آیات محبوب کتاب مقدس از LUKA 22

به اشتراک گذاشتن

Naboola ari, “Papa, noba nochama, wurusiekhwo eshikombe shiobutsunwi shino. Ne shikalaba akokhwenya khwanje ta, habula akokhwenyakhwo kahesibwe.” [

Nebutswa ekhusaayile iwe Simoni, mbu obusuubilibwo bulatitiha tawe. Ne lwoba nokaluushe khwisie, otinyilisie abashio.”

Mana khandi nabukula omukaate, nakhupila Nyasaye orio, nakusonyola, nabahelesia naboola ari, “Kuno nomubili kwanje, okuhaanwa khulwenywe. Kholenje murio khulwa okhunzitsulila.”

Munjila ndala eyo, nabahelesia eshikombe nishitsulemwo idivai olunyuma lwokhulia naboola ari, “Eshikombe shino neindakano ya Nyasaye imbiakha, eyaralisibwa mumabanga kanje akasundulwa khulwa inywe.

Naye Yesu nanyakhananga ario, yameeta okhusaaya muno narula oluchesi, olwali shinga amaronyelesi kamatsaayi nikaronya hasi.]

Nebutswa shikalaba kario mwinywe tawe, habula ouli omukhongo muno mwinywe, okhuula yekhole omutuutu okhushila boosi, naye ouli omwimilisi, okhuula yekhole omukhalabani.

Mana Yesu namuboolela ari, “Ekhuboolela iwe Petero mbu, itaywa niyishili okhulakula eshilo shino, olaba niwakhanzikaana okhuula khataru mbu shiumanyile isie tawe.”