WOITEI 27
27
Jak Dopu Wümjong
(Woi 38.1-7)
1 #
Woi 38.1-7. “Nange acacia pee phei wümjong ja lingtüoh. Hatüowa üjük üpeamja kih-e, üjükte yakkong nga hüyange üpeam te yakkong nga; hüyange daopute yakkong lüm lingtüoh. 2Hüyange ünuk peli üju me üwong ngai tamtüoh. tüolan-a wümjong mepu üpüm ja ne hei menglak, hüyange nopu tangme shakphan yanne shoktüoh. 3Hüyange vünla anglak jingne kahmak tük yaotüoh, hüyange kahhoklak, hei yengjon sheng, hüyange yankok hei vünhoklak nange lingtüoh; tüolan jonne pailaklan khongkümpuwa shakphan yanne nange lingtüoh. 4Hüyange tüojing ne shakphan yan phei yanjep lingtüoh, hüyange yanjep ünuk peli me yakjonlak ne shakphan yan shüptet peli satamtüoh. 5Wümjong ü-atye phangme yanjep-a angtam tüoh; tüokaiye wümjong wosat ngoiye daowe onglak. 6Hüyange nange acacia pee phei pailak sheam lingtüoh, hüyange tüolan me shakphan yan phei shitte photüoh; 7hüyange sheam lan-a shüptet me huhlak, hüyange pai wante sheam lan-a wümjong ünah ye moini me ngohlak yang. 8Kahtang me Taowe nangte hüoyangpu kih-e, wümjonga pekhüw phei lingtüoh, hüyange khwnge ngaine tamtüoh.
Khümjing Ghonyoi
(Woi 38.9-20)
9 #
Woi 38.9-20. “Shemeipupa pengkhai jhotnye phei Tao ompu khümjing jingne ghonyoi lingtüoh. Heyekao me jhotnye lan-a yakkong gho ja laowe linglak, 10shakphan yan yajenth da tang me shakphan yan shong da ngoiye khüm phei lingpu yankok hei yansholan ngohlak. 11Hüke muh apyekao gho nyoi me-o ja kih-e muh linglak. 12Henyip yekao me jhotnye lan-a yakkong denga laowe shong pen hüyange yajenth pen tangme ngohlak. 13Heong yekao, ümeken me nokshao yekao ne ngoh nang, tüoken mepu ghonyoi-o khaopu me yakkong denga ngohlak. 14Taten ükao ja jingne jhotpu lan-a yakkong pen me nga, yajenth lüm hüyange shong lüm phei ngohlak. 15Jayekao taten me-o jhotpuwa yakkong pen me nga, yajenth lüm hüyange shong lüm phei ngohlak. 16Ghonyoi nokshao ye jingne wanghüng, phutti, hüyange mattak hase phei hüyange manneyange shemeipupa pengkhai phei takyang phei jhotnye yakkong da ngohlak. Tüopa-a yajenth peli me shong peli nyimlak. 17Ghonyoi neikonpu shonglan-a khüm yansho phei hüplak, hüyange tüolantepu yankok lan-a khüm phei linglak hüyange tüolantepu yajenth lan-a shakphan yan phei. 18Ghonyoi üjükte yakkong gho ja, üpeamte yakkong denga, hüyange daopute yakkong nga ngohlak. Jhotnye lan-a shemeipupa pengkhai phei hüyange yajenth lan-a shakphan yan phei linglak. 19Khümjing nyenok me jonne paipu toinan khongkümpu hüyange khümjing nyenok jingne yahpu hanlag lili hüyange ghonyoi khongkümpuwa shakphan yan phei linglak.”
Vüntük Jingne Minnga
(Lev 24.1-4)
20 #
Lev 24.1-4. “Nange Israel kahtalante yajeih yemahpe pah-e anglak jingne vüntük jingne numan jing shemeipupa olive minnga yah peikei she ngaokeng phatüoh. 21Aaron hüyange Ihalanne jiengjeppu ghonu sheshao me khümjing nyenok jhotnye ü-at yeme iman-e vüntük pah anglak yang. Tao ompu tüoken me ün mepu shom ngoiye iman-e pah anglak yang. Tüopa nyanpu ngaokhüm-a Israellan hüyange iman huhayimlanne jin jinte jonlak ngohnang.”
Currently Selected:
WOITEI 27: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
