin bangsa Yahudi nganya Yesus akan gubernur Romawi, je arai e Pilatus. 2Limbas je ise napara nuduh Yesus melai taharep Pilatus. Ise bapander: “Gubernur Pilatus, ikei dinu ulun jituh mahasut rakyat kei akan mambarontak malawan pamarintah. Ie nyuhu ikei mangat dia mbayar pajak akan pamimpin je paling gatung, dan ie mander amun Ie iyeje Juruslamat je kana utus gawin Hatalla, raja kei.” 3Limbas je Pilatus bakisek umba Yesus: “Tutukah Ikau raja ulun Yahudi?” Yesus nimai auh Pilatus: “Yoh, tutu, sama kilau je kau mander e je.” 4Limbas Pilatus ngisek Yesus, ie bapander umba kawan imam kapala dan uras ulun je bakupul melai nganih: “Aku payah amun ulun jituh heamti kasalai umba perbuataan je sala.” 5Tapi kawan pamimpin tatap jajuan nuduh Yesus. Ise bapander: “Ie mandorong ulun akan mambarontak umba pamarintah Romawi melai saluruh provinsi Yudea umba ajaran-E. Ie napara nguan taluh je melai daerah Galilea dan limbas je Ie dumah guang kota Yerusalem.”
6Metuh kawan pamimpin Yahudi mander amun Yesus napara ngacar ulun bara daerah Galilea, Pilatus bakisek: “Jadi, enkah Ie baasal bara daerah Galilea.” 7Metuh ise mander akai e amun Yesus baasal bara wilayah Galilea, je kia tame wilayah kakuasaan Herodes Antipas, Pilatus nyuhu ise ngaya Yesus akai e. Sama kilau pilatus, Herodes kia metuh guang kota Yerusalem metuh je.
Yesus melai sambang baun Herodes
8Herodes puna hanjak payah Yesus gawin ie jadi hening tentang Ie dan ie huang nyundau-E salama pire-pire waktu. Ie baharap payah Yesus nguan mujizat. 9Herodes tarus bakisek umba Yesus akan waktu je tahi, tapi Yesus manolak akan manjawab e. 10Kawan imam kapala umba kawan guru Hukum Musa mendeng melai nganih dan tarus nuduh umba tuduhan je babehat akan Yesus. 11Limbas je Herodes umba kawan pangawal e nguan Yesus umba dia hormat lea-lea Ie. Limbas je Herodes nyuhu ise akan masang jubah raja akai-E akan bapura-pura amun Ie iyeje raja. Limbas je, ie nyuhu pangawal e akan ngaya Yesus haluli guang Gubernur Pilatus. 12Metuh jaman behin, Pilatus umba Herodes tarus bamusuh, tapi metuh andau je dere jadi kawal.
Yesus haluli melai taharep Pilatus
(Mat. 27:15-26; Mrk. 15:6-15; Yoh. 18:38—19:16)
13Limbas kawan pangawal Herodes ngaya Yesus guang taharep Pilatus, ie ngupul kawan imam kapala, kawan pamimpin ulun Yahudi umba ulun-ulun beken e. 14Metuh ise dumah, ie bapander umba ise: “Kame ngaya ulun jituh guang aku dan nuduh ie, amun ie mampangaruh ulun-ulun Yahudi akan malawan pamarintah Romawi, aku jadi ngisek e metuh ikau hadir kia. Heamti bukti amun ie tege kasalai sama kilau je kame nuduh e. 15Herodes kia heam sundau kasalai je jadi nguan Yesus. Bara je sebab e ie ngirim-E. Jelas sinde, Yesus heam nguan taluh je napa e layak akan kana hukum matei. 16Jadi, aku akan nyuhu anak buah ku akan nenga hukuman cambuk ih, dan limbas je aku akan mambebaskan Ie.” 17Metuh masa pamarintah Pilatus, tege ice kebiasaan amun ie harus mambebaskan ice bara tahanan Yahudi akan ise metuh maraya Paskah. 18Tapi saluruh ulun are je ngombak haya-hayak: “Ngaya ulun jituh dan patei Ie! Barabas iyeje ulun je ikei huang kame lapas e!” 19Barabas kana penjara gawin ie jadi nguan karusuhan umba ulun-ulun beken melai kota Yerusalem dan gawin ie jadi patei ulun ice beti. 20Pilatus ngahau ise jua, gawin ie huang malapas Yesus. 