GENESIS 36
36
An Mga Kapagarakian ni Esau
(1 Mga Cro. 1:34-37)
1Iyo ini an mga kapagarakian ni Esau na inaapod man Edom. 2Mga babaeng taga Canaan an saiyang inagom: Si Ada na aki ni Elon na Heteo, si Oholibama na aki ni Ana na aking lalaki#2 Sa ibang daan na traduksyon aking lalaki; sa Hebreyo aking babae o makoapong babae. ni Zibeon na Heveo, 3asin si Basemat na aki ni Ismael asin tugang ni Nebaiot. 4Namundag ki Ada si Elifaz; ki Basemat si Reuel; 5asin ki Oholibama si Jeus, Jalam saka si Kora. Ini an mga aki ni Esau na namundag saiya sa Canaan.
6Dangan dinara ni Esau an saiyang mga agom, an saiyang mga aking lalaki asin babae, an gabos na myembro kan saiyang harong sagkod an saiyang mga hayop saka rogaring na napasaiya sa daga nin Canaan, asin nagduman sa ibang daga na harayo sa tugang niyang si Jacob. 7Naghale siya huli ta an daga dai na nagkanigo sa saindang magtugang; dakul nang marahay an saindang mga hayop kaya dai na sinda pwedeng mag-erok sa parehong lugar. 8Kaya nag-erok si Esau sa mabulod na daga nin Edom.
9Iyo ini an mga kapagarakian ni Esau na ginikanan kan mga Edomeo. 10Ini an mga ngaran kan mga aking lalaki ni Esau sa saiyang mga agom: si Elifaz na aki ni Ada, si Reuel na aki ni Basemat. 11An mga aki ni Elifaz iyo si Teman, Omar, Zefo, Gatam asin Kenaz. 12(Ki Timna na kasaroan ni Elifaz namundag si Amalek.) Iyo ini an mga aking lalaki ni Esau ki Ada. 13An mga aking lalaki ni Reuel iyo si Nahat, Zera, Shamma, asin si Mizza. Iyo ini an mga aking lalaki ni Esau ki Basemat.
14An agom ni Esau na si Oholibama, na aking lalaki#14 Sa ibang daan na traduksyon aking lalaki; sa Hebreyo aking babae o makoapong babae. ni Ana, na aki ni Zibeon, nagkaigwa nin tolong aki: si Jeus, si Jalam asin si Kora.
15Iyo ini an mga pamayo na naggikan sa mga aki ni Esau. Sa matuang aking lalaki ni Esau na si Elifaz an mga pamayo iyo si Teman, Omar, Zefo, Kenaz, 16Kora, Gatam, asin Amalek. Sinda an mga aking lalaki ni Ada na agom ni Esau.
17An mga aking lalaki ni Reuel na aki ni Esau iyo si Nahat, Zera, Shamma, asin Mizza. Sinda an mga aking lalaki ni Basemat na agom ni Esau.
18Ini an mga aking lalaki ni Oholibama na aki ni Ana, na agom ni Esau: an mga pamayo iyo si Jeus, Jalam asin Kora. 19Sinda an mga aking lalaki ni Esau na inapod man Edom asin sinda an mga pamayo.
An Mga Kapagarakian ni Seir
(1 Mga Cro. 1:38-42)
20-21An minasunod na mga aking lalaki ni Seir na Horeo iyo an ginikanan kan mga tawong enot na nag-erok sa Edom: si Lotan, Sobal, Zibeon, Ana, Dison, Ezer, asin si Disan.
22Si Lotan iyo an ama ni Hori asin ni Heman. (Igwa siya nin tugang na babae na an ngaran Timna.)
23An mga aking lalaki ni Sobal iyo si Alvan, Manahat, Ebal, Sefo, asin Onam.
24An mga aking lalaki ni Zibeon iyo si Aias asin si Ana. (Iyo ini an Ana na nakahiling kan mainit na mga burabod sa kalangtadan kan binabantayan niya an mga asno kan ama niyang si Zibeon.) 25Duwa an nagin aki ni Ana: sarong lalaki, si Dison, asin sarong babae, si Oholibama. 26An aking lalaki ni Dison iyo si Hemdan, Esban, Itran, asin Keran.
27An mga aking lalaki ni Ezer iyo si Bilhan, Zaavan, asin Akan.
28An mga aking lalaki ni Disan iyo si Uz saka si Aran.
29-30Ini an mga pamayo kan mga Horeo sa daga nin Edom: Lotan, Sobal, Zibeon, Ana, Dison, Ezer, asin Disan.
An Mga Hade nin Edom
(1 Mga Cro. 1:43-54)
31-39An mga hadeng ini iyo an pasurunod-sunod na naghade sa Edom bago nagkaigwa nin hade sa Israel:
Si Bela na aking lalaki ni Beor na taga Dinhaba
Si Jobab na aking lalaki ni Zera na taga Bozra
Si Husam na hale sa rehiyon nin Teman
Si Hadad na aking lalaki ni Bedad na taga Avit (siya an nakadaog kan mga Midianita sa sarong gera sa daga nin Moab)
Si Samla na taga Masreka
Si Shaul na taga Rehobot sa Eufrates
Si Baal-hanan na aking lalaki ni Akbor
Si Hadad na taga Pau (an agom niya iyo si Mehetabel na aki ni Matred asin makoapo ni Mezahab)
40-43Iyo ini an ngaran kan mga pamayong Edomeo na naggikan ki Esau: Timna, Alva, Jetet, Oholibama, Ela, Pinon, Kenaz, Teman, Mibzar, Magdiel, asin Iram. An dagang pinag-erokan kan lambang saro kaining mga pamayo namidbidan sa ngaran kan pamayo na nag-erok duman.
Currently Selected:
GENESIS 36: BPV
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992
