Versets bíblics populars de Genesis 27

Comparteix

Aiá꞉wens ne Rawenni꞉io aontá꞉ion tsi niioʼhaweiastha karonhiá꞉ke naontá꞉we, tánon naoreʼsènhtsheraʼs ne tsi ionhwenhtsá꞉te, tánon aiaweʼtowanénhake ne onátsa tánon ne otsí꞉tsa. Aiá꞉wens nonkwehshón꞉ʼa aiesaióʼtenhse, ó꞉ni nonhkwehshón꞉ʼa taiesatentshóthahse. Sheiatiaʼtakweʼní꞉ohst tsi nokwá ne sewatatekenʼokʼón꞉ʼa, tánon aiá꞉wenʼs né saʼnisténha akoioʼokón꞉ʼa taiesatentshóthahse. Ónhka akénhake naionhskanéksheke wahétken tsi naesaia꞉tawen eʼthó꞉ne kíʼ enhihré꞉wahte tánon rotiiaʼtaté꞉rihsts nónhka aiesaiaʼtaté꞉rihste!”

Esau wahén꞉ron, “Iáh tetkarihwaié꞉ri tsi Jacob nahohsennoʼténhake? Aseʼkénh ó꞉nen teiorí꞉wake waʼthakenaktáhkwen. Iehóha tsi niwakenakerá꞉ton; tánon satkáhtho, ó꞉nen nón꞉wa iaháhawe natiaʼtateríhtshera.” Eʼthó꞉ne wahén꞉ron, “Iáh kenh tesanonhstá꞉ton ne kaiaʼtateríhtshera nakerihwá꞉ke?”

Eʼthó꞉ne ne roʼníha Isaac waʼthorihwaʼserákwahse: “Satkáhtho, ne tsi tsí꞉teron aí꞉non niió꞉re entkénhake ne tsi kahehtaké꞉ronʼs ne iaweʼtowá꞉nen tká꞉nioʼs ne kaienthóhseraʼs tánon aí꞉non niió꞉re ítken ne karonhiá꞉ke ne é꞉neken nitewéhtha noʼaweiáhtshera. Ateriiohserà꞉ke nón꞉we nenhsatonhnhihsáksheke, tánon tsatateʼkén꞉a enhtshiótenʼhse; ók nó꞉nen ensehsatatewenní꞉ioʼne, tènhshiaʼke ne raohtienʼtaniáktha ne seniarà꞉ke.”

Esau wahawènhahse ne roʼníha, “Énska khók kenh sá꞉ien ne kaiaʼtateríhtshera, rákeni? Tatiaʼtaté꞉rihst nonh ní꞉ʼi, rákeni!” Tánon ne Esau rowèn꞉te tsi ní꞉ioht tsi waʼthasènthoh.