Zãa 15
15
Yesu mɛ́ vɛ̃ɛ lí sĩande ũ
1Mamɛ má vɛ̃ɛ lí sĩande ũ, ma Mae mɛ́ vɛ̃ɛbude ũ.#Isa 5.1-4 2Ì gɔ̃na pɔ pɛaa nɛ'isai pii zɔ̃zɔ̃ɛ, ɔ̃ ì a nɛ'ina pii mibo, kɛ́ a nɛ'ia e kãfĩ yãi. 3Apiɔ á zɛ̃aɛ yã pɔ má òɛ́ yãi. 4Àɔ naa mapiwa lá má naawáwa. Ligɔ̃na lí fɔ̃ nɛ'ì ń azĩaoo, sema àɔ pɛa lidawa. Màaɛ apiɔ á fɔ̃ kãfĩakɛo, sema àɔ naaa baasio.
5Mamɛ má vɛ̃ɛ lida ũ, ámɛ á a gɔ̃naɔ ũ. Gbɛ̃́ pɔ naaa mɛ́ má naawà, ade a kãfĩakɛ maamaaɛ, asa á fɔ̃ pɔe kɛ ma saio. 6Tó gbɛ̃́ naaao, wa aà vũaa, lá wì ligɔ̃na zɔ̃ wà vũaa à giigaga, wà sɛlɛ wà katɛu à tɛkũwaɛ. 7Tó á naaa mɛ́ ma yã ku á sɔ̃u, à pɔ pɔ á yei wabikɛ, í e. 8Tó a kãfĩakɛ̀ maamaa, áɔ dɛ ma iwaɔ ũ sĩana, ma Mae i tɔbɔ.
9Má yeázi lá ma Mae yemaziwa. À zɛ ń ma yeaázio. 10Tó á ma yãdilɛaɔ kũa, á zɛa ń ma yeaázion we, lá má a Mae yãdilɛaɔ kũa mɛ́ má zɛa ń aà yeamaziowa. 11Ma yãpiɔ òɛ́, kɛ́ á pɔ àɔ na lá ma pɔ nawa, á pɔna i kɛ zai. 12Yã pɔ má dìlɛɛ́n kɛ: Àɔ yekɔ̃i lá má yeáziwa.#Zãa 13.34 13Tó gbɛ̃́ a wɛ̃ni kpà a gbɛ̃naɔ yãi, gbɛ̃e aɔ ye gbɛ̃́i dɛ beelao. 14Tó álɛ yã pɔ má dìlɛɛ́ kɛ, ma gbɛ̃naɔn á ũ. 15Máli oɛ́ zɔblenaɔ lɔo, asa zɔblena líɔ a dii bɔɔlɛ dɔ̃o. Máliɔ oɛ́ sa gbɛ̃naɔɛ, asa yã pɔ má mà ma Mae kĩi pii ɔ̃ má òɛ́ we. 16Ámɛ i ma sɛo, mamɛ ma á sɛ́, mɛ́ ma á zĩ́ à gɛ́ kãfĩakɛi, kãfĩa pɔ aɔ ku, Mae Lua i á gba pɔ pɔ a a wabikɛ̀wa ń ma tɔ́o. 17Yã pɔ má dìlɛɛ́n kɛ: Àɔ yekɔ̃i.
Dũnia zaa Yesu ń a gbɛ̃́ɔgu
18Tó dũnia zàágu, àɔ dɔ̃ kɛ́ à zàmagu á ãa. 19Tó dũnia gbɛ̃ɔn á ũ, dɔ̃ dũnia yeázi. Lá ma á sɛ́ ma á bɔlɛ dũniau, á dɛ a gbɛ̃́ɔ ũo. Bee yãi dũnia zaiágu. 20À to yã pɔ má òɛ́ dɔágu. Zɔblena líɔ dɛ a diilao. Lá aa ĩadàa, màa aa dawá sɔ̃. Tó aa ma yã kũaɛ, aaɔ á yã kũa sɔ̃ɛ. 21Aa yã beeɔ kɛɛ́ pii ma tɔ́ yãi, kɛ́ aa gbɛ̃́ pɔ ma zĩ dɔ̃o yãi.
22Tó mi mɔ ma yã'ònɛ́o, dɔ̃ aa duuna vĩo. Tia kɛ́wa an duuna awa vĩo. 23Gbɛ̃́ pɔ zamagu za ma Maeguɛ sɔ̃. 24Tó mi yã pɔ wi kɛ yãao kɛ an guuo, dɔ̃ aa duuna vĩo. Tia kɛ́wa aa yã pɔ má kɛ̀ɔ è, ɔ̃ aa zàmagu ń ma Maeo wapii, 25kɛ́ yã pɔ ku ikoyã guu pa, wà mɛ̀ aa zàmagu pã.#Soũ 35.19
26Tó Zɛnnɔde pɔ má aà gbaɛwá bɔ̀ ma Mae kĩi à mɔ̀, Nisĩn sĩande pɔ ì bɔ aà kĩipi, aɔ dɛ ma seelade ũ. 27Apiɔ sɔ̃ áɔ dɛ ma seeladeɔ ũ, kɛ́ á kumanɔ za káau yãi.
S'ha seleccionat:
Zãa 15: Boo2024
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Boko Bible © SIM International, 2024.