آیات محبوب کتاب مقدس از Luka 6

به اشتراک گذاشتن

ingero nziza, itsindagiye, inyingishe, isēsekaye, ni yo bazobaha mu co muteze. Kukw ingero mugeramwo ari yo muzosubirizwamwo namwe.

Umunyangeso nziza akūra ivyiza mw itunga ryiza ryo mu mutima wiwe, n’umunyangeso mbi akūra ibibi mw itunga ribi: ibibōgabōga mu mutima ni vyo akanwa kiwe kavuga.

Ariko mukunde abansi banyu, mubagirire neza, mugurane abantu, mutaziga ko muzoguranurwa; kand’ impēra zanyu zizoba nyinshi, namwe muzoba abana b’Īsumba vyose; kukw igirira neza intashima n’ababi.

Mugire imbabazi, nk’uko So agira imbabazi.

Kandi ntimugahinyurire mu mitima yanyu, namwe mukazohinyurwa; kandi ntimugatsindishe, namwe mukazotsindishwa; mubohore, namwe muzobohorwa; mutange, namwe muzohabga

Ariko mwebge mwumva ndababgire: Mukunde abansi banyu, mugirire neza ababanka, muhezagire ababavuma, musabire ababagirira nabi.

Kand’ uko mugomba kw abantu babagirira, mube ari ko mubagirira namwe.

Ūgukubise mu musaya, umuhindukirize n’uwundi; ūkwaka umutamana, ntumwime n’ipfundo. Ūgusaba wese umuhe, ūnyaga ivyawe ntuz’ ubimwake ukundi.

Kukw ata giti ciza cama ibibi, kandi nta giti kibi cama ivyiza.

Igiti cose kimenyekanira ku vyo camye: nta bokwamura insukoni ku munyinya, cank’ inzabibu ku mukēre.