Lukase 14
14
Imarojoliub âᴋiktauninganik. Adsiujomik nerrimârviksoak unnuksiut pivlugo. Jêsusib oᴋâlaninganik maliktaunine idluartok pivlugo.
1Mattoma kingorngagut Farisêerit angajoᴋângita ilangata iglunganut nerrijartorpok sabbateme; taipkoalo nautsertorpât.
2Ahâglo, imarojolingmik anguteᴋarpok tagvane.
3Jêsusiblo kiovlune, aglangnik ilisimajut Farisêerillo oᴋautivait oᴋarlunelo: Sabbateme pijungnaititsinek idluarᴋâ?
4Tâpkoale niplingilat. Aktorpâlo âᴋiklugolo, aularᴋovâlo.
5Kiovlunelo oᴋautivait: Ilapse kia tuktuvaᴋotine Siuterᴋortojoᴋotinelônêt, imeᴋtarvingmut nakkarpat, sabbateme mânakut ᴋaᴋisârasuarniangilaûk?
6Tamattomungalo kionermik saperivut.
7Adsiujomigle nerrimârtut oᴋautivait, malugosugame, isukliovlutik iksavajomangmatta nerrimârvingme, oᴋautivaillo:
8Nuliarêlitainartuk nerrimârvingangnut nerrijartorᴋojauguvit, isukliovlutit inginiarnak, ilingnit nertornarnersamik nerrijartorᴋojauᴋoᴋarajarmat.
9Tâpsomingalo ilingniglo nerrimârtitsijub tikipatit, oᴋautikpatillo: Tamna agvairuk, kangusulerlutit ingitsariaᴋarniarpotit ungardliovlutit.
10Nerrijartorᴋojauguville, ungardliovlutit ingitsartorit; ilingnik nerrijartorᴋojijok tikipat oᴋautikpatillo: Ilannâk, isukliovlutit ingitsartungârit; nerrimârᴋativît ilûnatik tagva nertorniarpâtit.
11Ingminik angijorortitok miklilertitaksauvok; ingminiglo miklilertitok angijorortitaksauvok.
12Nerrijartorᴋojiminullo oᴋarpok: Nerᴋiksamik ᴋeterarsiumik unuksiumiglônêt âᴋiksoiguvit, tagva ilannârijarnik, ᴋatangutingniglônêt, ilangniglônêt, silalingniglônêt akluitunik nerrijartorᴋojiniarnak, taipkonunga ama nerrijartorᴋojauᴋonak, akkiniartaulerdlutit.
13Nerrimâraksamigle âᴋiksoiguvit, aklujut, tusiaktullo, illakungortullo, tautungitullo nerrijartorᴋolaukit.
14Piloridlarpotit tagva; ilingnut akkiksaᴋangimatta, akkilertaujomârpotille idluartut makiviane.
15Nerrimârtut ilangata tamanna tussaramiuk, oᴋautivâ: Piloridlarpok ᴋakᴋôjaktortok Gûdib nâlegauvingane.
16Oᴋautivâle: Anguteᴋalaukpok nerrimâraksarsoarmik unnuksiumik âᴋiksoijomik, unuktuniglo nerrijartorᴋojivok.
17Nerriviat neliutingmat, kivgane oᴋariartorᴋovâ nerrijartortuksanut: ᴋaititse, ilûnane âᴋiksimangmat.
18Ilûnatiglo kingordlerêklutik pasijaksaujungnaitilerdlutik oᴋarput. Sivorliub oᴋautivâ: Perorsêviksilaurama, takojartoriaᴋarpara; tuksiarpagit, pasijauᴋoniarnanga!
19Aipangatale oᴋautivâ: Tuktuvait tallimaiksat ᴋemuktuksat pisiarigapkit mâna takojartorpakka; tuksiarpagit, pasijauᴋoniarnanga!
20Pingajuatalo oᴋautivâ: Nulianiᴋama, tamanna pivlugo tikitsungnangilanga.
21Kivgablo tâpsoma angajoᴋâne oᴋautijartorpâ taipkoninga. Angajoᴋâk ningarpok tagva, kivganelo oᴋautivâ: Katsungailutit ailerit iglugasaksuit akornganut, apᴋosinernullo: aklujullo, tusiaktullo, illakungortullo, tautungitullo tagvunga itertikit.
22Kivgarlo oᴋarpok: Angajoᴋâk, sorlo oᴋaravit, taimaipok, sullele iniksaᴋarpok.
23Angajoᴋâblo kivgane oᴋautivâ: Nunab apᴋosininginut, avalunullo ailerit, iterᴋolugit, igluga tattaᴋovlugo.
24Oᴋaupapsele, angutit nerrijartorᴋojaugalloat Nerrimâraksaᴋotikka ôngniangilait.
25Inugasaksuille ingergaᴋatigivât. ᴋeviarpaillo oᴋautivlugit:
26Uvamnut tikitub, atâtane, anânanelo, nulianelo, ᴋitornganelo, ᴋatangutinelo, nangminerlo inôtsine ômigingipagit, tâmna ilinniartigijungnangilara.
27Saningajoliksaminiglo (kappiasûtiksaminiglônêt) nangmangitok, malingnangalo, tâmna ilinniartigijungnangilara.
28Kia akunapsingne nuvuguseksoarmik sanajomajub akkitûjarianga issumaksarsiorutigerᴋârniangilaûk, innerniarungnarmangârmiûk?
29Tungaviksanganik senajarêrdlune, ᴋalliksanganik ajoᴋsalerpat ilûnatik tamattominga tautuktut mitauteᴋarnialerᴋonagit tâpsominga,
30Oᴋarlutik: Inuk tâmna sanagialauralloarpok innerlugolo ajorpâ.
31Atanîllônêt naliata, sorsugiartoromajub atanermut assiminut, sivorngagut sorsuktuksame 10,000 it unurningit issumaksarsiorutiginiangilagît, sivôraginiangimangâgit sorsuktuksat nelipsaraksat 20,000 ît?
32Sivôragigunigille, imna sulle ungasiktomêtilugo, oᴋautjaujartorᴋoniarpâ kivgaminut, sorᴋsugungnairᴋovlugit.
33Taimâktauk ilase pijaminik tamainik kamajungnairomangitok, tâmna ilinniartigijungnangilara.
34Sioraujak ajungidlarpok; sioraujarle tarriornitsungnairpat, sumût tarriornititaunajarivâ?
35Nunamullônêt perorsaijomullônêt suksaujungnairpok; egitaksatuinauvorle. Tussâjungnik siutilik tussarle!
Currently Selected:
Lukase 14: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