21Tapi ise tarus ngombak baula-ulang: “Ngatung Ie melai kayu salib! Ngatung Ie melai kayu salib!” 22Sinde jua Pilatus mangajukan pertanyaan akan se tentang Yesus akan katelu e, ie bapander: “Tapi panggawin je jahat narai je jadi kana kuan gawin ulun jituh nguai e? Aku dia nyundau bukti je manunjukan amun Ie layak kana hukum matei. Jadi aku akan nyuhu kawan anak buah ku akan mancambuk Ie, dan limbas je aku akan mambiar Ie bebas.” 23Tapi ise tarus ngombak umba nyaring mangat Yesus kana salib, dan akhir e kombak se bahasil. 24Jadi Pilatus mamutuskan akan manyutujui narai je ise ngahuang dan nyuhu e mangat Yesus kana patei. 25Ie nyuhu e anak buah e akan mambebaskan ulun je arai e Barabas. Ise manjara Barabas gawin ie jadi nguan karusuhan umba ulun beken dan patei ulun. Jituh ulun je kana laku gawin ulun are akan kana bebas gawin Pilatus metuh andau Paskah. Limbas je Pilatus nangkap Yesus dan nyarah-E akan kawan anak buah e akan kana patei, sama kilau je kanahuang ulun are.
Yesus kana kaya akan kana salib
(Mat. 27:32-44; Mrk. 15:21-32; Yoh. 19:17-27)
26Kawan anak buah ngaya Yesus buhau, dan metuh se miar, ise sundau umba ice beti hatue bara kota Kirene je arai e Simon. Ie dumah guang kota bara tanai e. Ise nangkap e, ngina salib je melai bahu e dan nyuhu ie nanggung salib je melai likut Yesus. 27Ulun are nanjung hayak Yesus. Antara ise tege kawan bawi je sedih tutu dan manangis Ie. 28Limbas je Yesus payah kawan bawi je dan bapander: “Oo kawan bawi kota Yerusalem, ela manangis Aku! Sebalik e. Nangis taluh buruk je akan terjadi akammu umba kawan anakmu.” 29Hening! Akan sapai saat e ulun-ulun akan bapander: “Hanjak sanang ulun bawi je dia beci tege anak!” 30Limbas je ise akan bapander umba gunung-gunung dan bukit-bukit: “batusut ngana ikei dan ngubur ikei!” 31Amun rak tuh cara ulun je heamti kasalai kana hukum, bayangkan ulun-ulun je are kasalai akan kana hukum labih babehat bara jie!
32Metuh kawan anak buah ngaya Yesus, ise kia ngaya due ulun beken akan kana patei metuh wayah je sama. Kadue ulun je iyeje palanggar hukum.
Yesus kana salib
(Mat. 27:33-44; Mrk. 15:22-32; Yoh. 19:17-24)
33Akhir e ise uras sapai melai ukan je kana sewut ulun “Tangkorak.” Melai ukan je, ise manyalib Yesus dan kadue palanggar hukum je melai kayu salib umba Yesus melai tihang betuk melai antara kadue e. 34Yesus bapander umba Hatalla: “Bapa-Ku, nenga akan ise pangampunan gawin ise jadi manyalib Aku, gawin ise dia sadar narai je ise nguai.” Sementara je, kawan anak buah medak karatas undi akan manentukan ewei je akan dinu satiap ice kalambar pakaian Yesus. 35Ulun are je mendeng melai nganih manyaksikan e. Tapi kawan panguasa mahina Ie umba bapander: “Ie nyalamat ulun beken. Biar ih ie nyalamat arep e kabuat amun Ie tutu-tutu Juruslamat je kana utus gawin Hatalla akan ta!”
36Kawan anak buah kia malea-lea Yesus. Ise ngaya anggur je masem dan bapander: “Ngindu isut bara anggur tuh!” 37Ise bapander: “Amun Ikau tutu-tutu Raja ulun Yahudi, nyalamat arep-Mu bara papatei.” 38Kata-kata jituh kana tulis melai ice papan melai ngambu salib melai ngambu kuluk Yesus: “Jituh Raja ulun Yahudi.”
