Versets bíblics populars de युहन्‍ना 16

Comparteix

तोहरा मोरमा रहके सान्‍ति पावे सकह कहके मुइ इअ जम्‍मे बतवा तोहराके कहले हखहि। इअ संसारमा तोहराके खाँ दुःख हतइ, बाकि सहास करह! केहकेकि मुइ संसारके जितले बडहिँ।”

जब सत्‍यक आत्‍मा यबसि, तब हुने तोहराके जम्‍मे सत्‍यतामा डोरयोबसि। हुने यापनवरिसे नाहिँ फदकबसि। हुने जथि सुनबसि, उहे फदकबसि हसे तोहराके हखे यइना बातसभ कह देबसि।

यखनिलइ तोहरा मोर नाउँमा किहो फेनि हइने मङले बडह। मङह हसे तोहरा पउबह ताकि तोहार आनन्‍द पुरा हखइ।

बाकि मुइ तोहराके सदियो कहबहिँ, मुइ यहवाँसे गेले तोहार तहिँया यसल हतइ। केहकेकि मुइ नाहिँ जेबहिँ जउँ तोहार लघिना सल्‍लाह देलाहर नाहिँ यबसि, बाकि मुइ जेबहिँ जउँ, हुनेके मुइ तोहार लघिना पठादेबहिँ। हुने यइलेपर संसारक मन्‍सावानिके पाप, धारमिकता हसे न्‍यायक बिसयमा हुनुकर करल गल्‍ति देखा देबसि।

तोहरा फेनि यखनि वसने सोक करबह, बाकि मुइ तोहराके फेरि भेटे यवइकि तोहार हृदय आनन्‍दित हतइ हसे तोहार आनन्‍द कुनहुँ फेनि तोहारसे निछुरके नाहिँ लिगतइ। उअ दिन तोहरा मोरके किहो फेनि नाहिँ पुछबह। मुइ तोहराके सदियो कहबहिँ, तोहरा मोर नाउँमा पितासाङे जथि मङबह हुने उअ तोहराके देबसि।

मुइ तोहराके सदियो कहइ बडहिँ, तोहरा कनबह हसे विलाप करबह, बाकि संसार गगसबिय। तोहरा सोक करबह, बाकि तोहरा सोक करले फेनि पाछेसे आनन्‍दित हखबह।