Lukase 10
10
Ilinniartit 70 it tilijauninginik. Adsiujomik Samâriamiok napkigosuktoᴋ pivlugo. Jêsusib nelipsaininganik Marîamik Martamiglo.
1Mattoma kingorngagut Nâlekab ilinniartime (12 it) assingit 70 it anerivait, maggôtiᴋattardlugillo tilivait iglugasangnut ilûnainut nelipsaromajaminut sivorlioᴋolugit,
2Oᴋautivlugillo: Katersivik angidlarpok, katersijulle ikidlarput; katitaksat inuat tuksiarvigisiuk, katersijuksanik tiliklerᴋovlugo katersivingminut.
3Aileritse; ahâk saugatitut tilivapse amarᴋut akornganut.
4Pôᴋarniarase, ikpiârsulijarniaraselônêt, itigagutilijarniaraselônêt; inungniglo salutitsiniarase ingergavluse.
5Iglomut iteraigupse, sivorlermik oᴋaritse: Ulapirsauteᴋarle iglome tamattomane.
6Tagvanelo ulapirsauteᴋaromajomik inuᴋarpat, ulapirsautise tâpsomanêtuarniarpok; taimaitoᴋangipalle, ulapirsautipse uterviginiarivâse.
7Iglomele taipsomanêtsainaritse, piksanginik nerriluselo imeritse. Sanajok akkilertaujariaᴋarmat. Nukterniarase iglomit iglub assianut.
8Iglogasaksoarnullo pigupse, illaliorpaselo, nerrititse tagvane ᴋaitanginik.
9Tagvanêtullo ᴋanimajut âᴋingniarsigik, oᴋautisigiglo: Gûdib nâlegauvia ᴋanitapsingnut tikisimavok.
10Iglugasaksoarnullo iterupse, illaliungipaselo, tagva iglut akorngatigut anititse, oᴋarluselo:
11Sanît aglât aktuajut uvaptingnut iglugasaksoapsingnit katerarpavut ilipsingnut; nelojungnaititauleritsele, Gûdib nâlegauvia ᴋanitapsingnut tikisimalaungmat.
12Oᴋaupapse: Sodomamiut uvlut naggatiksangane pitlartaunikinersaujomârput iglugasaksoarnit taimaitunit.
13Kappianamêk Korazin! Kappianamêk Betsaida! Tiruseme Sidonemelo taimâk angitigijunik tatamnartoᴋalaukpat sorlo ilipsingne, itsak pôksaijanik annorâᴋardlutik argjamêdlutiglo ᴋaᴋialerajalaukput.
14Taimâk pivlugo erᴋartuivingme, ipkoa Tirusemiut Sidonemiullo pitlartaunikinersaujomârput ilipsingnit.
15Igvillo Kapernaum, ᴋangatarsimajotit ᴋilak tikidlugo, natteᴋangitomut kanunga ajaktortaujomârpotit.
16Ilipsingnik tussartub tussarivânga, ilipsingniglo Nachojûb nachogivânga; uvamnigle nachojûb nachogivâ tiliklertok uvamnik.
17Ipkoale ilinniartut 70 it ᴋuviasuklutik tikinamik, oᴋarput: Nâlegak, Sâtanasit aglât nâlekpâtigut atterne.
18Oᴋautivaille: Sâtanase takolauralloarpara kataktok ᴋilangmit, sorlo ᴋaumalâk.
19Ahâk, pitsartunermik tunitjivigilaukpapse, ᴋuglugiarâluit kingupaujârtulllo tullerarlugit, akkerartortiblo pitsartuninganut ilûnânut nâlegautipapse, sumullônêt akᴋunartauniangilase.
20Anernerille (idluiluktut) nâlengmase, ᴋuviasûtiginasiuk; ᴋuviasugitsele, atise aglaksimangmatta ᴋilangme.
21Stundeme taipsomane Jêsuse anernermigut ᴋuviasukpok oᴋarlunelo: Atâtak, ᴋilaublo nunablo nâlegangak, nakorivagit, ilisimajunut silatujunullo tamanna angigutjutigigangne, nutakᴋatitun-itunullo nalojungnaitijutigigangne; ila Atâtak, taimâk sângne idluarᴋolaurangne.
