Ɛsedɔ Tuɛ mɛni ƃóɔɔ
Tuɛ mɛni ƃóɔɔ
Ɛsedɔ laai su-kulâi ƃa nûa kɛ́ɛ kulâi kwaa da mâ díkɛ lì kwaa da kpɛ́ni mà. Berei dí lono la é pîlaŋ ŋ̀óoi ŋí mà gɔlɔi ŋí sui a nɛ̀ a gɛɛ gɔlɔi ŋí káa a mɛni kpânaŋ Eezuɛ-ŋai dímɛni-pɔ̂lɔ kɔlɔi su.
Eezuɛ-ƃelai kula mɛ̂ni Ize, ƃɛ́i dí kɛ̀ naa a luɛ-ŋa. Gɔlɔi ŋí ŋá kɔlɛ̂ɛi gîei náaŋ: 1) Ibulu-ŋai ŋuŋ mâ ƃó mɛni. 2) Sana Yeei ma siai. 3) Gbanaŋ-wooi Ɣâla è gɛ̀ ŋɔnûai yêei Sana Yeei ma, dɔ̂ŋ-ŋai Ɣâla è dɛ̀ɛ naa dípɔ é pîlaŋ la kɛ-ɣeniɛ kɛ́-pere ma a zãa a gɛɛ é dí téniŋ tɔɔi. 4) Gâloŋ-pɛrɛ kɛ́tɛi tɔɔ mɛni da sãa púɔɔ mu mɛni Eezuɛ-ŋai dí Ɣâla fɛli mɛni ma, da dɔ̂ŋ-ŋai bîlaŋɔɔi zâla láa-soŋ-ƃelai dîa da Ɣâla fɛli mɛni ma.
É kúla mɛni-ŋai ŋí kélee pôlu, gɔlɔi ŋí a m̀ɛnii lɛ́ Ɣâla è gɛ̀ a tãi è ŋɔnûai ŋuŋ ma ƃò la é dí kúla ǹuɛ-laai su é díkɛ a lɔii-ŋuŋ nyii kili-kɛ zú káa ǹyéei tínaa tuɛ-pere mɛni mai.
Gɔlɔi ŋí a lono a gbanaŋɔɔ é pîlaŋ m̀ɛni-ŋai Mose nyii Ɣâla è wɔ́lɔ zìɣe a gɛ́ɛ é ŋɔnûai kúla Ize lɔii su ḿâ. Gɔlɔi ŋí m̀ɛ́i nûa dí gɔ́lɔŋ a zu ponoɔɔi ƃa Dɔ̂ŋ Puui nyii bɔ̃yɛ̂ɛi gɔlɔ-ŋuŋ 20:1-17 sui.
M̀ɛni-ŋûŋ-ŋai gɔlɔi ŋí sui
Dí Eezuɛ-ŋai ŋuŋ ma ƃò dí kúla Ize (1:1--15:21)
Eezuɛ-ŋai díkaa a luɛ-ŋa Ize lɔii su (1:1-22)
Mose maa sɔlɔ ƃóɔɔi da ŋɔfúlu-laai su mɛnii maa-ŋuŋ-ŋai (2:1--4:31)
Mose da Eelɔŋ dí lì Ize kaloŋ pɔ́ naa (5:1--11:10)
Dɛɛ-mɛi-kûui da ǹûai kuláa Ize lɔii su (12:1--15:21)
É kúla Yúo kpɔ̂lu ma é tóo Sana Yeei ma (15:22--18:27)
Dɔ̂ŋ da Gbanaŋ-wooi (19:1--24:18)
Zua-kɔlɔ Seɣe-pɛrɛ Maa-waai da tɔ̂ŋ-ŋa Ɣâla fɛli mɛni ma (25:1--40:38)
Currently Selected:
Ɛsedɔ Tuɛ mɛni ƃóɔɔ: KWB
Highlight
Share
Compare
Copy
Want to have your highlights saved across all your devices? Sign up or sign in
© 2012 Bible Society in Liberia