Adnodau Beiblaidd Poblogaidd o Luc 14

Rhanna

“Os daw rhywun ataf, ac yntau heb fod yn barod i gasáu ei dad a’i fam a’i wraig a’i blant neu ei frodyr a’i chwiorydd, a’i fywyd ei hun hyd yn oed, ni all fod yn ddisgybl i mi.

Y sawl nid yw yn fodlon dwyn ei groes a’m dilyn i, ni all fod yn ddisgybl i mi.

Oherwydd caiff pob un a’i dyrchafo’i hun ei ostwng, a’r sawl a’i gostyngo ei hun ei ddyrchafu.”

Felly yn eich hanes chithau, ni all neb ohonoch fod yn ddisgyblion i mi heb ildio popeth sydd yn eich meddiant.

“A bod gennych awydd codi tŵr, onid ydych yn eistedd yng nghyntaf peth a gweithio allan y gost, i edrych a oes gobaith ei orffen? Rhag ofn ichi, wedi gorfod ei roddi heibio ar ôl gosod y sylfeini, fynd yn gyff gwawd i bawb, ac iddyn nhw ddweud, ‘Dyma’r dyn ddechreuodd adeiladu tŵr, a methu gorffen y gwaith!’

Gwell o lawer yw gwahodd y tlodion, yr anafus, y cloffion a’r deillion, pan fyddi di’n rhoi parti. Byddi’n fwy dedwydd o’r hanner, am na allan nhw dy dalu di’n ôl. Telir yn ôl i ti yn yr Atgyfodiad, gyda’r dynion da.”

“Peth da yw halen, ond os cyll yr halen ei hun ei flas, pa fodd mae ei adfer? Nid yw dda i ddim, nac i’r tir na’r domen — dim ond i’w daflu allan. Os oes clustiau gennych i wrando, gwrandewch.”