Josua 12
12
Crynodeb o hanes concro’r wlad
1Dyma’r brenhinoedd wnaeth pobl Israel eu trechu i’r dwyrain o afon Iorddonen, a’r tiroedd wnaethon nhw eu meddiannu – o Ddyffryn Arnon i Fynydd Hermon, sef yr holl dir i’r dwyrain o Ddyffryn Iorddonen:#12:1 Dyffryn Iorddonen Hebraeg, “Araba”.
2Sihon, brenin yr Amoriaid, oedd yn byw yn Cheshbon ac yn teyrnasu o Aroer, ger Dyffryn Arnon. Roedd yn teyrnasu o ganol Dyffryn Arnon i Ddyffryn Jabboc, sef y ffin gyda thiriogaeth pobl Ammon – yn cynnwys hanner Gilead. 3Roedd ei diriogaeth yn cynnwys y tir sydd i’r dwyrain o Ddyffryn Iorddonen, yr holl ffordd o Lyn Galilea#12:3 Lyn Galilea Hebraeg, “Cinnereth”, enw cynharach ar y llyn. i’r Môr Marw.#12:3 Hebraeg, “Môr yr Araba, sef y Môr Halen”. Yna o Beth-ieshimoth yn y dwyrain i lawr i’r de, cyn belled â llethrau Mynydd Pisga.
4Og, brenin Bashan – un o’r ychydig Reffaiaid oedd ar ôl. Roedd Og yn teyrnasu o Ashtaroth ac Edrei, 5a’i diriogaeth yn ymestyn o Fynydd Hermon i Salca yn y gogledd; Bashan yn y dwyrain i’r ffin gyda theyrnasoedd Geshwr a Maacha yn y gorllewin; a hanner arall Gilead at y ffin gyda theyrnas Sihon, oedd yn frenin yn Cheshbon. 6Roedd Moses, gwas yr ARGLWYDD, a phobl Israel wedi’u trechu nhw a rhannu eu tiroedd nhw rhwng llwythau Reuben, Gad, a hanner llwyth Manasse.#Numeri 32:33; Deuteronomium 3:12
7A dyma’r brenhinoedd wnaeth Josua a phobl Israel eu trechu i’r gorllewin o afon Iorddonen – o Baal-gad yn Nyffryn Libanus yn y gogledd i lawr i Fynydd Halac i gyfeiriad Edom yn y de. (Rhannodd Josua y tiroedd yma i gyd rhwng llwythau Israel. 8Roedd yn cynnwys y bryniau a’r iseldir, y tir anial, y llethrau, anialwch Jwda a’r Negef, sef tiroedd yr Hethiaid, Amoriaid, Canaaneaid, Peresiaid, Hefiaid a Jebwsiaid):
9Brenin Jericho; brenin Ai, ger Bethel; 10brenin Jerwsalem; brenin Hebron; 11brenin Iarmwth; brenin Lachish; 12brenin Eglon; brenin Geser; 13brenin Debir; brenin Geder; 14brenin Horma; brenin Arad; 15brenin Libna; brenin Adwlam; 16brenin Macceda; brenin Bethel; 17brenin Tapŵach; brenin Cheffer; 18brenin Affec; brenin Lasaron; 19brenin Madon; brenin Chatsor; 20brenin Shimron-meron; brenin Achsaff; 21brenin Taanach; brenin Megido; 22brenin Cedesh; brenin Iocneam, ger Mynydd Carmel; 23brenin Dor, ar yr arfordir; brenin Goïm, ger Gilgal; 24a brenin Tirsa. (Tri deg un o frenhinoedd i gyd.)
اکنون انتخاب شده:
Josua 12: bnet
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Cymdeithas y Beibl 2023