Salm 87
87
Canmol Jerwsalem
Salm gan feibion Cora. Cân.
1Mae ei sylfeini ar y mynyddoedd sanctaidd!
2Mae’r ARGLWYDD yn caru dinas Seion
yn fwy nag unrhyw fan arall yn nhir Jacob.
3Mae pethau hyfryd yn cael eu dweud amdanat ti,
O ddinas Duw.
Saib
4Wrth sôn am yr Aifft a Babilon wrth y rhai sy’n fy nabod i
– Philistia, Tyrus, a dwyrain Affrica#87:4 dwyrain Affrica Hebraeg, Cwsh. Yr ardal i’r de o wlad yr Aifft, sef gogledd Swdan heddiw. hefyd –
dywedir, “Cafodd hwn a hwn ei eni yno.”
5A dyma fydd yn cael ei ddweud am Seion:
“Cafodd pob un o’r rhain eu geni yno!
Mae’r Duw Goruchaf ei hun yn ei gwneud hi’n ddiogel!”
6Bydd yr ARGLWYDD yn cofrestru’r cenhedloedd:
“Cafodd hwn a hwn ei eni yno.”
Saib
7Bydd cantorion a dawnswyr yn dweud amdani:
“Mae ffynhonnell pob bendith ynot ti!”
اکنون انتخاب شده:
Salm 87: bnet
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Cymdeithas y Beibl 2023