Mateo 3
3
Juan chi Porochoaparí k'orea bɨda
Marco 1:1-8; Luca 3:1-9; 3:15-17; Juan 1:19-28
1Mãɨya bak'ari Juan chi Porochoaparipa Judeade ĩjũa pania newẽa bɨde jaratea beesima. 2Nãɨya jarapachima:
«Pajãne Bɨ cheruma ichidirã ichi juade ua bai k'orea.#Daniel 2:44. Mãɨ k'orea mãrapa nemietá oopataɨ itu bɨdak'ari ichimá chet'ɨ».
3Mãɨ Juan k'orea Tachi Ak'õre pari pedeaparí Isaíapa jarasima:
«Ẽpẽra ĩjũa pania newẽa bɨde jĩk'ua pedea bɨma:
“O jarit'ɨ Tachi Chipari pia chemẽrá. O ichi pae jĩp'a jarit'ɨ”».#Isaía 40:3.
4Juan neet'á camello k'ara k'ada jɨ̃pachima. Ichi k'ɨrrɨde jɨ̃parí ãnimara e ooda jɨ̃pachima.#3:4 Juan chi Porochoaparipa neet'á jɨ̃pachima chõarãena Tachi Ak'õre pari pedeaparí Eliapa jɨ̃pachi jĩra. Sisi k'opachima mãɨnepa mẽapema jɨrrɨjõ jõpachima. 5Mãɨne ẽpẽrarã Jerusalenepemarã, ãarea Judea tuadepemarã mãɨnepa ãarea Jordán to k'ait'a berã Juanmá wãpachidama. 6Ãchia nemietá oodada ichi k'ĩrari jaradak'ari ãchi Jordán tode porochoapachima. 7Mãɨya bɨde chi eda waapẽarã Moisepa bɨda jarateapataɨrã chesidama Juanpa porochoamẽrá. Chi eda waapẽarã p'ariseorã pasima; chi waapẽarã saduceorã pasima. Maamina Juanpa ãchi unurune jarasima:
«Mãra taama jĩra berã, ¿K'aipa jarasima mãra Tachi Ak'õrepa tachi ɨtɨai ewaridepema p'ue mĩrunait'a? 8Mãrapa oo p'anɨnepa mãra nemietá oo p'anana piarã itu bɨdada unupit'ɨ. 9K'ɨ̃risiarãt'ɨ Abrahanepa chedaadarã pẽra Tachi Ak'õrepa ɨtɨaiwẽane arãt'ɨ. Mɨa mãrá jararuma: “Tachi Ak'õrepa k'ɨ̃riaipɨra, cha be mawaradepa Abrahanepa chedaadarã papik'oaipɨ”. 10Tachi Ak'õrepa chaara uru bɨma pak'uru t'ut'aak'oai k'orea. Ãarea pak'uru pia chaudak'a t'ut'aak'oak'ari t'ɨpɨde bat'ak'oaipɨ.
11»Mɨa mãra paniapa porochoaparima unupidamẽrá mãra nemietá oopataɨ itu bɨdaadat'a. Maamina chi mɨ k'aadea cherut'a mɨ k'aepẽra chi minachia atepe k'awa bɨma. Mãɨpuru ichia jĩrune jɨ̃ bɨ ẽrai k'orea mɨ mãɨ pae pida pia bɨwẽma. Ichiapuru Tachi Ak'õre Jaoredepa porochoaipɨ.#3:11 Tachi Ak'õre Jaoredepa porochoaipɨ. Mãɨ jara k'ɨ̃ria bɨma chi Tachi Ak'õre Jaore teait'a. Maamina ĩjãanaepɨra ɨtɨaipɨ.#3:11 Ɨtɨaipɨ. Griego pedeade nãɨya bɨ bɨma: Uruapa porochoaipɨ. 12Ɨt'aa jira bat'aparí ichi juade uru bɨma chi trigo tau jora ãyá amaai k'orea. Maapae chi tau ẽechoada yaaipɨ maamina chi jora t'ɨpɨ uruade paaipɨ. Mãɨ k'iik'ama».
Juanpa Jesú porochoada
Marco 1:9-11; Luca 3:21-22
13Mãɨ ewaride Jesú Galilea tuadepa Jordán todea chesima Juanpa ichi porochoamẽrá. 14Maamina Juanpa porochoaemaapa jarasima:
—Pɨapuru mɨ porochoai pia bɨma. ¿K'ãre k'orea pɨ mɨmá cheruma?
15Mãɨne Jesupa p'anoosima:
—Nãɨena pɨa oopari jĩra oose. Tachia ãarea jĩp'a oodai p'anɨma Tachi Ak'õrepa oopi bɨ jĩra.
Ara mãɨne Juanpa ĩjãasima. 16Jesú porochoak'ari toedaɨpa tuá wãrune mãɨya bɨde pajã ewa wãsima. Mãɨne Jesupa Tachi Ak'õre Jaore p'aloma jĩra ichi ɨ̃rɨ cheru unusima. 17Mãɨ awara Tachi Ak'õre pajãnepa edá pedearu ũrisidama. Nãɨya jarasima:
«Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».#Isaía 42:1-4.
اکنون انتخاب شده:
Mateo 3: tdc
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© (Active), Wycliffe Bible Translators, Inc. All rights reserved.