Adnodau Beiblaidd Poblogaidd o LUK 8

Rhanna

A biu hi ramo sovi tilo tano karea, aira hoki na tangaloi hinea rau rongo na leo i God, vae rau kwiribibia lo domi karea mana rongorongohuri. Vae rau tu madi tigwaravu tarisaki a leoki mo kwai luga.”

A biu hi ramo sovi tilolo karo a kasiki eia, aira hoki na tangaloi hinea rau rongo na leo i God, vae a rongoana hati, a vivilagoki na varamana, mana hahavutiana na tokaana hike lo varamana ramo vanamai tilo domiga, ramo gunu matei na leo i God lolo domiga. Vae a kwaiga rahe toko sea te vohoki.

A biu hi ramo sovi tilo guruguru vatu, aira hoki na tangaloi hinea rau rongo na leo i God, rau lavia kina lagwalagwa, aia vae he hivo te kwara ne bua lolo domiga. Rau hauhuri he tuai tea, vae a rongoana hati mo vanamai, ra va sovi taliku.

Vunu mo kwaha mana nona ngwalagelo mo viti “?Kworohokinia? ?A nomiu hauhuriana tikei?” Vae aira rau idila haburu rau mataku ramo toko kwahakwaha mulekinira rau viti kwara, “!E! ?A hava tangaloi aia hika? Mo kwaha, a langi mana navo vake raru mo rongohuria.”

A biu hi ramo sovi tilo hala aira hoki na tangaloi hinea ramo rongo na leo i God. Vae i Setano* mo vanamai mo lavi na leo i God tina domiga kwara ne kwiribibira rana hatu hauhuri, vake rana hatu ahi.

A havakinau hi u eno tavuniki vae i God ne lavia tivarea vaki na ngwasara. Vake a havakinau hi a tangaloi u gui koroa vae i God ne hagwea ne lavia tivarea vaki lo leleha.

A vavine hi mo tagaia kwara i Jisas u kikilai, mo vanamai, a huina mo rururu, mo sovi vaki mana garu i Jisas. Mo viti lakwai Jisas lo nako na tangaloi savia takwa-hi kwara kworoho mo kihia, vake u viti lakwae kwara u rongo karea vakatukwale. I Jisas mo kwaha maia mo viti “Natugu, a nomu hauhuriana u vaiko komo rongo karea. Ko mule lo magemuana.”

A nona ngwalagelo ramo vano vaki maia ramo vakaradae, rau viti “!Hugwe*, Hugwe! !I kita hika tana sala!” I Jisas mo maraka hake mo suri na langi mana navo, vae raru mo hivo mo tangwata medemedekinia.