KAOBAK 16
16
Hagar hoba Ishmael
1 #
Gal 4.21-24 Tou Sarai, Abram yakei hao la shousi abukku; hoba saoei sambü sao che Ijep sao Hagar nyenbü kikei. 2Saraiei Abram to laukei, “Chühashi, ngei shousi abukla Bunyubouei ngo senetakei, no ngeibü samnyu to jamashi dogo ngei sudajada; aingenyu saoei kü la na hapbulabü.” Hobaje Abramei saoeibü ngüh ditkei. 3Hobaje Abram Kanan kaoa po an kian, Sarai Abram yakei Ijepsao Hagar, saoeibü samnyu yak la lela kukei. 4Hobaje haoei Hagar to jamsi sao mangakongko apbei. Hobaje ladang saoei sao mang akongko apa dogo ngekei, saoei sao sambunyu aweasüngla khangkei.
5Hobaje Saraiei Abram to laukei, “Ngeibü shedbü ka to kishi; ngei ngeibü samnyu ka la kukei; hoba ladang saoei sao mang akongkei dogo ngekei sao thedanga ngo aweasüngko yeikei. Bunyubouei seti kanglanga mat jemshi.”
6Lausikei Abramei Sarai to laukei, “Chühashi, kaibü samnyu kaibü ika kia; ka thea ai maikei kho sao to jungeiashi.” Hobaje Saraiei sao to huoneiyoueiko jungeisije saoei sao thedang ka satkukei.
7Hobaje Bunyubou khuthük hangangbüei Shur to haubülama sangliphanga kibü deikhün che nyangko sao hapbei. 8Hobaje haoei laukei, “Sarai samnyu Hagar, no laka loukei hoba no lato hauda?” Hobaje saoei jongaiko laukei, “Ngo ngeibü sambünyu Sarai jungka satda.”
9 #
Tit 2.9
Hobaje Bunyubou khuthük hangangbüei sao to laukei, “No sambünyu jungto ngaiashi, sao phanga natenko kishi.” 10Hobaje Bunyubou khuthük hangangbüei laukei, “Ngei kaibü thensilen wesikei awekhümlabü lele yeitikulabü.” 11Hobaje Bunyubou khuthük hangangbüei sao to laukei, “Chühashi, no mangakongko kia, hoba nyi bousushou buklabü; hoba nyi hao nyen Ishmael#ISHMAEL: tetlabü Mühghaüei ditda dogo nyenkushi, aieilausi Bunyubouei no khonsakbü dida. 12Hobaje hao müt yoa yambabü gadu tegü kilabü; haoeibü ik müt pendou khulimbo kilabü, hoba müt pendoueibü ik hao khulimbo kilabü.”
13Saoei Bunyubou, aoei sao to joyokei, hao la ho nyen nyenkukei: “No ngo hapbou Mühghaü” aieilausi saoei laukei, “Aoei ngo hapda, ngei hao tou hapa.” 14Khoei deikhün kho Beer Lahai Roi#BEER-LAHAI-ROI: tetlabü Ngo Hapbou Lang Kiboueibü Deikhün dogo nyenkei; ho tou sühko khünei kia, ho Kadesh si Bared kanglanga ki.
15Hibü Hagarei Abram la bousushou che bukkukei; Abramei Hagarei bukbü jembü shou la Ishmael dogo nyenkukei. 16Hagarei hao la Ishmael bukkujinei Abram po saolei to lak kikei.
Currently Selected:
KAOBAK 16: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
