Amos 1
1
Gott wiest sienen Finja no de Nobalenda un no Israel
1Dit sent de Norechten, dee Amos, een Schopfoarma von Tekoa, von Gott kjrieech. Dee räden von Israel un komen von de Tiet aus Usija Kjennich en Juda wia, un Jerobeam, Joasch sien Sän, Kjennich en Israel wia. Daut wia twee Joa ver daut Ieedbäben. #2Kjen 14,23; 15,1; Amos 7,14; Sach 14,5 2Amos säd:
De Har schricht von Zion,
un hee rät to junt von Jerusalem;
soo daut de Schophoads äare Weid vedrieecht,
un de Spetz vom Karmel Boajch veschrieecht. #Jer 25,30; Joel 4,16
3De Har sajcht:
Dree Dinja haft Damaskus veschulcht,
nä, vea, un ekj woa de Strof nich trigjhoolen.
See haben Gilead utjedrascht
un met Iesa fien jemolt. #(3-5) Jes 17,1-3
4Ekj woa Kjennich Hasael sienen Paulaust aunstekjen,
un Kjennich Ben Hadad siene Paulausten vebrennen.
5Ekj woa daut Stautspuat von Damaskus tweibräakjen,
un de Enwona em Awen Tol ombrinjen,
un uk däm dee en Bet Eden rejieet.
Un de Lied von Aram woaren no Kir veschlapt woaren.
Dit lot junt vom Harn jesajcht sennen. #2Kjen 16,9
6De Har sajcht:
Dree Dinja haft Gaza veschulcht,
nä, vea, un ekj woa de Strof nich trigjhoolen.
See haben daut gaunze Volkj veschlapt
un dee aun Edom vekoft. #(6-8) 2Chr 21,16-17; 28,18; Jer 47,1
7Ekj woa een Fia oppe Mieren en Gaza aunstekjen,
un äare Paulausten vebrennen.
8Ekj woa de Lied en Aschdod ombrinjen,
un däm, dee en Aschkelon rejieet, raufsaten.
Ekj woa miene Macht jäajen Ekron uteewen,
un dee, dee von de Filista äwajebläwen sent, ombrinjen.
Dit lot junt von Gott däm Harn jesajcht sennen.
9De Har sajcht:
Dree Dinja haft Tierus veschulcht,
nä, vea, un ekj woa de Strof nich trigjhoolen.
See haben Edom aul de faustjenomne jejäft,
un nich äa Wuat met ons jehoolen. #(9 un 10) Jes 23,1-18; Joel 4,4; 1Kjen 5,26
10Ekj woa een Fia oppe Mieren von Tierus aunstekjen
un äare Paulausten vebrennen.
11De Har sajcht:
Dree Dinja haft Edom veschulcht,
nä, vea, un ekj woa de Strof nich trigjhoolen.
Hee juach sienen Brooda met daut Schwieet
un haud kjeen Metlieden met am.
Hee hieed nich opp sikj to oajren,
un bleef bloos doll opp am. #(11 un 12) Oba 1,10; 5Mo 23,8; Jer 49,7
12Ekj woa Teman aunstekjen,
un de Paulausten von Bozra vebrennen.
13De Har sajcht:
Dree Dinja haben de Amonita veschulcht,
nä, vea, un ekj woa de Strof nich trigjhoolen.
See dreewen daut soo groff
en äaren Iewa äa Launt jrata to moaken,
daut see de Frulied von Gilead,
dee schwanga wieren, opschneeden. #(13-15) Jer 49,1-6
14Ekj woa de Mieren von Raba aunstekjen,
un äare groote Städa vebrennen.
Dän Dach woaren de Soldoten lud schrieen
un de Storm woat sea schlemm sennen.
15Äa Kjennich woat wajchjefieet woaren
met siene aunjestalde toop.
Dit lot junt vom Harn jesajcht sennen.
Actualmente seleccionado:
Amos 1: PB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Plautdietsch Bible © 2003 Kindred Productions and United Bible Societies Association, Inc.