5. Mose 17
17
1Jie sellen nich een Opfa moaken von een Stekj Vee ooda een Schop waut doa een Fäla ooda irjent waut schlemmet aun sikj haft. Soont es fa däm Harn oppscheislich. #3Mo 22,20; Mal 1,6-9
2Wan jie un jun Volkj, en irjent eent von de Aunsiedlungen dee de Har jun Gott junt jeft, eenen Maun ooda eene Fru finjen, dee soont deit waut schlajcht es fa däm Harn junen Gott un dän Bunt nich helt, #(2-7) 5Mo 13,7-12 3dee aundre Jetta ooda de Sonn, de Mon, ooda dee waut em Himmel Macht eewen, deent un aunbät, dee ekj veboden hab, #5Mo 4,19 4un du doavon to hieren kjrichst, dan sell jie de Sach jeneiw noforschen, un wan daut werkjlich soo es daut soon oppscheiseljet en Israel passieet, 5dan sell jie däm Maun ooda de Fru buta de Staut nämen, un dee doa steenjen daut dee stoaft. #3Mo 24,14 6Doa sellen twee ooda dree Zeijen sennen jäajen dän Mensch ea jie am doot moaken. Jie sellen nich wäm Steenjen wan bloos een Zeij däm vekloacht. #5Mo 19,15; 1Kjen 21,10; Heb 10,28 7Deejanje dee de Zeijen sent sellen de ieeschte Steena schmieten, un dan saul daut gaunze Volkj däm steenjen. Soon schlajchtet sell jie utem Volkj utroden.
8Wan emol een Faul en june Staut oppkjemt, dee too schwoa fa junt es, soont aus wan een Doot es veuasoakt worden, ooda wan daut eene Froag es wäa rajcht haft, ooda wan een Mensch jeschloagen es, dan sell jie doamet no dee Staut gonen, dee de Har jun Gott jewält haft. 9Lajcht de Sach doa ver de levitische Priesta un däm Rechta dee dan en daut Aumt es, daut see de Sach beuadeelen. #2Chr 19,8.11 10Jie sellen daut Uadeel von de Städ dee de Har wälen woat, jeneiw un krakjt utfieren. 11Krakjt soo aus dee daut beuadeelen, sell jie doonen. Jie sellen nich mea ooda weinja doonen aus dee sajen. 12Eena dee däm Priesta, dee doa ver däm Harn junen Gott deent, ooda däm Rechta veacht un nich no däm horcht, saul stoawen. Soo sell jie daut schlajchte ut Israel utroden. 13De Menschen woaren dan doavon hieren un sikj enjsten, daut see nich mea soo veajchtlich haundlen.
Wan daut een Kjennich jeft
14Wan jie en daut Launt sent, woont de Har jun Gott junt jeft, un jie daut äwanämen un junt doa tus moaken, un junt dan eenich woaren eenen Kjennich äwa junt to saten, soo aus de Lenda runtom daut haben, #1Sam 8,5-9 15dan sorcht doafäa daut jie eenen aus Kjennich aunstalen dän de Har jun Gott fa junt wält. Dee saul eena von june Mana sennen. Seet doano daut jie nich eenen framden äwa junt saten, eena dee nich jun Frintschoft es. 16De Kjennich saul sikj nich väl Pieed aungonen, un saul nich daut Volkj trigj no Ägipten gonen loten om doa väl Pieed auntoschaufen. De Har haft junt doch jesajcht daut jie nienich doa trigj han gonen sellen. #1Kjen 10,26-29 17De Kjennich saul sikj nich een Deel Frues aungonen, wiels dee kunnen am vom Harn wajch lenkjen. Hee saul uk nich väl Selwa un Golt fa sikj saumlen. #1Kjen 10,14; 11,1-8 18Deejanja waut Kjennich woat saul sikj eene Kopie von dise Jesazen aufschriewen von daut Buak woont de levitische Priesta haben. 19Hee saul daut Buak bie sikj hoolen un auledach doabennen läsen. Soo woat hee lieren däm Harn, dee sien Gott es, to ferchten un dise Jesazen un Väaschreften to hoolen un uttofieren. 20Hee saul nich huachnäsich to aundre Israeliten sennen un de Jesazen nich too strenj ooda too leicht utfieren. Dan woaren hee un siene Nokomen lang en Israel rejieren. #5Mo 5,29
Currently Selected:
5. Mose 17: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.