Jénesis 23
23
Sara Mate No Ninia Rate
1Sara moris too tinan atus ida rua-nulu resin hitu (127); nee mak tinan hotu iha Sara nia moris. 2Sara mate iha Kiriat-Arba, nebee Hebron, iha rai Kanaan. Abraão tama atu halerik tanba Sara no atu tanis tanba nia. 3Abraão hamriik iha mate isin nia oin no koalia ba Hiti nia oan mane sira, no nia dehan, 4“Hau mak estranjeiru no ema nebee lao rai iha imi nia leet. Foo mai hau fatin ida iha rai nee hodi hau bele hakoi hau nia ema mate hodi hau la haree tan nia.” 5Ema Hiti sira hataan no dehan ba Abraão, 6“Rona lai, ami nia senhor, ita boot mak xefi boot iha ami nia leet. Ita boot bele hakoi ita boot nia feen nia mate isin iha ami nia rate fatin nebee diak liu. Ami la tahan fatin ida hosi ita boot hodi ita boot bele hakoi ita boot nia feen nia mate isin.” 7Abraão hamriik no hakruuk ba povu iha rai nebaa, ba ema Hiti sira. 8No nia koalia tan ho sira, “Se karik imi hanoin katak hau bele hakoi mate isin nee hodi hau la haree tan nia, nunee rona tuir hau ba no husu ba Efron, oan mane hosi Zoar. 9Husu nia atu foo mai hau fatuk kuak iha Makpela, iha rai nebee ninian. Rai nee mak iha ninia toos nia ninin. Husik nia bele faan mai hau tuir rai nee nia folin kompletu ho osan mutin hodi sai hau nia fatin hodi hau iha rate ida iha imi nia leet.”
10Efron hamriik hela iha ema Hiti sira nia leet. No Efron, ema Hiti nee, hataan ba Abraão iha ema Hiti sira nia prezensa, iha ema hotu nia oin nebee iha sidade nee nia portaun, no nia dehan, 11“Lae, hau nia senhor, rona hau lai. Rai nee hau foo deit ba ita boot hamutuk ho fatuk kuak iha nebaa. Buat nee hau foo deit. Iha hau nia povu nia prezensa hau foo deit. Hakoi ita boot nia ema mate nee.” 12Abraão hakruuk iha povu nia oin iha rai nee. 13Depois nia koalia ho Efron iha povu hosi rai nee nia oin, no nia dehan, “Maibee se ita hakarak rona mai hau: hau sei selu rai nee nia folin. Simu hosi hau, nunee hau bele hakoi hau nia ema mate iha nebaa.” 14Efron hataan ba Abraão no dehan ba nia, 15“Hau nia senhor, rona hau ba, rai nee nia folin mak osan mutin pedasuk#23:15 Ebreu sekel, nebee todan grama 11. atus haat, maibee saida mak nee entre hau ho ita boot? Hakoi ita boot nia ema mate nee.” 16Abraão rona tuir Efron no nia tetu osan mutin nee ba Efron, nebee Efron hatete iha ema Hiti sira nia prezensa. Osan mutin pedasuk atus haat, tuir sasukat nebee negosiante sira uza.
17No Efron nia rai ida nee, nebee iha Makpela, iha Mamre nia oin, no fatuk kuak iha rai nee nia laran, no ai hotu iha rai nee, iha balixa nia laran nee sai 18Abraão nian iha ema Hiti nia oin, iha ema hotu nia oin nebee tama iha portaun sidade nian. 19Liu tiha nee, Abraão hakoi nia feen Sara iha fatuk kuak iha rai iha Makpela, iha Mamre nia oin. Fatin nee mak Hebron iha rai Kanaan. 20Entaun rai nee ho rai nia fatuk kuak sai Abraão nian hosi ema Hiti sira hodi nia iha rate ida.
Currently Selected:
Jénesis 23: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
