Levítiku 18
18
Sala Seksuál
1 Nai koalia ba Moisés, no dehan, 2“Koalia ba ema Israel sira, no dehan ba sira, Hau mak Nai, imi nia Maromak. 3Imi keta halo tuir ema iha rai Ejitu, iha fatin nebee uluk imi hela. No imi keta halo tuir ema iha rai Kanaan, iha fatin nebee Hau atu lori imi ba, no imi keta lao tuir sira nia estatutu sira. 4Imi tenki halao Hau nia regulamentu sira no halo tuir Hau nia estatutu sira no lao tuir buat sira nee. Hau mak Nai, imi nia Maromak. 5Nunee imi tenki halo tuir Hau nia estatutu sira no Hau nia regulamentu sira. Se ema halo buat sira nee, nia sei moris liu hosi buat sira nee.#18:5 Haree Galásia 3:12. Hau mak Nai.
6Ema ida keta hakbesik ba ema hosi ninia família rasik hodi kolu molik#18:6 ‘kolu molik’ nee iha sentidu katak ‘halo relasaun seksuál’. nia. Hau mak Nai. 7O keta kolu molik o nia apaa rasik, nee mak o nia amaa rasik nia isin molik. Nia mak o nia amaa rasik, nunee keta kolu molik nia. 8O keta kolu molik o nia apaa nia feen, tanba nia mak o nia apaa nia isin molik. 9O keta kolu molik o nia alin feto rasik, nebee o nia apaa nia oan feto ka o nia amaa nia oan feto, nebee moris iha uma ka moris iha fatin seluk, o keta kolu molik nia. 10O keta kolu molik o nia oan mane nia oan feto, ka o nia oan feto nia oan feto, tanba ema sira nee nia isin molik mak o nia isin molik. 11O keta kolu molik o nia apaa nia feen nia oan feto nebee moris hosi o nia apaa, tanba nia mak o nia alin feto. 12O keta kolu molik o nia apaa nia alin feto, tanba nia mak o nia apaa nia família rasik. 13O keta kolu molik o nia amaa nia alin feto, tanba nia mak o nia amaa nia família rasik. 14O keta kolu molik o nia apaa nia alin mane, nebee mak ninia feen, tanba feto nee mak o nia tia. 15O keta kolu molik o nia feto foun, tanba nia mak o nia oan mane nia feen, nunee o keta kolu molik nia. 16O keta kolu molik o nia maun ka alin mane nia feen, tanba nia mak o nia maun ka alin mane nia isin molik. 17O keta kolu molik feto ida no ninia oan feto, no o keta foti ninia oan mane nia oan feto hodi kolu molik nia, tanba sira mak feto nee nia família rasik. Ida nee mak hahalok aat loos. 18O keta hola o nia feen nia biin ka alin feto nudar feen kiik hodi hadau o nia feen nia fatin bainhira nia sei moris.
19O keta hakbesik ba feto ida hodi kolu molik nia bainhira nia la moos tanba ninia raan fulan. 20No o keta toba hodi halo sala seksuál ho o nia maluk nia feen, no halo o nia aan foer ho nia. 21O keta oferese o nia oan ba Moleke,#18:21 Iha tempu nebaa ema uza sira nia oan hodi halo sakrifísiu tunu motuk ba maromak Moleke. hodi hakribi o nia Maromak nia naran. Hau mak Nai. 22O keta toba ho mane ida hanesan ho feto ida, ida nee mak hahalok foer loos. 23O keta toba ho animál ida hodi hafoer aan ho nia. No feto ida keta foo nia aan hodi toba ho animál ida, tanba ida nee laos hahalok baibain.
24Keta halo aan foer liu hosi sala sira nee, tanba liu hosi buat sira nee nasaun sira halo aan foer, nasaun nebee Hau atu soe sai iha imi nia oin. 25Rai nee mak foer, nunee Hau hasoru sira tanba sira nia hahalok aat, no rai nee sei muta sai ema sira nebee hela iha nebaa. 26Imi tenki halo tuir Hau nia estatutu sira no Hau nia regulamentu sira, no keta halo buat sira nee, nebee foer loos; laos ema hosi imi nia nasaun ka estranjeiru nebee lao hamutuk ho imi. 27Tanba ema nebee hela iha rai nebaa molok imi, sira halo buat foer loos hotu nee. No rai nee sai foer ona. 28Hodi nunee rai sei la muta imi sai bainhira imi halo rai foer, hanesan rai muta sai nasaun sira nebee hela iha nebaa molok imi. 29Tanba see deit nebee halo buat foer loos saida deit, tenki hakotu ema ida nee hosi ninia povu nia leet. 30Nunee imi tenki halo tuir Hau nia orden hodi imi la halo kultura foer nebee sira halo molok imi, hodi imi la halo aan foer liu hosi buat sira nee. Hau mak Nai, imi nia Maromak.
Currently Selected:
Levítiku 18: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.