22Tunitjiviovunga tamainik Atâtamnut. Ernerublo kinauninganik ᴋaujimajoᴋangilak, Atâta kisSîme ᴋaujimavok; Atâtablo kinauninganik ᴋaujimajoᴋanginivok, Erneᴋ kisSîme, Ernerublo nelojungnaititsomajangit nelunginivut.
23Ilinniartinelo sâdlugit, kissênut oᴋarpok: Piloridlarput ijit, tautuktut tautuktapsingnik!
24Oᴋautivapse: Nalautaijut unuktut atanîllo tautuktapsingnik takojomalaurivut, takonagolo, tussartapsingniglo tussaromalaurivut, tussarnagolo.
25Ahâglo, aglangnik ilisimajok nikovipok, ôktorlugo oᴋarlunelo: Ajoᴋertuijok sumîk piniartuksauvêk, inôgumik nungusuitomik kingormgujerᴋovlungâ?
26Jêsusible oᴋautivâ: Perᴋojane ᴋanok aglaksimavâ? ᴋanorlo atuarsivêt?
27Kiovâ oᴋarlunelo: Gûdingnik Nâlegarnik nagliktuksauvotit ômatingnut tamânut, tarningnullo tamânut, issumangnullo tamainut, pitsartunernullo tamainut; inuᴋatingniglo iliktut nagliktuksauvotit.
28Jêsusiblo oᴋautivâ: Kiolorikpotit, tamiailiorit, inôniarpotit tagva.
29Taimnale idluartôjorilerame, Jêsuse aperivâ: Kina inuᴋatigivigô?
30Tagva Jêsusib kiovâ oᴋarlunelo: Inuᴋalaukpok Jerusalemit taununga Jeriᴋomut atârtomik, inuartunullo opaktortaujomik; taipkoa annorairpât, annaudlalâllo, aularlutiglo, toᴋoᴋasaktorlo ᴋemakpât.
31Ajoᴋertuijulle ilanganik apᴋosinerme tamattomane ingergajoᴋarmat, tâpsomalo takogamiuk, ᴋângerpâ.
32Taimâktauk Lêvitit (ajoᴋertuijut ikajortingita) ilangata, tagvunga pijub, takogamiuk, ᴋângerivâ.
33Samâriamiulle ilangata ingergajub tikilerpâ; takogamiuglo ilapsugidlarpâ,
34Aivigilâllo, kilingillo mangipsertorpait, napârtub orᴋsuanik vainemiglo koverivlugit kilingit; nergjuteᴋotimelo ᴋânganut ilivlugo siniktarvingmut âpâ, pairilâllo.
35ᴋaulermat aularomagame, kênaujâk maggûk sakᴋerpak tunivlugiglo siniktarviub inuanut, oᴋautivlugolo: Pairiuk, anginersamiglo piniarviginiarungne, akkileromavagit, utermiguma.
36ᴋanok issumavêt, pingasut taipkoa naliat inuᴋatauva taipsomunga inuartunut opaktortaujomût?
37Oᴋarpok: Tâmna, ilapsugosungnermik piniarvigijinga. Tagva Jêsusib oᴋautivâ: Taimailioriartorittauk!
38Tagvangat ingergavlutik, iglugasangnut iterpok. Arnakarpok tagvane, Martamik atilingmik; tâpsoma ilaliorpâ iglominut.
39Nukaᴋarivorlo Marîamik atilingmik; tâmna Jêsusib itigangita sânganut ingipok, oᴋâlatilugolo nâlekpâ.
40Martale ômaridlalerpok, kivgartoromavlugo. Jêsuselo tikipâ oᴋarlune: Nâlegak, erᴋagingilat nukama kissima kivgartortimangâ? Ikajorᴋolauruk uvamnik.
41Jêsusible kiovâ oᴋautivlugolo: Marta, Marta, siaklerneᴋarpotit suliaksaᴋalarpillo unuktunik;
42Atauserle pijarialik. Marîab ajunginersak anerilaukpâ, tâpsominga aᴋsârtauniatsangilak.
Currently Selected:
Lukase 10: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
