Adnodau Beiblaidd Poblogaidd o Ioan 16

Rhanna

Rwyf wedi dweud hyn wrthych chi fel y medrwch chi gael tangnefedd ynof fi. Fe gewch chi amser caled yn y byd. Ond byddwch yn ddewr, rwyf i wedi gorchfygu’r byd.”

Ond pan ddaw Ysbryd y Gwirionedd ei hun, fe’ch arwain chi yn y gwirionedd i gyd. Fydd ef ddim yn siarad ohono’i hun chwaith, ond bydd yn dweud yr hyn a gaiff ei glywed: ac fe fynega wrthych chi am yr hyn sydd i ddod.

Hyd yn hyn dydych chi ddim wedi gofyn am ddim yn f’enw i. Gofynnwch, ac rydych chi’n siŵr o gael, fel y bydd eich llawenydd chi’n gyflawn.”

Eto, rwy’n dweud y gwir wrthych chi: rwy’n eich gadael chi er eich lles eich hunain. Os nad af i, ddaw’r Cynorthwywr ddim atoch chi, ond os af i i ffwrdd, fe anfonaf fi ef atoch chi. A phan ddaw, fe ddengys yn eglur i’r byd mor anghywir oedd ei syniad am bechod, am yr hyn sy’n iawn, ac am farn.

Felly mae hi arnoch chi, rydych chi’n drist ar hyn o bryd, ond fe’ch gwelaf eto, ac fe fyddwch chi’n llawen iawn, a fedr neb ddwyn y llawenydd yma oddi arnoch chi. Pan ddaw’r diwrnod hwnnw, fyddwch chi ddim yn gofyn unrhyw gwestiwn i mi. Mae’n berffaith wir, fe gewch unrhyw beth gan y Tad os gofynnwch chi yn f’enw i.

Mae’n berffaith wir, y byddwch chi’n wylo a galaru a’r byd yn gorfoleddu; fe fyddwch chi’n drist, ond fe dry eich tristwch yn orfoledd.