WOITEI 20
20
Ngaokhüm Pen
(Hin 5.6-21)
1Tüophei me Kahwange tüolan ngao khongküm ngao: 2#Hin 5.6-21.Taowa numan Kahwang Youngwanpa, aohe-e numan Egypt kahtok hüyange rha noksa mepu woi ngai.
3 #
Woi 20.23; Hin 5.7. “Nange Ü-sheshao me ülao kahwang-lan hango tah ang.
4 #
Woi 20.23; 34.17; Lev 19.4; 26.1; Hin 4.15-19; 5.8; 27.15. “Nange nang jingne wang ütang yeme, yejema-a kahtok ümongye me, yejema-a yeng ümong ye me ngohpu ülam ja leye moung hango tahling. 5#Woi 23.24; 34.6,7,14; Hin 4.24; 5.9,10; 7.9.Peshao hanghete-o khuhtawe tah yop, hangjingne Taowa nang Kahwang Youngwanpa hüyange ü-phei hokke wepulan te Taowe nünne ye-ngoh oklak. Aoyinne üte nu nang tüolan tangme hüyange imanjing huhayimlan jin lüm hei jin peli ngoiye Taowe shaoshi tampu yahpeilak. 6Hüpoi aoyinne Üte ken hüyange ü-ngaokhümlan jai, jin haja maawe Taowe kenpu tüolan te hüolak.
7 #
Lev 19.12; Hin 5.11. “Nange Youngwanpa nang Kahwang min jajang jawe tahjon, hangjingne aohipawe I min jajang jawe yeshupe jonlakei, nang Kahwang Youngwanpawe shaoshi phalak.
8 #
Woi 23.12; 31.12-17; 34.21; 35.2,3; Lev 19.3; Hin 5.12-15. “Sabbath nyih nyüotüoh hüyange tüopa-a jaowe angtüoh. 9Nyih wok mongme nange nanwin tüoh, hüyange nang toishao üshei lingtüoh; 10hüpoi nyit shepupa nyih-a Youngwanpa nang Kahwang jing Sabbath nyih ngoh nang; tüopa nyih me nange, yejema-a nangha lan-e, yejema-a rha lan-e yejema-a nange tampu yinmok lan-e yejema-a nenok me ngohpu yinpa lan-e toi hango tahling. 11Nyih wok mongme Youngwanpawe kah hei wang hüyange yengching hüyange tüolan me ngohpu shemin lamphe lingyangki, hüpoi nyit shepupa nyih me toloimei yangki. Tüojingne Youngwanpawe Sabbath moimantam hüyange tüopa jaowe tamyangki.
12 #
Mt 19.18,19; Mk 10.19; Lk 18.20. #Lev 19.3; Hin 5.16; Mt 15.4; Mk 7.10; Eph 6.2.“Nangpa hüyange nangnyu te iyesheyah, hümme nakshih Youngwanpa nang Kahwange hanghe kahmük nangte phanang tüome nang jinlao shangshaowe ngohlak.
13 #
Kaht 9.6; Woi 21.12; Lev 24.17; Hin 5.17; Mt 5.21; Jas 2.11. #Rom 13.9.“Nange kahta tahtoi#Tahlang.
14 #
Lev 20.10; Hin 5.18; Mt 5.27; Rom 7.7. “Nange phwngngampu tahjon.
15 #
Lev 19.11; Hin 5.19. “Nange tahkuh.
16 #
Woi 23.1; Hin 5.20. “Nange nang yupipa phei tüi-e tahleih saki tah i.
17 #
Hin 5.21; Rom 7.7. “Nange nang yupipa noksa tahwau. Nange nang yupipa shekonyu, yejema-a rhapa yejema-a rhanyu, yejema-a mahu üpong (pongwan), yejema-a gado, yejema-a nang yupipa jingne mengpu hanghe-o tahwau.”
Kahtalan Nyampu
(Hin 5.22-23)
18Aope kahta khongkümpuwe wangkhong wangkhahpu, hei wanglüppu hüyange nyawong wüngpu hüyange kahtang me vünkhuh nyeihpu nge, iman nyampuwe nin, hüyange iman shejai she yong; 19Hüyange Mosate i, “Nange toman phei ngaokei, toman-e jailakei; hüpoi Kahwange toman phei ngaone tahtamkei, toman likülak yang.”
20Mosawe jan-e i, “Nyam-e tahteih; numan nyampuwa numan mükshao me yelakpe angpu kaiye numan-e ünu ye-omtamlak, hüyange numante toklak jingne hei Kahwang yuyangki.”
21Hüpoi kahtalan üjai memuh yelakpe yongyange ngoh, hüyange wangphom shejeipu ken ümeken me Kahwang ngoh tüopa nyoite Mosa hei wen.
Wümjong Jengme Ngaokhüm
22Tüophei me Youngwanpawe Mosate i, “Nange hüke Israellante ilak yang: Taowe wangdang mepu nang phei ngaopu, nange nang nying nyingke ngeteki. 23#Woi 20.3,4; 34.17; Hin 27.15.Numan-e ü-tokte paowe kahwanglan khüm phei tahling, yejema-a numan-e numan jingne hon phei kahwang tahling. 24#Woi 27.1-8; Hin 12.5; 26.2.Ü-jingne kahtok phei wümjong ja lingtüoh, hüyange tüopa tangme numan jing nyee hüyange mahu ponglan dopuwa shüppe shapu dopu hei jakke dopu kih-e lanshe toidolak yang. Üte yoppe khümlak jingne Taowe numante nyinge tampu nyoijing lili me nang tangte Tao peikülak hüyange nangte moimantamlak. 25#Hin 27.5,6; Jos 8.31.Hüpoi nange Ü-jingne long phei wümjong lingyahma-a, tüopa-a tangyang phei long phei tah ling, hangjingne aope nange long khüwlak jingne toinan jonyapeih, nange tüolan-a üjingne yewangpu ja ne linge tamnang. 26Tüopa nyoi ngoine yafün linge inyange üjingne wümjong tah ling; nange hüke lingma-a, yafün te nang ongwante nange nang nying nyingke pümkeng me ngohpu hüoyange ngohkülak.”
Currently Selected:
WOITEI 20: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