39Limbas kawan anak buah lea Yesus, panjahat je tege melai ice salib beken melai tukep-E mahina Yesus. Ie ngombak: “Ikau mangaku jadi Juruslamat je kana utus gawin Hatalla! Jadi, nyalamat arep-Mu dan ikei kia!” 40Tapi limbas je panjahat je beken ngalahi e. Ie bapander: “Embat ikau mander taluh je jahat tuh? Ikau seharus e mahormat Hatalla, gawin ikau metuh sakarat melai kayu salib sama kilau Ie. 41Tapi hukuman je ita narima sasuai umba kajahat perilaku ta. Tapi ulun jituh sama sekali heamti kasalai.” 42Ie payah Yesus dan bapander: “Tuhan Yesus, metuh Ikau napara mamarintah jadi raja, mikir aku dan ngasi aku.” 43Limbas je Yesus manimai: “Aku bapander umba ikau, katutui e andau tuh kia ikau akan tege haya-hayak umba Aku melai surga.”
Yesus matei
(Mat. 27:45-46; Mrk. 15:33-41; Yoh. 19:28-30)
44Metuh je andau jadi betuk andau, dan saluruh daratan jadi pindem picum dan tatap pindem salama telu jam. 45Gawin matan andau jadi tende mapalua kalawa e. Metuh je kia, tirai melai Pasah Hatalla je barawit melai bagian betuk e jadi due bagian. 46Yesus ngombak umba suara je nyaring umba Hatalla: “Bapa, Aku manyarah haseng-Ku akam-Mu.” Limbas Ie pander auh jie, Ie matei. 47Metuh kapala pasukan Romawi je ngawas kawan anak buah payah uras je jadi terjadi, ie manara Hatalla dan bapander tentang Yesus: “Aku yakin amun ulun jituh dia nguan kasalan narai pun!” 48Rombongan ulun bakupul akan payah pemandangan je, Tapi metuh ise uras payah narai je jadi terjadi, ise haluli guang kota sambil puna je sedih tutu. 49Uras ulun je kenal umba Yesus secara pribadi, termasuk kawan bawi je ngayak-E bara daerah Galilea, mendeng bara kecau akan manyaksikan uras kajadian je terjadi.
Yesus kana kubur
(Mat. 27:57-61; Mrk. 15:42-47; Yoh. 19:38-42)
50Tege ice anggota Majelis Besar iyeje Yusuf bara kota Arimatea melai provinsi Yudea. Ie iyeje ulun je baik dan jujur je nunggu umba baharap pandumah Karajaan Hatalla. Ie dia satuju umba narai je putusan gawin anggota-anggota beken melai sidang Mahkamah Agama Yahudi dan umba narai je jadi ise nguai. 51Ie dia satuju umba kaputusan dan tindakan kawan pamimpin bangsa Yahudi je malawan Yesus. Yusuf baasal bara kota Arimatea, ice kota melai provinsi Yudea, Ie puna huang mangat Hatalla ngutus Mesias akan pendeng Karajaan Hatalla. 52Ie miar guang Gubernur Pilatus dan pander: “Tuan, nyuhu aku ngindu hatun Yesus mangat aku tau ngubur e.” Pilatus manimai e: “Takan ih.” 53Yusuf umba bantuan ulun are pamuhun betin Yesus bara kayu salib. Ie ngindu potongan-potongan kain panjang je lamus dan mukus e umba kain je. Ie ngina hatu je melai ice gua je jadi kana kali bara bukit babatu. Kuburan je masih taheta hindai beci kana hapa akan ukan kuburan. 54Jituh iyeje akhir bara Andau Persiapan, dan metuh matan andau napara belep dai, andau Istirahat je kana sewut andau Sabat akan napara.
55Kawan bawi je dumah bara kota hayak Yesus bara daerah Galilea jadi ngayak Yusuf dan payah kuburan je. Ise payah en rak tapai ulun-ulun ngina betin Yesus melai suang kubur dan ice batu hae nguling ngina melai atep.
56Limbas je, kawan bawi haluli guang pasah se melai kota. Hamalem je ise nyadia rampah-rampah je simak harum umba minyak harum akan nguhus dan nawur melai hatun Yesus. Limbas je ise istirahat metuh andau Istirahat je kana sewut andau Sabat akan manaati parintah Hatalla tentang taluh je.
Currently Selected:
Lukas 23: CAV
Highlight
Copy
Compare
Share
Want to have your highlights saved across all your devices? Sign up or sign in
capur açu Bible by Beyond Translation is licensed under Creative Commons Attribution-ShareAlike 4.0 License.
