Adnodau Beiblaidd Poblogaidd o San Lucas 5

Rhanna

Cuandu icʉs̈ cotspay, inajau Simón: —Acyo'y ajna' pa mam más ijuqui mit ca'tstʉ́gʉyga intsamajcat pa inma̱jcawa'n.

Mit Simón iguipo'n: —Amayipay, najtsu' tʉyos̈wátcaj mit neti tʉnga-actangawu, po como mi̱ inyʉmp, tʉnca'tstʉgʉyáj ayʉ̱́j tsamac. Mit cuandu iguiwátcaj we'n, i-actangau tu'c acs̈juc mayway hasta ayé tsamac na̱tnupate.

Po Jesús nʉcs̈ pa mam igatsʉ̱na nepʉn, mit jem i-ora̱jt.

Tʉgaminu tʉs̈che'ngʉs̈ jayajwat ni-oyninʉmgʉjʉpay, tʉmín pa tʉs̈che'ngʉs̈wa'n maljayajwat ma cuyaguiga ima̱lway to̱jwat.

Igui-is̈ we'n Simón Pedro, nicos̈atenda̱jcʉu mam Jesús, mit inʉm: —Señor, ʉ̱ tʉs̈camerecia̱tp is̈cutomiyáj ni'c ʉ̱ tʉma̱lo'c.

Mit Jesús ipo'ngʉs̈: —Jeme tsʉ̱ngapay oy iganesita̱tcap doctor, po jeme tu'nijatway inesita̱tcap doctor.

Mit cuandu igui-acpíchingaj ajna'jat pa laguna-auni'c, iyajcau nu'pʉjʉn, mit inatspoguigau Jesús.

Cuandu Jesús itsʉ̱naj en tu'c nʉ'jcopac, min tu'c jayau ijtʉpay may lla̱gas, mit igui-is̈ Jesús, nicos̈atenda̱jcʉu mam je', mit iyo'jtau, inʉm: —Señor, te inwamp, oyap is̈ac-oytamp. Mit Jesús iyajcau icʉ', inʉjmau: —Tʉnwamp. Mi-oytanáj. Mit cʉs̈ iguitajyau jaran ayé lla̱gas.

Mit jayajwat más imaraugau jʉmgapa'tu lo que iwatway Jesús, mit may jayajwat nigutomigʉjʉu pa iguimaraugawa'n je' mit pa i-oytangawa'n.