Tanio: Arweiniad Syml i Weddi Hyderus

Y Dyn ar y Groes Ganol: Cynllun darllen 7 diwrnod

21 Dydd i Orlifo

I Surrender: Defosiynau Ysbrydoledig wedi'u sgwennu gan Garcharorion

Beibl I Blant

Beth yw Cariad go iawn?

Beth yw fy Mhwrpas? Dysgu i Garu Duw a Charu Eraill

Cyfrinachau Eden

Caru'n Fawr

Llawenydd ar gyfer y Daith: Dod o Hyd i Obaith yng Nghanol y Treial

Beibl Cymraeg Newydd Testament Newydd Audio 2010

Y Llais - Y Beibl Cymraeg Newydd Testament Newydd 2010

<div class="version vid394 iso6393cym" data-vid="394" data-iso6393="cym">
 <div class="book bkLUK">
 <div class="chapter ch2" data-usfm="LUK.2">
 <div class="label">2</div><div class="s">Genedigaeth Iesu</div><div class="r"> Mth. 1:18&#8211;25</div><div class="m"> 1Yn y dyddiau hynny aeth gorchymyn allan oddi wrth Cesar Awgwstus i gofrestru'r holl Ymerodraeth. 2Digwyddodd y cofrestru cyntaf hwn pan oedd Cyrenius yn llywodraethu ar Syria. 3Aeth pawb felly i'w gofrestru, pob un i'w dref ei hun. 4Oherwydd ei fod yn perthyn i d&#375; a theulu Dafydd, aeth Joseff i fyny o dref Nasareth yng Ngalilea i Jwdea, i dref Dafydd a elwir Bethlehem, 5i ymgofrestru ynghyd &#226; Mair ei ddyweddi; ac yr oedd hi'n feichiog. 6Pan oeddent yno, cyflawnwyd yr amser iddi esgor, 7ac esgorodd ar ei mab cyntafanedig; a rhwymodd ef mewn dillad baban a'i osod mewn preseb, am nad oedd lle iddynt yn y gwesty.</div><div class="s">Y Bugeiliaid a'r Angylion</div><div class="m"> 8Yn yr un ardal yr oedd bugeiliaid allan yn y wlad yn gwarchod eu praidd liw nos. 9A safodd angel yr Arglwydd yn eu hymyl a disgleiriodd gogoniant yr Arglwydd o'u hamgylch; a daeth arswyd arnynt. 10Yna dywedodd yr angel wrthynt, &#8220;Peidiwch ag ofni, oherwydd wele, yr wyf yn cyhoeddi i chwi y newydd da am lawenydd mawr a ddaw i'r holl bobl: 11ganwyd i chwi heddiw yn nhref Dafydd, Waredwr, yr hwn yw'r Meseia, yr Arglwydd; 12a dyma'r arwydd i chwi: cewch hyd i'r un bach wedi ei rwymo mewn dillad baban ac yn gorwedd mewn preseb.&#8221; 13Yn sydyn ymddangosodd gyda'r angel dyrfa o'r llu nefol, yn moli Duw gan ddweud:</div><div class="b"></div><div class="q"> 14&#8220;Gogoniant yn y goruchaf i Dduw,</div><div class="q">ac ar y ddaear tangnefedd ymhlith y rhai sydd wrth ei fodd.#2:14 Yn &#244;l darlleniad arall, tangnefedd; ymhlith pobl, ewyllys da.&#8221;</div><div class="b"></div><div class="m"> 15Wedi i'r angylion fynd ymaith oddi wrthynt i'r nef, dechreuodd y bugeiliaid ddweud wrth ei gilydd, &#8220;Gadewch inni fynd i Fethlehem a gweld yr hyn sydd wedi digwydd, y peth yr hysbysodd yr Arglwydd ni amdano.&#8221; 16Aethant ar frys, a chawsant hyd i Fair a Joseff, a'r baban yn gorwedd yn y preseb; 17ac wedi ei weld mynegasant yr hyn oedd wedi ei lefaru wrthynt am y plentyn hwn. 18Rhyfeddodd pawb a'u clywodd at y pethau a ddywedodd y bugeiliaid wrthynt; 19ond yr oedd Mair yn cadw'r holl bethau hyn yn ddiogel yn ei chalon ac yn myfyrio arnynt. 20Dychwelodd y bugeiliaid gan ogoneddu a moli Duw am yr holl bethau a glywsant ac a welsant, yn union fel y llefarwyd wrthynt.</div><div class="p"> 21Pan ddaeth yr amser i enwaedu arno ymhen wyth diwrnod, galwyd ef Iesu, yr enw a roddwyd iddo gan yr angel cyn i'w fam feichiogi arno.</div><div class="s">Cyflwyno Iesu yn y Deml</div><div class="m"> 22Pan ddaeth amser eu puredigaeth yn &#244;l Cyfraith Moses, cymerodd ei rieni ef i fyny i Jerwsalem i'w gyflwyno i'r Arglwydd, 23yn unol &#226;'r hyn sydd wedi ei ysgrifennu yng Nghyfraith yr Arglwydd: &#8220;Pob gwryw cyntafanedig, fe'i gelwir yn sanctaidd i'r Arglwydd&#8221;; 24ac i roi offrwm yn unol &#226;'r hyn sydd wedi ei ddweud yng Nghyfraith yr Arglwydd: &#8220;P&#226;r o durturod neu ddau gyw colomen.