Yeremi-aq 26
26
Yeremi-aq Lé Sat Râ Ga Kyuq É Hkyô
1Yudaq hkóhkâm Yosi-a é yhang zo Yehoi-akim ùp hi é zàn má, haû Yhûmsîng Garaî é mungdang shî su ga jé ri; 2“Haû Yhûmsîng Garai shî su ga taî ri; haû Yhûmsîng Garaî é yhûm mâ é wâng má yàp to mù, haû Yhûmsîng Garaî é yhûm má noqkuq râ matú lé jé é, Yudaq wà pé mâ é byù bànshoq lé dang nyô aq. Ngò, nang lé hkunmó hkyô é lhúnglháng, rahkun lháng a lhoqhkyô pyám loshoq yhángmòq lé taî kyo aq. 3Haú hkûn, yhángmòq, Ngá é dang gyo luî, yhángmòq é agè ashop hkyô mai yùq hkangmó lhing lò kó âbe. Haú hkûn, Ngò gi, myìt lhîng mù, yhángmòq kut é agè ashop hkyo é yánmai yhángmòq chyáng jé nhâng râ matú htung tô é byò dàn byò sho hkyô lé, yhángmòq chyáng a jé nhâng lo kut râ nghut lhê. 4Yhángmòq lé, ‘Haû Yhûmsîng Garai shî su ga taî ri; núngmòq gi, Ngá é dang lé a gyo mù, núngmòq é hí má Ngò tô to byî é Ngá é târâ lé a cháng kut kô é htoq agó, 5núngmòq chyáng Ngò adàm dàm nhang kat é, Ngá é duìnhâng zoshâng myìqhtoî pê é dang pé lé le, a gyo kut kô é su, ahkuî le a gyo kut kô é nghut jáng, 6Ngò gi, yhûm shî lé, Shilo wà lé kut é su kut pyám mù, wà shî lé, myìdàm htoq mâ é byù myû wuì bànshoq má nhing jowò dùt râ nghut lhê.’ nghû taî kyo aq.” gâ ri.
7Hkyangjông pé, myìqhtoî pé eq shiwa byù bànshoq bang gi, haû Yhûmsîng Garaî é yhûm má Yeremi-aq dang haú pé taî é lé wó gyô bum akô. 8Nghut kôlhang, Yeremi-aq gi, haû Yhûmsîng Garai mai yhang lé taî é lhúnglháng, shiwa byù bànshoq bang lé ban taî kyo jáng, hkyangjông pé, myìqhtoî pé eq shiwa byù bànshoq bang gi, yhang lé chyup yû kômù, “Nàng gi, hkyak yhang shî ra râ nghut lhê! 9Haî mù, yhûm shî gi, Shilo wà su dùt byùq luî, wà shî gi, byù a nyì, chamchyuîyuì dùt byùq râ nghut lhê nghû, haû Yhûmsîng Garaî é myìng lang mù, myìqhtoi htoî lhê lhú?” ga taî akô. Haû mù, shiwa byù bànshoq bang gi, haû Yhûmsîng Garaî é yhûm má, Yeremi-aq é lhînghkyùq má lé zîng tô bum akô nghut ri.
10Yudaq zaugun wuì gi, haú hkyô pé lé wó gyo kôjáng, hkóhkâm wâng mai haû Yhûmsîng Garaî é yhûm má dòq ê kômù, Yhûmsîng Garaî é yhûm mâ é Hkum Sik gâ é hkum má jowò ê yu tô akô nghut ri. 11Haú hkûn, hkyangjông pé eq myìqhtoî pé gi, zaugun wuì eq shiwa byù bànshoq lé, “Byù shí yùq gi, wà shî lé htuqhtîng é dông myìqhtoi htoî é yánmai, shî gíng é sû nghut ri. Dang haú lé núngmòq é nohkyap èq yhang wó gyô bùm bê nghut lhê!” ga taî akô nghut ri.
