Lucas 21

Feto Faluk Nia Oferta

1 #21:1-4 Haree Marcos 12:41-44. Tuir mai, Jesus hateke ba, no Nia haree ema hatama sira nia oferta iha tezourária.#21:1 Hanesan kaixoti ida. Liurai Joiada tau kaixoti ida ho kuak iha leten iha Templu laran hodi simu osan. 2 Liurai 12:9. 2Nia haree mos feto faluk ida hatama sentavu rua.#21:2 Lian Gregu dehan lepta rua, nebee osan kiik. 3No Jesus dehan, “Tebes, Hau hatete ba imi, katak feto faluk kiak nee hatama barak liu fali ema seluk hotu. 4Tanba ema hotu hatama oferta hosi sira nia riku-soin resin. Maibee maski feto nee kiak, nia hatama buat hotu nebee nia presiza hodi moris.”

Templu Sei Monu

5 #21:5-36 Haree Mateus 24:1-51, Marcos 13:1-37. Bainhira ema balu koalia kona ba Templu, no oinsaa ema hafurak templu nee ho fatuk murak no oferta sira, Jesus dehan, 6“Kona ba uma boot nebee imi haree dadaun nee, tempu sei mai bainhira la iha fatuk ida nebee husik hela iha fatuk seluk nia leten. Ema sei sobu hotu.” 7No sira husu Nia dehan, “Mestri, bainhira buat sira nee hotu sei mosu? No sinál saida mak hatudu katak buat sira nee hotu besik atu akontese?” 8No Nia dehan, “Kuidadu katak ema la lohi imi. Tanba ema barak sei mai hodi Hau nia naran, no dehan, ‘Hau mak Nia!’ no, ‘Tempu besik ona!’ Keta lao tuir sira. 9Maibee bainhira imi rona kona ba nasaun funu malu no ema halo revolusaun, keta tauk. Tanba buat sira nee tenki akontese, maibee tempu rohan seidauk too mai.”

Tempu Terus Sei Mai

10Depois Jesus dehan ba sira, “Nasaun ida sei hamriik hasoru nasaun seluk, no reinu ida sei hasoru reinu seluk. 11Rai nakdoko makaas sei akontese. No fatin balu sei hetan rai hamlaha no moras peste. Buat nebee halo ema tauk no sinál boot sira sei mosu hosi lalehan. 12Maibee molok buat hotu nee, ema sei kaer imi no haterus imi. Sira sei entrega imi ba sinagoga no komarka sira. No sira sei lori imi ba liurai sira no ukun nain sira nia oin tanba Hau nia naran. 13Ida nee sei sai oportunidade ba imi atu foo sasin. 14Nunee desidi iha imi nia fuan laran, atu la bele hanoin molok oinsaa imi sei hataan. 15Tanba Hau sei foo ba imi liafuan ho matenek klean. No imi nia inimigu sira sei la bele hamriik hasoru imi ka kontra imi. 16Imi nia inan-aman, maun-alin, maluk no belun sira sei faan imi. No sira sei foo kastigu mate ba imi balu. 17No ema hotu sei odi imi tanba Hau nia naran. 18Maibee imi nia fuuk lahan ida mos sei la lakon hosi imi nia ulun. 19Liu hosi tahan nafatin mak imi sei hetan imi nia moris.

Jerusalém Sei Monu

20Bainhira imi haree forsa militár sira haleu Jerusalém, entaun hatene katak sidade nee atu lakon. 21Husik sira nebee iha Judeia halai ba foho. No husik sira nebee iha sidade laran sai tiha. No sira nebee iha rai luan keta tama fali ba sidade nee. 22Tanba loron sira nee mak loron kastigu#21:22 Ka ‘loron vingansa nian’ hodi Maromak selu fali sira kona ba sira nia sala. nian, hodi kumpri buat hotu nebee hakerek nanis ona. 23Maibee susar ba feto sira nebee isin rua, no ba sira nebee foo susu hela iha tempu nebaa! Tanba terus boot sei hasoru rai nee, no hirus manas sei hasoru povu nee. 24Sira sei monu liu hosi surik kroat, no ema sei lori sira sai nudar ema dadur ba nasaun hotu. Ema Jentiu sira sei sama tuun Jerusalém too tempu ema Jentiu sira nian kumpri ona.

Oan Mane Mai Fali

25Sinál sira sei mosu mai iha loro matan, iha fulan, no iha fitun sira. No iha mundu, terus sei hasoru nasaun sira, no sira sei la hatene atu halo saida tanba tasi siak no laloran boot. 26Ema sei dezmaia no tauk tebes kona ba buat nebee atu mai hasoru mundu nee. Tanba kbiit iha lalehan sei nakdoko. 27Depois sira sei haree Ema Nia Oan mai iha kalohan ida ho kbiit no glória boot. 28No bainhira buat sira nee hahuu atu akontese, hamriik loos no foti imi nia ulun; tanba imi nia salvasaun#21:28 Lian Gregu uza liafuan kona ba ‘hola fali’ nebee Maromak hola fali ita hosi terus. Haree Roma 3:24, Éfezu 4:30 no Rut 4:14 no nota. besik ona.”

Ai Knanoik: Ai Figeira

29Jesus konta ai knanoik ida ba sira: “Haree ba ai figeira nee, no ai huun hotu. 30Bainhira sira dikin ba, imi haree no hatene katak tempu bailoron besik ona. 31Nunee mos, bainhira imi haree buat sira nee akontese, imi hatene katak Maromak nia reinu besik ona. 32Tebes Hau dehan ba imi, jerasaun nee sei la lakon, too buat hotu nee akontese ona. 33Lalehan no mundu sei lakon, maibee Hau nia liafuan sei nunka lakon.

Kuidadu Ba

34Kuidadu aan ba atu imi nia laran la sai todan ho ulun fatuk moras tanba lanu, no keta preokupa kona ba imi nia moris. Se imi halo hanesan nee, loron nee sei hasoru imi derepenti deit nudar lasu ida. 35Tanba loron nee sei hasoru ema hotu iha mundu tomak. 36Nunee matan moris ba no halo orasaun nafatin, katak imi bele iha kbiit atu halai sai hosi buat hotu nebee sei akontese, no hodi imi bele hamriik iha Ema Nia Oan nia oin.”

37Loro-loron Jesus hanorin iha Templu. Maibee iha kalan Nia sai fali no baa toba iha foho ida naran Foho Oliveira. 38Iha dadeer-saan, povu hotu baa Templu atu rona Nia.

Currently Selected:

Lucas 21: BK

Highlight

Copy

Compare