Yohana 19
19
1Amu ii Pilato akamwuha Isa, akambigha.
2Njama wakaiwita taji ya mivwa, wakamgera mtwini, na nguo ngundu.
3Wakateta, Luworo, Mfumwa wa Wayahudi! Wakambigha luhi.
4Akafuma Pilato, akawawurra, Yoeni, namwete some mtisiwe ti siwona kutekwa hakwe.
5Akafuma Isa ekidoka taji ya mivwa na nguo ngundu. Akawawurra, Yoeni, niye.
6Wekinambona wakohani wabaha na wandu wawo, wakang’ola ighonda wekiteta, Banike, mbanike! Akawawurra Pilato, Mwuheni unwi, mmbanike, mi siwone kutekwa hakwe.
7Wakamtalwa Wayahudi, Uswi tuna kiteto, na hena kiteto chetu iwe kufwa, amu akakuareha Mwana wa Izuwa.
8Ekisikia Pilato kiteto iki akaneta kuondoka;
9Akaingiawa ghati ya Pretorio, akamburra Isa, Wafumahi? Kake Isa temng’olia matalwa.
10Akamburra Pilato, Tuteta nami? Tutisiwa ti nina zinya kukubanika na kukuchungua?
11Akatalwa Isa, Idje tukioka na zinya wanga yangu pia, idje usiingwe ghati ya wanga, amu ii, ula ening’ola hako aneta kuoka na kutekwa.
12Na kutera ama Pilato akakunda kumchungua, kake Wayahudi wakaiya wekiteta, Ukimchungua uu, we tombuyae Kaisari; ula ekuosha mfumwa amtetia Kaisari.
13Pilato ekimasikia mateto ama, akamwete Isa some akaikaa lumunguni, handu heitangwa handu ha mabwi, hena Kiebrania Gabbatha.
14Ikaoka musi wa kuarehia Pasaka, sandu saa ya katandatu: akawawurra Wayahudi, Yoa, Mfumwa wenyu.
15Wakaiya, Mbushije, mbushije, mbanike. Pilato akawawurra, Nimbanike mfumwa wenyu? Wakatalwa wakohani wabaha, Totuna mfumwa nde Kaisari.
16Akam’ngola hawo, abanikwe, Wakamwuhia Isa wakambusha.
17Naye ekitika msalaba wakwe akafuma mtano handu heitangwa ha mtwi, hetetwa hena Kiebrania Golgotha.
18Wakambanika uko na hamwe naye weingi weri, uko na uko, na Isa ghati.
19Akatama matamo Pilato, akawikia ghati ya msalaba, ikatamiwa, ISA MNAZARETI, MFUMWA WA WAYAHUDI.
20Wakamasoma matamo ama Wayahudi wengi, amu handu ha afuhi na kaa ehabanikwe Isa, makatamwa hena Kiebrania, Kiyonani, Kirumi.
21Wakohani wabaha na Wayahudi wakamburra Pilato, Usitame, Mfumwa wa Wayahudi, kake ti etetie, Ni mfumwa wa Wayahudi.
22Akatalwa Pilato, Nivitamie navitama.
23Njama, wekinambanika Isa, wakauha nguo jakwe, wakaareha ’ngata nne, njama jose ngata mwe, na kanzu yakwe, na kanzu yakwe teitungiweyo, to wanga ichumiwe pia.
24Wakatetana, Tusiighawe, tuisekie ioke yakweni; mafike matamo metetie, Wakaghawa suke yangu, wakaisekia nguo yangu. Wakaareha ama njama.
25Wakaimuka msalabeni ha Isa mee wakwe na mundwawo wa mee wakwe, Maryamu wa Klopa, na Maryamu Magdalene.
26Amu ii Isa ekimbona mee wakwe naye mwanaloshwa emkundie ekiimuka, akamburra mee wakwe, Mche, yoa, mwana wako.
27Akamburra mwanaloshwa, Yoa, mamako. To saa ila akamwuha mwanaloshwa hakwe.
28Ekuade ekitisiwa Isa, ti ngeriaha vyose vyafika, matamo maidivike, akateta, Nina ngiru.
29Nyungu ikaoka ina siki, wakaizujya sifongo, wakagera hena husopo wakamwetea momoni.
30Ekinauhe siki Isa, akateta, Yasia, Akainamija mtwi akang’ola ngoma.
31Nawo Wayahudi miuri isiikae msalabeni musi wa Sabato, ikioka maarehio, na mbaha musi ula wa Sabato, wakamwomba Pilato mawu mawo mabawe, wakawushijwe.
32Wakaza njama, wakambaa mawu ma ula kuwoka na ma ula wa keri ebanikwe hamwe naye.
33Kake wekiza hena Isa, wakambona ti aidiwe kufwa, tewembaie mawu.
34Kake njama mwe na ichumo akamsoma msawajo, chwii ikafuma sakami na mbombe.
35Naye ewonie akawondja mburi, na mburi yakwe wa kididi, naye atisiwa ti aviteta vya kididi, mwone kuitikija.
36Makaoka ama matamo maidivike, Tenebaika iwindi.
37Na itamowa la keri liteta, Wenemyoa ula wemsomie.
38Kutera ya ama akamwomba Pilato Yusuf wa Arimathaya (ekioka mwanaloshwa wakwe Isa, kake na kuweweda hena elwa kuondoka Wayahudi), auwushije muri wakwe Isa; akakunda Pilato. Amu ii akaza, akauwushija muri wakwe Isa.
39Akaza na Nikodemo (ula emzia kuwoka kio) ekiete marunganyiko ma manemane na undi sandu ratli ighana.
40Wakamcha muri wakwe Isa, wakauchunga na nguo hamwe na mabungu, sandu huwo hawo Wayahudi wekijika.
41Iho handu ewanikwe ngonde, na ghati ya ngonde mbirasha, esimejikwa mundu.
42Uko, amu ya maarehio ma Wayahudi, amu mbira afuhi, wakambika Isa.
S'ha seleccionat:
Yohana 19: TAVETA
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.