12Haû jáng, Yeremi-aq gi, zaugun wuì eq shiwa byù bànshoq lé, “Haû Yhûmsîng Garai gi, yhûm shî eq wà shî lé htuqhtîng é dông, núngmòq wó gyô yu é dang shí pé bànshoq lé myìqhtoi htoi râ matú, ngo lé nhang kat é nghut lhê. 13Ahkuî, núngmòq é hkyô pé lé le, núngmòq kut nyi é hkyîzó lòqzó lé le tô pyám mù, núngmòq é Garai Gasang nghut é, haû Yhûmsîng Garaî é jì-no gyo keq. Haú hkûn, haû Yhûmsîng Garai gi, myìt lhîng mù, núngmòq chyáng jé nhâng râ ga taî tô é byò dàn byò sho hkyô lé wùp yù râ nghut lhê. 14Ngò kúm gi, núngmòq é lòq má nghut nyi lhê. Núngmòq, ngo lé kut nau é su kut keq. 15Nghut kôle, núngmòq ngo lé sat é nghut jáng, núngmòq gi, yhûmsing é ahtoq má le, wà shî eq shî má nyi é bâng chyáng le, mara a bò su é sui yuichyîn dàp nhâng bê nghut é hkyô lé, hkyak sê to keq; hkâsu mù gâ le, núngmòq gyô tô é má dang shí pé bànshoq taí râ matú, haû Yhûmsîng Garaî èq ngo lé gè gè yhang nhang kat é nghut lhê.” ga taî ri.
16Haú hkûn, haû zaugun wuì eq shiwa byù bànshoq gi, hkyangjông pé eq myìqhtoî pé lé, “Byù shí yùq gi, shî gíng é a nghut! Yhang gi, ngá-nhûng é Garai Gasang nghut é, haû Yhûmsîng Garaî é myìng lang luî, ngá-nhúng lé dáng nyo é shèq ru nghut ri.” ga taî akô nghut ri.
17Haû jáng, haú mau mâ é sûwún wuî ra-am gi, toq lé mù, zùp zîng tô é shiwa hpúng gón lé, 18“Yudaq hkóhkâm Hezeki-a é i-pyàt má, Moreshet byù Mihka gi, myìqhtoi htoî ri; yhang gi, Yudaq byù bànshoq lé, ‘Wum-o a-tsam dìk shoq bò Sû Yhûmsîng Garai shî su ga taî ri;
Zi-un gi, yò su hpuq pyâm é hui zo râ nghut lhê;
Yerusalem gi, myì bùm dùt byùq râ nghut mù,
noqkuq yhûm kong gi, mhanpúng htu é kong su dùt byùq râ nghut lhê.’ ga taî kyô ri.
19Haú hkûn, Yudaq hkóhkâm Hezeki-a eq Yudaq byù ó yùq gi, yhang lé sat pyâm akô lhú? Hezeki-a gi, haû Yhûmsîng Garai lé gyùq hkúngga luî, Yhâng é myòqdong lé ho é, a nghut lhú? Haû Yhûmsîng Garai gi, yhángmòq chyáng jé nhâng râ ga taî tô é byò dàn byò sho hkyô lé a jé nhang é za wùp yù bê, a nghut lhú? Ngá-nhúng gi, yhûmsing gùng yhûmsîng, gyùq chiq hpo nghut é byò dàn byò sho hkyô lé she hâng yù berâ nghut ri nhung!” ga taî akô nghut ri.
20Kiri-at Yarim wà mâ é Shemai-a é yhang zo Uri-a gâ é byù góyùq gi, haû Yhûmsîng Garaî é myìng mai myìqhtoi htoî ri; yhang le, Yeremi-aq é dang eq rajung za, wà shî eq shí mau lé htuqhtîng é myìqhtoi htoî ri. 21Hkóhkâm Yehoi-akim eq yhâng é gyèzaû pé eq zaugun wuì bànshoq gi, Uri-a é dang haú pé lé wó gyo kôjáng, hkóhkâm hpó gi, yhang lé sat pyám râ matú myìt hpyit bê nghut ri. Nghut kôlhang, Uri-a gi, haú lé wó gyo jáng, gyùq luî, Egutuq ming shut hpang ê bê nghut ri. 22Nghut kôle, Hkóhkâm Yehoi-akim gi, Akbora é yhang zo Elinahtan eq rahá byù ra-am lé, Egutuq ming shut châng nhang kat ri. 23Yhángmòq gi, Uri-a lé Egutuq ming mai shuî htoq yû mù, Hkóhkâm Yehoi-akim chyáng shuî lò byî akô; hkóhkâm hpó gi, yhang lé sham èq sat pyám nhâng mù, yhâng é màng lé mâyû byu pê é lùpdùng má dú pyâm ri.
24Hau htoq agó, Shahpan é yhang zo Ahikam gi, Yeremi-aq lé htuqbáng byî é yánmai, sat pyám râ matú, mingbyû wui é lòq má àp byî pyâm é a hui nghut ri.
Currently Selected:
Yeremi-aq 26: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.