San Mateo 16
16
U k'ata u ye'sa u meta' jump'e ba'
(Mr. 8.11-13; Lc. 12.54-56)
1A u winiko' a judíos a ku ya'batio' fariseos y a saduceos k'ucho' tu tiʌ Jesús ti u kʌxtik bik u pʌk'ik u pach, y tu k'ato' ti' u ye'se u metik ba' ix kʌ', ti' u ye'sik wa jach ti' u tar ti' K'uj. 2Chen a Jesús tu nuka tio': «Tuk'in teche'x ka wirke'x a kʌ' chʌkjʌke' tuk'in tʌn in jach bin k'in, teche'x ka wei'ke'x: “Jach tsoy u k'ini ku bij chu'mpʌ”. 3Chen wo ja'ts'ka' ka wirik jach k'ak'anʌk u tichi u k'ak' a k'in y tʌn u nʌ'kʌ u muyai, teche'x ka' wei'ke'x: “¡Beje' binukaj tar ja' ne k'ʌ'm!” Wo a teche'x ne a we a wirke'x bik yira a kʌ', ¿bik taba maj ki ts'ekti' a wirik a bix meje u k'ini ku ye'sa u meta ba'? 4Y a muj ki uik' u t'ʌn K'uj, y a mo' pajtio' ku k'atik u ye'sa ba' tio'; chen ya mʌnʌ' u ye'sa ti', toj jari a toj e'sʌ uchik baij mʌni ti' a profeta Jonás.»
Ij bini a Jesús chen ts'ok u yei'k a je' a ba'.
U ts'ak uj pʌni u winiko' a judíos a ku ya'batio' fariseos
(Mr. 8.14-21)
5Tuk'in u kʌ'sa winiko' a Jesús tu ch'ʌkta u pach a peta', tubitio' u ch'eik aj pʌn. 6Y Jesús tu ya'tio':
―Ki' kʌnʌnte a bʌje'x ti' a ba' ku kʌ'sik u winiko' a judíos a ku ya'batio' fariseos yete a saduceos, a layo' ne ku tuso'.
7U kʌ'sa winiko' Jesús tʌn u jumintiko' yete u bojo':
—Tu ya'a bex a Jesús, la' tu moj tasa aj pʌn.
8Jesús tu yueta baij ku yei'ko', kaj u ya'tio':
―¿Biken lʌji' ka tukrike'x tu mo' ta tase'x aj pʌn? ¡A teche'x toj maj ki ch'eike'x u t'ʌn K'uj! 9¿Titʌ maj wui'ke'x baij kin wei'k, yʌn mo' k'ʌjʌ' teche'x kaj in jʌtsa jumujk'ʌ' aj pʌn ti' a cinco mil winik y bon xak ta much'e'x u yʌrʌ'? 10¿Y mix k'ʌjʌ' teche'x a tin jʌtsa a siete aj pʌn ti' a cuatro mil winik y bon xak ta much'e'x u yʌrʌ'? 11¿Biken maj ki' ui'ke'x a teche'x mo' la' aj pʌn ki wei'k? Ki' kʌnʌnte a bʌje'x ti' u ts'ak uj pʌn u winiko' a judíos a ku ya'batio' fariseos yete a saduceos.
12La' ka' tu yuo' u nu'ku a ba' ku yei'k a Jesús, mo' ti' u kʌnʌntik u bʌjo' yok'o u ts'aki aj pʌn, a jach u nu'ku lʌji' ti' u kʌnʌntiko' u bʌjo' a ba' ku kʌ'sko' u winiko' a judíos a ku ya'batio' fariseos yete a saduceos.
Pedro ku yei'k a Jesús jach lʌji' a Mesías
(Mr. 8.27-30; Lc. 9.18-21)
13Tuk'in Jesús k'uchi yok'o lu'mi u k'aba' Cesarea a lʌji' u kʌjta Filipo, tu k'ata Jesús ti' u kʌ'sa winiko':
―¿Moki ku yei'k a winik lʌji' u Ti'a Xi'ra?
