Salmau 110
110
SALM 110
Dathlu gorseddu’r brenin
Omni Dei 87.87
1Oracl Duw i’m brenin: “Eistedd
Di ar fy neheulaw i,
Nes im osod dy elynion
Megis troedfainc danat ti”.
2Fe rydd Duw o Seion wialen
Ei awdurdod yn dy law;
Llywodraetha dithau’n nerthol
Dros dy holl elynion draw.
3Mae dy bobl yn deyrngar iti
Ar ddydd d’eni o groth y wawr
Mewn gogoniant glân; cenhedlais
Di, fel gwlith, yn frenin mawr.
4-5aTyngodd Duw, “Yr wyt offeiriad,
Fel Melchisedec, am byth”.
Bydd yr Arglwydd yn amddiffyn
Dy ddeheulaw yn ddi-lyth.
5b-6aPan ddaw dydd ei ddig, dinistria
Holl frenhinoedd balch y byd.
Barna ymysg yr holl genhedloedd,
Ac fe’u lleinw â meirwon mud.
6b-7Fe ddinistria Duw benaethiaid
Gwledydd daear yn eu chwant;
Ond fe rydd i frenin Israel
Rym pan yf o ddŵr y nant.
Dewis Presennol:
Salmau 110: SCN
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© Gwynn ap Gwilym 2008