O Kandɔɔ 10
10
Yungula poaa Noe-a
(1Dɛnnda lemasalan 1.5-23)
1Kpundɛ mɛmma bɛndoo hiovɔɔ, mí poaa Noe-a, Sɛm, Ham a Yafɛt a vialu cuawva. Yungula ndalan la yɔŋnun ndan ni:
2Poaa Yafɛt-a yɔŋnun haa ni: Komɛr, Makɔk, Madai, Yavan, Tubal, Mesɛk a Tiras. 3Poaa Komɛr-a yɔŋnun haa ni: Askenas, Rifat a Tokarma. 4Poaa Yavan-nda yɔŋnun haa ni: Elisia, Tarsis, Kitim a Dodanim#10.4 Dodanim: Vannda pum a veelu diolan aa Rodanim, a pum aa Rɔde, kani o hebrei nin R a D velanndo pila la velan o sɛvaa ni.. 5O nda nin vanaa co icali o mɛnndan ikɛi a o mɛnndan tɛɛn-nda fula ni, mí vanaa kan kɔ piɔvan kundalan o lɛŋnde nin mɛɛ nda va súúlan yɛ a mɛɛ sɔɔn ndan mangalan va yɛ.
6Poaa Ham-nda yɔŋnun haa ni: Kus, Misrayim, Put a Kanaan. 7Poaa Kus-a yɔŋnun haa ni: Seba, Havila, Sabta, Raema a Sabteka. Poaa Raema-a yɔŋnun Saba nda Dedan ni. 8Mí Kus vialu vɛlɛ Nimrɔd, mí Nimrɔd kon kandu dɛnnda kpaayala tɔ́ɔ́ bɛndulan tosaa o lɛŋnden coo. 9Doosunɔ-málà bɛndoo pila o yɔŋnun Mɛlɛka o hɔl ni. Lelan vannda ndáà dimi taloo ni aa: «Doosule yelelal vana maa Nimrɔd siŋnun doosunɔ-málàá Mɛlɛka o hɔl-lo.» 10Kobila lebolta o tosa masale ndɔlen coo lan la va Babɛl, Erɛk, Akad a Kalnee ni. O lɛŋnde Sinear len nin la va ni. 11Mí Nimrɔd faŋan o lɛŋnde len nin, mó kɔ cal Asiri. Mó tangul Ninive, Rehobɔt-Ir a Kala, 12mó tangul vɛlɛ kobio pum diolan Resɛn, o kobio Ninive a o kobi bɛndoo Kala tɛɛn o tangul ndu ni.
13Misrayim yɔŋnun fuɲa-mama vanaa co icali Ludim, Anɛm, Behab, Naftu, 14Patrɔs, Kasluhim a Kaftɔr-a ni. Kaftɔr lon Filistia cɛn tum ni.
15Poaa Kanaan-nda yɔŋnun Sidɔn nda Hɛt ni. Sidɔn va po ndɔ tasoo ni. 16Hɛt va fuɲa-mama Yebusiia, Amoriia, Kirkasiia, 17Heviia, Arkiia, Siniia, 18Arvadiia, Semariia a Hamatiia ni. O kon kɔɔli, mí polale Kanaan-nden le sɛŋin, 19mí lɛŋnde ndalen le cɔɔlu kui. Mɛɛ le kandun a Sidɔn, mí le kei a Kerar, mí le kɔ tiiya háá Kaasa, mí le kei vɛlɛ a Sodɔm, Komɔr, Adma, Seboyim, mi le kɔ tiiya háá Lesa. 20Yungula fula o polale Ham-nden nin-ndan la yɔŋnun ndan ni. A va a piɔvannda a kundalan o lɛŋnde nin mɛɛ nda va súúlan yɛ a mɛɛ sɔɔn ndan mangalan va yɛ.
21Mí Sɛm, bɛndoo Yafɛt bɛɛ vialu vanpiaandua. Ndu Sɛm kon yɔŋnun fuɲa-mama Hebɛr-o a polale fula o Hebɛr nin-nden kpow ni. 22Poaa Sɛm-nda va haa ni: Elam, Asur#10.22 Asur: Asur kon nda veelu vɛlɛ ni aa Asiri., Arpaksad, Lud a Aram. 23Poaa Aram ndu velu-a va Ut, Hul, Ketɛr a Mas ni. 24Arpaksad velu Sela ni, mí Sela ndu vialu Hebɛr. 25Mí Hebɛr vialu poaa nda ŋiɔn: po ndɔ tasoo diolan Pelɛk (kon co dimio ni aa «Piɔwvo»), kani o paale ndɔlen vanndacieea o ceendo coo a piɔvan ni. Pɔmbɔ ndɔ diolan aa Yɔktan. 26Mí Yɔktan vialu Almodad, Selɛf, Hasarmavɛt, Yera, 27Hadoram, Usal, Dikla, 28Obal, Abimaɛl, Saba, 29Ofir, Havila a Yobab. Nda kpede yɔŋnun poaa Yɔktan-nda ni. 30O lɛŋnde Mesa len a o lɛŋnde n'pembulen Sefar tɛɛn nda va icali ni, a kpengii paalen le can-nde. 31Yungula fula o polale Sɛm-nden nin-ndan la yɔŋnun ndan ni. A va a piɔvannda a kundulan o lɛŋnden coo mɛɛ súúla ndalan a sɔɔn ndan mangalan va yɛ.
32Yungula poaa Noe-a la yɔŋnun ndan ni, yungula fula o ndu nin-ndan, mɛɛ nda va a diola ndalan, súúla ndalan a sɔɔn ndan mangalan yɛ. Nda yɔŋnun fuɲaa-mamaa vanndacieea o lɛŋnden kpede coo o kpundɛ mɛmma bɛndoo kɔɔli ni.
اکنون انتخاب شده:
O Kandɔɔ 10: BKG
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Alliance Biblique en Guinée