&#8221;</div><div class="p"> 25Yn awr yr oedd dyn yn Jerwsalem o'r enw Simeon; dyn cyfiawn a duwiol oedd hwn, yn disgwyl am ddiddanwch Israel; ac yr oedd yr Ysbryd Gl&#226;n arno. 26Yr oedd wedi cael datguddiad gan yr Ysbryd Gl&#226;n na welai farwolaeth cyn gweld Meseia'r Arglwydd. 27Daeth i'r deml dan arweiniad yr Ysbryd; a phan ddaeth y rhieni &#226;'r plentyn Iesu i mewn, i wneud yngl&#375;n ag ef yn unol ag arfer y Gyfraith, 28cymerodd Simeon ef i'w freichiau a bendithiodd Dduw gan ddweud:</div><div class="b"></div><div class="q"> 29&#8220;Yn awr yr wyt yn gollwng dy was yn rhydd, O Arglwydd,</div><div class="q">mewn tangnefedd yn unol &#226;'th air;</div><div class="q"> 30oherwydd y mae fy llygaid wedi gweld dy iachawdwriaeth,</div><div class="q"> 31a ddarperaist yng ng&#373;ydd yr holl bobloedd:</div><div class="q"> 32goleuni i fod yn ddatguddiad i'r Cenhedloedd</div><div class="q">ac yn ogoniant i'th bobl Israel.&#8221;</div><div class="b"></div><div class="m"> 33Yr oedd ei dad a'i fam yn rhyfeddu at y pethau oedd yn cael eu dweud amdano. 34Yna bendithiodd Simeon hwy, a dywedodd wrth Fair ei fam, &#8220;Wele, gosodwyd hwn er cwymp a chyfodiad llawer yn Israel, ac i fod yn arwydd a wrthwynebir; 35a thithau, trywenir dy enaid di gan gleddyf; felly y datguddir meddyliau calonnau lawer.&#8221;</div><div class="p"> 36Yr oedd proffwydes hefyd, Anna merch Phanuel o lwyth Aser. Yr oedd hon yn oedrannus iawn, wedi byw saith mlynedd gyda'i g&#373;r ar &#244;l priodi, 37ac wedi parhau'n weddw nes ei bod yn awr yn bedair a phedwar ugain oed. Ni byddai byth yn ymadael &#226;'r deml, ond yn addoli gan ymprydio a gwedd&#239;o ddydd a nos. 38A'r awr honno safodd hi gerllaw a moli Duw, a llefaru am y plentyn wrth bawb oedd yn disgwyl rhyddhad Jerwsalem.</div><div class="s">Dychwelyd i Nasareth</div><div class="m"> 39Wedi iddynt gyflawni popeth yn unol &#226; Chyfraith yr Arglwydd, dychwelsant i Galilea, i Nasareth eu tref eu hunain. 40Yr oedd y plentyn yn tyfu yn gryf ac yn llawn doethineb; ac yr oedd ffafr Duw arno.</div><div class="s">Y Bachgen Iesu yn y Deml</div><div class="m"> 41Byddai ei rieni yn teithio i Jerwsalem bob blwyddyn ar gyfer g&#373;yl y Pasg. 42Pan oedd ef yn ddeuddeng mlwydd oed, aethant i fyny yn unol &#226;'r arfer ar yr &#373;yl, 43a chadw ei dyddiau yn gyflawn. Ond pan oeddent yn dychwelyd, arhosodd y bachgen Iesu yn Jerwsalem yn ddiarwybod i'w rieni. 44Gan dybio ei fod gyda'u cyd-deithwyr, gwnaethant daith diwrnod cyn dechrau chwilio amdano ymhlith eu perthnasau a'u cydnabod. 45Wedi methu cael hyd iddo, dychwelsant i Jerwsalem gan chwilio amdano. 46Ymhen tridiau daethant o hyd iddo yn y deml, yn eistedd yng nghanol yr athrawon, yn gwrando arnynt ac yn eu holi; 47ac yr oedd pawb a'i clywodd yn rhyfeddu mor ddeallus oedd ei atebion. 48Pan welodd ei rieni ef, fe'u syfrdanwyd, ac meddai ei fam wrtho, &#8220;Fy mhlentyn, pam y gwnaethost hyn inni? Dyma dy dad a minnau yn llawn pryder wedi bod yn chwilio amdanat.&#8221; 49Meddai ef wrthynt, &#8220;Pam y buoch yn chwilio amdanaf? Onid oeddech yn gwybod mai yn nh&#375; fy Nhad y mae'n rhaid i mi fod?&#8221; 50Ond ni ddeallasant hwy y peth a ddywedodd wrthynt. 51Yna aeth ef i lawr gyda hwy yn &#244;l i Nasareth, a bu'n ufudd iddynt. Cadwodd ei fam y cyfan yn ddiogel yn ei chalon. 52Ac yr oedd Iesu yn cynyddu mewn doethineb, a maintioli, a ffafr gyda Duw a'r holl bobl.</div>
 </div>
 </div>
</div>

LucSampl

Ysgrythur

Am y Cynllun hwn

Cynlluniau Tebyg