4. Mose 29
29
Opfa aum Aunfank vom Joa un aum Veseenungsdach
(3Mo 23,23-32)
1Aum 1. Dach en de 7. Moonat saul eene heilje Vesaumlunk sennen; kjeene Oabeit saul aun däm Dach jedonen woaren. Aun däm Dach woat de Aunfank von daut niee Joa met Trompeeten blosen jefieet. #(1-6) 4Mo 10,10; 3Mo 23,24-25 2Un aus Brauntopfa sell jie däm Harn to een scheenet Jeroch brinjen: eenen jungen Boll, eenen Schopsbock un säwen eenjoasche Schop, aules fälaloose Tieren, 3un aus Ätesopfa doabie: dree tieendel Efa wittet Mäl, met Eelj toopjerieet, fa dän jungen Boll, twee tieendel Efa wittet Mäl fa dän Schopsbock 4un een tieendel Efa wittet Mäl fa jieda Schop von dee säwen, 5un uk eenen Kosenbock toom Sindopfa, om junt to veseenen. 6Dise Opfa woaren aus een Fiaopfa to een scheenet Jeroch fa dän Harn jebrocht, soo aus daut väajeschräwen es, buta de Brauntopfa aum Niemon met de Ätesopfa toop un uk buta de däachliche Brauntopfa met de Ätesopfa un de Drinkjopfa doabie.
7Aum 10. Dach en de 7. Moonat saul wada eene heilje Vesaumlunk sennen, un jie sellen fausten un aun däm Dach kjeene Oabeit doonen. #(7-11) 3Mo 23,27-32 8Aus Brauntopfa sell jie däm Harn to een scheenet Jeroch opfren: eenen jungen Boll, eenen Schopsbock un säwen eenjoasche Schop onen Fäla, 9un de Ätesopfa doabie: dree tieendel Efa wittet Mäl, met Eelj toopjerieet, fa däm jungen Boll, twee tieendel Efa wittet Mäl fa däm Schopsbock 10un een tieendel Efa wittet Mäl fa jieda Schop von dee säwen, 11un buta däm eenen Kosenbock toom Sindopfa buta daut Sindopfa to de Veseenunk un daut däachliche Brauntopfa met de Ätesopfa un Drinkjopfa doabie. #3Mo 16,11-28
De Opfa aum Loofboodenfast
(3Mo 23,33-43)
12Aum 15. Dach en de 7. Moonat saul uk eene heilje Vesaumlunk sennen; aun däm Dach sell jie kjeene Oabeit doonen. Von däm Dach aun sell jie däm Harn een säwendoagschet Fast fieren. #(12-38) 3Mo 23,34-43 13Un jie sellen toom Brauntopfa brinjen, een Fiaopfa to een scheenet Jeroch fa dän Harn: 13 junge Bolles, twee Schopsbakj un 14 eenjoasche Schop, aules fälaloose Tieren, 14un doatoo de Ätesopfa: dree tieendel Efa wittet Mäl, met Eelj toopjerieet, fa jieda Boll von de 13 Bolles, twee tieendel Efa fa jieda Schopsbock 15un een tieendel Efa fa jieda Schop von de 14 Schop, 16un doatoo noch eenen Kosenbock toom Sindopfa; dit es buta de däachliche Brauntopfa met daut Ätesopfa un Drinkjopfa doabie. 17Aum tweeden Dach von dit Fast opfa jie twalf junge Bolles, twee Schopsbakj un 14 eenjoasche Schop, aules fälaloose Tieren, 18met de Ätesopfa un Drinkjopfa doabie fa de junge Bolles, fa de Schopsbakj un fa aule Schop, soo aus de Ordnunk es, 19un doatoo noch eenen Kosenbock toom Sindopfa buta daut däachliche Brauntopfa met daut Ätesopfa un Drinkjopfa doabie. 20Aum dredden Dach opfa jie däm Harn: alf junge Bolles, twee Schopsbakj un 14 eenjoasche Schop, aules fälaloose Tieren, 21met de Ätesopfa un Drinkjopfa doabie fa de junge Bolles, fa de Schopsbakj un fa aule Schop, soo aus de Ordnunk es, 22un doatoo noch eenen Kosenbock toom Sindopfa buta daut däachliche Brauntopfa met daut Ätesopfa un Drinkjopfa doabie. 23Aum vieeden Dach: tieen junge Bolles, twee Schopsbakj un 14 eenjoasche Schop, aules fälaloose Tieren, 24met de Ätesopfa un Drinkjopfa doabie fa de junge Bolles, fa de Schopsbakj un fa aule Schop, soo aus de Ordnunk es, 25un doatoo noch eenen Kosenbock toom Sindopfa buta daut däachliche Brauntopfa met daut Ätesopfa un Drinkjopfa doabie. 26Aum feften Dach: näajen junge Bolles, twee Schopsbakj un 14 eenjoasche Schop, aules fälaloose Tieren, 27met de Ätesopfa un Drinkjopfa doabie fa de junge Bolles, fa de Schopsbakj un fa aule Schop, soo aus de Ordnunk es, 28un doatoo noch eenen Kosenbock toom Sindopfa buta daut däachliche Brauntopfa met daut Ätesopfa un Drinkjopfa doabie. 29Aum sasten Dach: acht junge Bolles, twee Schopsbakj un 14 eenjoasche Schop, aules fälaloose Tieren, 30met de Ätesopfa un Drinkjopfa doabie fa de junge Bolles, fa de Schopsbakj un fa aule Schop, soo aus de Ordnunk es, 31un doatoo noch eenen Kosenbock toom Sindopfa buta daut däachliche Brauntopfa met daut Ätesopfa un Drinkjopfa doabie. 32Aum säwenden Dach: säwen junge Bolles, twee Schopsbakj un 14 eenjoasche Schop, aules fälaloose Tieren, 33met de Ätesopfa un Drinkjopfa doabie fa de junge Bolles, fa de Schopsbakj un fa aule Schop, soo aus de Ordnunk es, 34un doatoo noch eenen Kosenbock toom Sindopfa buta daut däachliche Brauntopfa met daut Ätesopfa un Drinkjopfa doabie. 35Aum achten Dach sell jie eene fastliche Vesaumlunk aufhoolen; kjeene Oabeit sell jie aun däm Dach doonen. 36Un jie sellen aus Brauntopfa opfren, een Fiaopfa to een scheenet Jeroch fa dän Harn: eenen jungen Boll, eenen Schopsbock un säwen eenjoasche Schop, aules fälaloose Tieren, 37met de Ätesopfa un Drinkjopfa doabie fa däm jungen Boll, fa däm Schopsbock un fa aule Schop, soo aus de Ordnunk es, 38un doatoo noch eenen Kosenbock toom Sindopfa buta daut däachliche Brauntopfa met daut Ätesopfa un Drinkjopfa doabie. 39Daut aules sell jie däm Harn opp june Fasta toom Opfa brinjen, buta daut, waut jie verhäa vesproaken un friewellich jäwen aun Brauntopfa, Ätesopfa, Drinkjopfa un Dankopfa.
Currently Selected:
4. Mose 29: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.