Jénesis 36

Esau Nia Bei-oan Sira

1Ema sira nee mak bei-oan sira hosi Esau, nebee Edom. 2Esau hetan ninia feen sira hosi ema Kanaan. Feen sira mak Ada, oan feto hosi Elon, ema Hiti; no Aholibama, oan feto hosi Aná, nebee oan feto hosi Zibeon, ema Hevi; 3no mos Basemat, oan feto hosi Ismael, nebee Nebajot nia alin feto. 4Esau nia feen Ada tuur ahi hetan Elifaz, no Basemat hetan Reuel. 5Aholibama hetan Jeus, Jalam no Kora. Ema sira nee mak Esau nia oan mane sira nebee nia hetan iha rai Kanaan.

6Esau foti nia feen sira, ninia oan mane no ninia oan feto sira, ema hotu iha ninia uma kain, ninia karau no animál hotu, no ninia sasaan hotu nebee nia hetan iha rai Kanaan, no nia baa rai seluk nebee dook hosi ninia alin Jacó. 7Tanba sira nia riku-soin sai barak liu too sira la bele hela besik malu. No rai nebee sira hela nudar estranjeiru la too ba sira tanba sira nia animál sira nee barak liu. 8Nunee Esau hela iha foho Seir. (Esau nee mak Edom.)

9Ida nee mak Esau nia jerasaun sira. Esau mak aman ba ema Edom iha foho Seir. 10#36:10-43 Bele haree lista naran sira nee iha 1 Krónikas 1:35-54.Esau nia oan mane sira nia naran mak nee: Elifaz, oan mane hosi Ada, Esau nia feen; no Reuel, oan mane hosi Basemat, Esau nia feen. 11Elifaz nia oan mane sira mak Teman, Omar, Zefo, Gatam no Kenaz. 12Esau nia oan mane Elifaz iha feen kiik ida naran Timna nebee tuur ahi no hetan Amalek. Ema sira nee mak bei-oan sira hosi Ada, nebee Esau nia feen. 13Reuel nia oan mane sira mak Nahat, Zera, Sama no Miza. Ema sira nee mak bei-oan sira hosi Basemat, nebee Esau nia feen. 14Oan mane sira hosi Esau nia feen Aholibama, nebee oan feto hosi Aná, oan feto hosi Zibeon, mak nee: nia hetan Jeus, Jalam no Kora, nebee oan mane sira ho Esau.

15Ema sira nee mak xefi sira ba Esau nia oan mane sira: oan mane sira hosi Elifaz, nebee Esau nia oan primeiru, xefi Teman, xefi Omar, xefi Zefo, xefi Kenaz, 16xefi Kora, xefi Gatam no xefi Amalek. Ema sira nee mak xefi sira hosi Elifaz iha rai Edom, nebee Ada nia bei-oan sira. 17Oan sira hosi Reuel, nebee oan mane hosi Esau, mak nee: xefi Nahat, xefi Zera, xefi Sama no xefi Miza. Ema sira nee mak xefi sira hosi Reuel iha rai Edom, nebee oan hosi Esau nia feen Basemat. 18Ema sira nee mak oan mane sira hosi Esau nia feen Aholibama: xefi Jeus, xefi Jalaum no xefi Kora. Ema sira nee mak xefi sira hosi Esau nia feen Aholibama, oan feto hosi Aná. 19Ema sira nee mak oan sira hosi Esau, nebee Edom, no xefi sira nebee mai hosi sira.

20Seir, ema Hori nebee hela iha rai nebaa, iha oan mane sira naran Lotan, Sobal, Zibeon, Aná, 21Dison, Ezer no Disan. Ema sira nee mak xefi sira ba ema Hori sira, no oan sira hosi Seir iha rai Edom. 22Lotan nia oan mane sira mak Hori no Hemam. Lotan nia alin feto mak Timna. 23Sobal nia oan mane sira mak Alvan, Manaat, Ebal, Sefo no Onam. 24Zibeon nia oan mane sira mak Ahias no Aná. Aná ida nee mak Aná nebee hetan bee matan manas iha rai fuik maran bainhira nia foo haan ba ninia aman Zibeon nia kuda buru sira. 25Aná nia oan mak Dison no nia oan feto mak Aholibama. 26Dison nia oan mane mak Hemdan, Esban, Itran no Keran. 27Ezer nia oan mane sira mak Bilan, Zaavan no Akan. 28Disan nia oan mane mak Uz no Aran. 29Ema sira nee mak xefi sira ba ema Hori: xefi Lotan, xefi Sobal, xefi Zibeon, xefi Aná, 30xefi Dison, xefi Ezer no xefi Disan. Ema sira nee mak xefi sira ba ema Hori, nebee iha xefi nia leet iha rai Seir.

31Ema sira nee mak liurai sira nebee ukun iha rai Edom, molok ema Israel sira iha liurai ida. 32Belá, oan mane hosi Beor, ukun iha Edom. Ninia sidade nia naran mak Dinaba. 33Bainhira Belá mate, Jobab, oan mane hosi Zerá nebee hosi Bozra, ukun troka nia. 34Bainhira Jobab mate, Husam hosi rai Temani, ukun troka nia. 35Bainhira Husam mate, Hadad, oan mane hosi Bedad, ukun troka nia. Hadad oho Midian iha Moab nia rai luan. Ninia sidade nia naran mak Avit. 36Bainhira Hadad mate, Samla hosi Masreka ukun troka nia. 37Bainhira Samla mate, Saul hosi Reobote, nebee besik mota, ukun troka nia. 38Bainhira Saul mate, Baal-Hanan, oan mane hosi Akbor, ukun troka nia. 39Bainhira Baal-Hanan, oan mane hosi Akbor, mate, Hadar ukun troka nia. Ninia sidade nia naran mak Pau no ninia feen nia naran mak Mehetabel, oan feto hosi Matred, nebee oan feto hosi Mezaab.

40Ema sira nee mak xefi sira hosi Esau, tuir sira nia família sira, tuir sira nia fatin sira no tuir sira nia naran sira: xefi Timna, xefi Alva, xefi Jetet, 41xefi Aholibama, xefi Elá, xefi Pinon, 42xefi Kenaz, xefi Teman, xefi Mibzar, 43xefi Magdiel no xefi Iram. Ema sira nee mak xefi sira hosi Edom, tuir sira nia hela fatin iha rai nebee sira nian. Nee mak Esau, ema Edom sira nia aman.

Currently Selected:

Jénesis 36: BK

Highlight

Copy

Compare