2. Mose 31
31
De fäje Oabeida
(2Mo 35,30—36,1)
1De Har säd to Moses: #(1-6) 2Mo 35,30-35 2Horch emol! Ekj hab Bezalel, dee Uri sien Sän un Hur sien Grootsän es, von em Staum Juda, beroopen. 3Ekj hab am met Gott sienen Jeist jefelt, daut hee fäich un weis es de Oabeit jeschekjt wiedatostalen. 4Hee woat straume Oabeit met Golt, Selwa, un Brons häastalen, 5un uk wieetvolle Steena schnitzen un krakjte Holtoabeit doonen, un veschiednet aundret soont. 6Un dan hab ekj uk noch Oholiab beroopen. Dee es Ahisamach, vom Staum Dan, sien Sän. Bezalel un Oholiab un äare Oabeida hab ekj fäich jemoakt, daut see aul dit moaken kjennen, waut ekj väajeschräwen hab 7fa daut Vesaumlungszelt, de Kjist met de Jebooten un daut Veseenungsdakjsel, un waut sest noch to daut Zelt jehieet. #(7-11) 2Mo 35,11-19 8See woaren uk dän Desch met sien Toobehia, dän goldnen Laumpenhoola met sien Toobehia, dän Ruakopfa Aultoa, 9dän Brauntopfa Aultoa met sien Toobehia un uk de Wauschkomm un dän Foot moaken. 10See sellen de jewowne Kjleeda moaken, de enjeweide Kjleeda fa däm Priesta Aaron un de Priesta Kjleeda fa siene Säns. 11Un see sellen de Saulweelj un dän scheenrikjenden Weiruak fa de Heilje Stow moaken. See sellen dee krakjt soo moaken aus daut väajeschräwen es.
Äwa Sabat hoolen
12Un de Har säd to Moses: 13Saj de Israeliten, daut see sellen miene Sabaten hoolen. Dit es een Tieekjen tweschen mie un junt fa aule Tieden, daut ekj de Har sie, dee, dee junt heilich moakt. #2Mo 20,8; Hes 20,12 14Hoolt dän Sabat. Daut es een heilja Dach. Wäa dän jemeen helt saul stoawen. Un wäa aum Sabat Oabeit deit, saul utem Volkj rut jesat woaren. #4Mo 15,32-35; Jer 17,21-23 15Sas Doag derw jie oabeiden, oba de Sabat, de säwenda Dach, es heilich, un aun däm sell jie von de Oabeit reiwen. Jieda eena, dee aum Sabat oabeit, saul stoawen. 16Jie Israeliten sellen dän Sabat hoolen derch aul june Tieden, aus een Bunt, dee opp emma helt. #Mrk 2,27-28 17Sabat hoolen es een Tieekjen tweschen mie un de Israeliten opp aule Tieden. De Har haft en sas Doag, Himmel un Ieed jemoakt, un aum säwenden schauft hee nich. Dan reiwd hee. #1Mo 2,2; 2Mo 16,23.25
18Aus de Har opp dän Sinai Boajch met Moses foadich jerät haud, jeef hee am twee Steentoflen, dee doa beweesen waut sien Wuat wia. Gott haud met sienen Finja opp de Toflen jeschräwen. #2Mo 24,12; 32,15-16; 34,28; 5Mo 4,13; 5,22; 9,10; 10,1-5
Currently Selected:
2. Mose 31: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