14Y tio' tu nuko':
―Tax jujunto' ku yei'ko' lʌjiech a Juan a ku but'ik ja' a winiko', u jero' ku yei'ko' lʌjiech a Elías, u jero' ku yei'ko' lʌjiech a Jeremías, o u jero' ku yei'ko' lʌjiech jujuntu a Profetas a yʌn uchik.
15Kaj u k'ata Jesús tio':
―¿Moken ka wei'ke'x a teche'x? 16Simón Pedro tu nuka ti':
―A tech lʌjiech a Cristo, u Ti'a K'uj a kuxʌ' y a ku ts'ek kuxta.
17Ka tu nuka Jesús ti':
—Ku jach bij tsoy ta wor tech Simón u ti'a Jonás, a je' a ba' tech mo' ti' ta wueta ti' winik, tech tu ye'sa tech in Tet a tiʌ kʌ'. 18Bexi' ten kin wei'k tech, tech lʌjiech a Pedro, y yok'o a je' a tunich, ki bin in mete u yatoch K'uj, y mix u muk' a kisin ku bij k'uchu u muk' ti' u jubik. 19Y ti' tech ki bin in ts'ae u llave tuku wesintik K'uj a tiʌ ix kʌ'; a ba' tech ka k'ʌxik way ix lu'm, bexi' ku bij k'ʌxa' ix kʌ', y tu woro a ba' ka pitik ix lu'm, bexi' ix kʌ' ku bij pita'.
20Pachi a Jesús tu li'sa u t'ʌni ti' u kʌ'sa winiko', mu' bin u yao' ti' mix mok wo lʌji' a Jesús a Cristo.
Jesús ku yei'k u kimi
(Mr. 8.31—9.1; Lc. 9.22-27)
21A Jesús chu'mpʌ u yei'k ti' u kʌ'sa winiko', a ti' yʌnti' u bin ix Jerusalén, y binukaj p'akta ti' u winiko' a judíos a jak'ʌ u kucho' yete u t'ojio' a moko' ku meajo' yok'o u yatoch K'uj y yete a ku kʌ'sko' u t'ʌn K'uj a toj u ts'ibtamʌ a Moisés uchik y jach yʌnti' u mʌsik ne yaj ba', ku bij kinsa' y pachi ku mʌn oxp'e k'in ku kaj bij lik'i kuxta. 22La'jen a Pedro ka tu pʌya Jesús tu juna y tu chich a'ti' bex:
¡Ts'uri, ch'ae otsi ti' bʌj tech! ¡A je' mu' nʌj mʌn ti' tech!
23Chen a Jesús tu pʌktaj a Pedro y tu ya'ti': ―¡K'uyabʌj ti ten Satanás, a tech toj jai' poch a wirik mi' wui'k u t'ʌn K'uj! A tech mo lʌji' ka tukrik a baij u k'at K'uj, toj ja'ri' lʌji' ka tukrik a baij u k'at a winik.
24Pachi a Jesús tu ya'a ti' u kʌ'sa winiko':
―Wa mok poch u tar ti ten, u tup'se a baij u k'at a ti', u kuche u cruz y ka tak tin pach. 25Tu woro a mok ku tukrik u takik u bʌj ti' ma' u kimi, a lay binukaj kimi; y a mok muj tukrik u kimi a lay je' u kuxta. 26¿Ba'wi ti' a xi'ra wa ku tenetik tu woro a ba' a yʌn yok'o lu'm si ku sʌtik u kuxta? ¿Je' wa u k'uchu u muk' u bo'tik u kuxta? 27Chen u Ti'a Xi'ra ku bij tar yete u muk' u Tet y yete u ángeles, y ku bin u ts'ae ba' ti' a winik a bex a ba' tu meto' wo tsoy o mo' tsoy ba' tu meto'. 28Jach taj kin wei'k teche'x, a mok tiʌ way, yʌn tax jujuntu mʌnʌ' u kimi hasta ku yirik u tar u Ti'a Xi'ra ya lʌji' wes.
