Adnodau Beiblaidd Poblogaidd o Mathew 28

Rhanna

Ewch a gwnewch ddisgyblion o’r holl genhedloedd, gan eu bedyddio yn enw’r Tad a’r Mab a’r Ysbryd Glân, a’u dysgu i gadw fy ngorchmynion i gyd. Ac yn wir, rydw i gyda chi bob amser hyd ddiwedd amser.”

A daeth Iesu a dweud wrthyn nhw: “I mi y rhoddwyd pob awdurdod yn y nef ac ar y ddaear.

Yna fe drodd yr angel at y gwragedd: “Amdanoch chi,” meddai, “does gennych chi ddim achos i ofni. Fe wn mai chwilio rydych am Iesu a groeshoeliwyd. Dydy ef ddim yma; mae ef wedi ei godi o farw’n fyw, fel y dywedodd. Dewch i weld y lle y bu’n gorwedd

Yna meddai Iesu wrthyn nhw, “Peidiwch ag ofni. Ewch a dywedwch wrth fy mrodyr am gychwyn i Galilea. Fe gânt fy ngweld i yno.”

Fe aeth y rheiny’n syth at yr henuriaid i ymgynghori, yna rhoi arian mawr i’r milwyr, a’u siarsio, “Dywedwch fod ei ddisgyblion wedi dod yn y nos a lladrata’r corff tra roeddem ni’n cysgu. Os daw hyn i glustiau’r rhaglaw, fe wnawn ni bopeth yn iawn gydag ef, a gwneud yn siŵr na chewch chi eich poeni.” Fe gymerson nhw’r arian, a gwneud fel y siarsiwyd nhw. Fe aeth y stori hon ar led, ac fe’i clywir ymhlith yr Iddewon hyd heddiw.