Levítiku 17
17
Fatin Sakrifísiu
1 Nai koalia ba Moisés no dehan, 2“Koalia ba Arão no ninia oan mane sira, no ba ema Israel hotu, no dehan ba sira, Ida nee mak Nai nia orden. 3See deit hosi jerasaun Israel nebee oho karau, bibi malae ka bibi timor, iha akampamentu ka iha akampamentu liur, 4no nia la lori ba odamatan ba Tenda Enkontru hodi oferese sakrifísiu ba Nai, iha Nai nia Tabernakulu nia oin, entaun nia sei simu sala hosi raan nee. Nia fakar ona raan, no imi tenki hakotu ema nee hosi ninia povu nia leet. 5Ho ida nee ema Israel sira sei lori mai sira nia sakrifísiu sira, nebee sira oferese iha rai luan, hodi nunee sira sei lori mai Nai, ba odamatan iha Tenda Enkontru, ba saserdote, no oferese sira nudar sakrifísiu dame nian ba Nai. 6Saserdote sei hisik raan nee ba Nai nia altár, iha odamatan ba Tenda Enkontru, no tunu bokur hodi halo morin diak ba Nai. 7Sira keta oferese tan sakrifísiu sira ba sira nia bibi lulik,#17:7 Ebreu ‘bibi timor aman’ nebee karik refere ba diabu ka maromak ida nebee sira adora. nebee sira tuir hodi halo sala aat. Ida nee sei sai estatutu too tinan ba tinan ba sira nia jerasaun sira.
8No dehan ba sira, See deit hosi jerasaun Israel, ka estranjeiru sira nebee lao hamutuk ho imi, nebee oferese sakrifísiu tunu motuk ka sakrifísiu seluk, 9no nia la lori mai odamatan ba Tenda Enkontru, hodi oferese ba Nai, entaun tenki hakotu ema ida nee hosi ninia povu nia leet.
Lei Kona Ba Haan Raan
10See deit hosi jerasaun Israel, ka hosi estranjeiru sira nebee lao hamutuk ho imi, nebee haan raan saida deit, Hau sei fila Hau nia oin hodi hasoru ninia moris nebee haan raan, no Hau sei hakotu nia hosi ninia povu nia leet. 11Tanba isin ida nia moris mak iha ninia raan, no Hau foo raan ba imi iha altár hodi taka imi nia klamar sira nia sala, ida nee mak raan nebee taka klamar nia sala. 12Nunee Hau dehan ba ema Israel sira, Keta iha ema ida nebee haan raan, no keta iha estranjeiru ida nebee lao hamutuk ho imi nebee haan raan.
13See deit hosi ema Israel sira, ka hosi estranjeiru sira nebee lao hamutuk ho imi, nebee kasa no hetan animál ka manu nebee bele haan, nia tenki fui sai raan nee no taka ho rai. 14Tanba animál hotu nia moris mak nee: ninia raan mak ninia moris. Nunee Hau dehan ba ema Israel sira, Imi keta haan raan hosi animál saida deit, tanba animál hotu nia moris mak ninia raan. See deit nebee haan buat nee, tenki hakotu nia. 15No ema hotu nebee haan naan hosi animál nebee mate rasik, ka animál lees mate, maski ema Israel ka estranjeiru, nia tenki fasi ninia ropa, hariis ho bee no nia la moos too kalan. Depois nia moos. 16Maibee se nia la fasi, no nia la hariis, entaun nia tenki simu ninia hahalok aat nee.
Currently Selected:
Levítiku 17: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.