اکنون انتخاب شده:
San Mateo 16: PLacNaha
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Sociedad Biblica de México AC
San Mateo 16
16
U k'ata u ye'sa u meta' jump'e ba'
(Mr. 8.11-13; Lc. 12.54-56)
1A u winiko' a judíos a ku ya'batio' fariseos y a saduceos k'ucho' tu tiʌ Jesús ti u kʌxtik bik u pʌk'ik u pach, y tu k'ato' ti' u ye'se u metik ba' ix kʌ', ti' u ye'sik wa jach ti' u tar ti' K'uj. 2Chen a Jesús tu nuka tio': «Tuk'in teche'x ka wirke'x a kʌ' chʌkjʌke' tuk'in tʌn in jach bin k'in, teche'x ka wei'ke'x: “Jach tsoy u k'ini ku bij chu'mpʌ”. 3Chen wo ja'ts'ka' ka wirik jach k'ak'anʌk u tichi u k'ak' a k'in y tʌn u nʌ'kʌ u muyai, teche'x ka' wei'ke'x: “¡Beje' binukaj tar ja' ne k'ʌ'm!” Wo a teche'x ne a we a wirke'x bik yira a kʌ', ¿bik taba maj ki ts'ekti' a wirik a bix meje u k'ini ku ye'sa u meta ba'? 4Y a muj ki uik' u t'ʌn K'uj, y a mo' pajtio' ku k'atik u ye'sa ba' tio'; chen ya mʌnʌ' u ye'sa ti', toj jari a toj e'sʌ uchik baij mʌni ti' a profeta Jonás.»
Ij bini a Jesús chen ts'ok u yei'k a je' a ba'.
U ts'ak uj pʌni u winiko' a judíos a ku ya'batio' fariseos
(Mr. 8.14-21)
5Tuk'in u kʌ'sa winiko' a Jesús tu ch'ʌkta u pach a peta', tubitio' u ch'eik aj pʌn. 6Y Jesús tu ya'tio':
―Ki' kʌnʌnte a bʌje'x ti' a ba' ku kʌ'sik u winiko' a judíos a ku ya'batio' fariseos yete a saduceos, a layo' ne ku tuso'.
7U kʌ'sa winiko' Jesús tʌn u jumintiko' yete u bojo':
—Tu ya'a bex a Jesús, la' tu moj tasa aj pʌn.
8Jesús tu yueta baij ku yei'ko', kaj u ya'tio':
―¿Biken lʌji' ka tukrike'x tu mo' ta tase'x aj pʌn? ¡A teche'x toj maj ki ch'eike'x u t'ʌn K'uj! 9¿Titʌ maj wui'ke'x baij kin wei'k, yʌn mo' k'ʌjʌ' teche'x kaj in jʌtsa jumujk'ʌ' aj pʌn ti' a cinco mil winik y bon xak ta much'e'x u yʌrʌ'? 10¿Y mix k'ʌjʌ' teche'x a tin jʌtsa a siete aj pʌn ti' a cuatro mil winik y bon xak ta much'e'x u yʌrʌ'? 11¿Biken maj ki' ui'ke'x a teche'x mo' la' aj pʌn ki wei'k? Ki' kʌnʌnte a bʌje'x ti' u ts'ak uj pʌn u winiko' a judíos a ku ya'batio' fariseos yete a saduceos.
12La' ka' tu yuo' u nu'ku a ba' ku yei'k a Jesús, mo' ti' u kʌnʌntik u bʌjo' yok'o u ts'aki aj pʌn, a jach u nu'ku lʌji' ti' u kʌnʌntiko' u bʌjo' a ba' ku kʌ'sko' u winiko' a judíos a ku ya'batio' fariseos yete a saduceos.
Pedro ku yei'k a Jesús jach lʌji' a Mesías
(Mr. 8.27-30; Lc. 9.18-21)
13Tuk'in Jesús k'uchi yok'o lu'mi u k'aba' Cesarea a lʌji' u kʌjta Filipo, tu k'ata Jesús ti' u kʌ'sa winiko':
―¿Moki ku yei'k a winik lʌji' u Ti'a Xi'ra?
14Y tio' tu nuko':
―Tax jujunto' ku yei'ko' lʌjiech a Juan a ku but'ik ja' a winiko', u jero' ku yei'ko' lʌjiech a Elías, u jero' ku yei'ko' lʌjiech a Jeremías, o u jero' ku yei'ko' lʌjiech jujuntu a Profetas a yʌn uchik.
15Kaj u k'ata Jesús tio':
―¿Moken ka wei'ke'x a teche'x? 16Simón Pedro tu nuka ti':
―A tech lʌjiech a Cristo, u Ti'a K'uj a kuxʌ' y a ku ts'ek kuxta.
17Ka tu nuka Jesús ti':
—Ku jach bij tsoy ta wor tech Simón u ti'a Jonás, a je' a ba' tech mo' ti' ta wueta ti' winik, tech tu ye'sa tech in Tet a tiʌ kʌ'. 18Bexi' ten kin wei'k tech, tech lʌjiech a Pedro, y yok'o a je' a tunich, ki bin in mete u yatoch K'uj, y mix u muk' a kisin ku bij k'uchu u muk' ti' u jubik. 19Y ti' tech ki bin in ts'ae u llave tuku wesintik K'uj a tiʌ ix kʌ'; a ba' tech ka k'ʌxik way ix lu'm, bexi' ku bij k'ʌxa' ix kʌ', y tu woro a ba' ka pitik ix lu'm, bexi' ix kʌ' ku bij pita'.
20Pachi a Jesús tu li'sa u t'ʌni ti' u kʌ'sa winiko', mu' bin u yao' ti' mix mok wo lʌji' a Jesús a Cristo.
Jesús ku yei'k u kimi
(Mr. 8.31—9.1; Lc. 9.22-27)
21A Jesús chu'mpʌ u yei'k ti' u kʌ'sa winiko', a ti' yʌnti' u bin ix Jerusalén, y binukaj p'akta ti' u winiko' a judíos a jak'ʌ u kucho' yete u t'ojio' a moko' ku meajo' yok'o u yatoch K'uj y yete a ku kʌ'sko' u t'ʌn K'uj a toj u ts'ibtamʌ a Moisés uchik y jach yʌnti' u mʌsik ne yaj ba', ku bij kinsa' y pachi ku mʌn oxp'e k'in ku kaj bij lik'i kuxta. 22La'jen a Pedro ka tu pʌya Jesús tu juna y tu chich a'ti' bex:
¡Ts'uri, ch'ae otsi ti' bʌj tech! ¡A je' mu' nʌj mʌn ti' tech!
23Chen a Jesús tu pʌktaj a Pedro y tu ya'ti': ―¡K'uyabʌj ti ten Satanás, a tech toj jai' poch a wirik mi' wui'k u t'ʌn K'uj! A tech mo lʌji' ka tukrik a baij u k'at K'uj, toj ja'ri' lʌji' ka tukrik a baij u k'at a winik.
24Pachi a Jesús tu ya'a ti' u kʌ'sa winiko':
―Wa mok poch u tar ti ten, u tup'se a baij u k'at a ti', u kuche u cruz y ka tak tin pach. 25Tu woro a mok ku tukrik u takik u bʌj ti' ma' u kimi, a lay binukaj kimi; y a mok muj tukrik u kimi a lay je' u kuxta. 26¿Ba'wi ti' a xi'ra wa ku tenetik tu woro a ba' a yʌn yok'o lu'm si ku sʌtik u kuxta? ¿Je' wa u k'uchu u muk' u bo'tik u kuxta? 27Chen u Ti'a Xi'ra ku bij tar yete u muk' u Tet y yete u ángeles, y ku bin u ts'ae ba' ti' a winik a bex a ba' tu meto' wo tsoy o mo' tsoy ba' tu meto'. 28Jach taj kin wei'k teche'x, a mok tiʌ way, yʌn tax jujuntu mʌnʌ' u kimi hasta ku yirik u tar u Ti'a Xi'ra ya lʌji' wes.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Sociedad Biblica de México AC