Luc 21
21
PEN. XXI.
Crist yn canmol offrwm y weddw dlawd. 5 Yn proffwydo am ddinistr Ierusalem, 8 Am ddyfodiad gau athrawon. 9 Ac arwyddion blinder a diwedd y byd. 37 Ac arfer Crist tra fu efe yn Ierusalem.
1Ac #Mar.12.41.fel yr ydoedd efe yn edrych, efe o ganfu y rhai goludog yn bwrw eu rhoddion i’r tryssor-dŷ.
2Ac efe a ganfu hefyd ryw wraig weddw dlawd yn bwrw yno ddwy hatling.
3Ac efe a ddywedodd, yn wîr meddaf i chwi, y weddw dlawd hon a fwriodd fwy i mewn nâ hwynt oll.
4Canys hwy oll o’u gweddillion a fwriasant yr hyn a roddent i Dduw: a hon a fwriodd o’i phrinder hyn oll a fedde.
5 #
Math.24.1. Mar.13.1. Yna, a rhai yn dywedyd am y Deml fel yr addurniesid hi â meini gwychiō, a rhoddion, efe a ddywedodd,
6Ai ar y pethau hyn yr ydych chwi yn edrych? fe a ddaw y dyddiau pan na adawer maen ar faen a’r na fwrier i lawr.
7Yna y gofynnasant iddo gan ddywedyd, Athro, pa bryd y bydd y pethau hynn? a pha arwydd fydd pan ddêl y pethau hynn?
8 #
Ephes.5.6. 2.Thess.2.3. Ac efe a ddywedodd, mogelwch rhac eich twyllo: canys llawer a ddaw yn fy enw i, gan ddywedyd, myfi yw [Crist,] a’r amser hwnnw sydd yn nesau, am hynny na chanlynwch hwynt.
9A phan glywoch [sôn] am ryfeloedd a therfyscoedd, nac ofnwch: canys rhaid i’r pethau hynn fôd yn gyntaf: ond ni ddaw y diwedd yn y man.
10Yna y dywedodd efe wrthynt, cenedl a gyfyd yn erbyn cenedl, a theyrnas yn erbyn teyrnas.
11A #Math.24.7. Mar.13.8.daiar-grynfau mawrion a fyddant yn amryw leoedd, a newyn, a heintiau, a dychrynedigaethau, ac arwyddiō mawrion o’r nef.
12Eithr o flaen hyn oll y rhoddāt eu dwylo arnoch, ac [a’ch] erlidiant, gan eich rhoddi yn y Synagogau, ac mewn carcharau, a’ch dwyn ger bron brenhinoedd a llywodraethwŷr er mwyn fy enw i.
13A hyn a dry i chwi yn destiolaeth.
14Am hynny #Pen.12.12.|LUK 12:12. Math.10.19. Mar.13.11. rhoddwch eich brŷd ar na fyfyrioch, pa beth a atteboch.
15Canys mi a roddaf i chwi enau a doethineb, y rhai nis gall eich holl wrthwynebwŷr na dywedyd yn eu herbyn, na’i gwrthwynebu.
16Bradychir chwi hefyd gan eich rhieni a’ch brodyr, a’ch cenedl, a’ch cymdeithion, a [rhai] o honoch a laddant.
17A châs fyddwch gan bawb er mwyn fy enw i.
18Eithr #Math.10.30.ni chyll blewyn o’ch pen chwi.
19Meddiannwch eich eneidiau trwy eich amynedd.
20A #Math, 24.15.|MAT 24:15. Marc.13.14. Dan.9.27.phan weloch amgylchynu Ierusalem â lluoedd, yna gwybyddwch fôd ei anghyfannedd-dra hi yn agos.
21Yna ffoed y rhai sy yn Iudæa i’r mynyddoedd: ac elant y rhai a fyddo yn ei chanol hi ymaith: a’r rhai a fyddo yn y meusydd nac elont i mewn iddi.
22Canys dyddiau’r dial yw y rhai hyn fel y cyflawner cwbl ag sydd scrifennedig.
23Gwae y rhai beichiogiō a’r mamaethod yn y dyddiau hynny: canys angen mawr fydd yn y wlâd hon, a digofaint wrth y bobl hynn.
24A hwy a syrthiant ar fîn y cleddyf, a chaethgludir hwynt at bôb cenhedlaeth: ac Ierusalem a fethrir gan y cenhedloedd, hyd oni chyflawner amser y cenhedloedd.
25 # 21.25-33 ☞ Yr Efengyl yr ail Sul o Adfent. #
Esai.13.10.|ISA 13:10. Ezech.32.7.|EZK 32:7. Math.24.29. Marc.13.24. Yna y bydd arwyddion yn yr haul, a’r sêr, ac ar y ddaiar ing cenhedloedd gan gyfing gyngor, am fod y môr a’r rhyferthwy yn dadseinio,
26[A] bod dynion yn llewygu gan ofn a disgwil am y pethau a ddeuant ar y bŷd, o blegit nerth y nefoedd a siglir.
27Ac yna y gwelant Fab y dŷn yn dyfod yn cwmwl mewn gallu a gogoniant mawr.
28A phan ddechreuo’r pethau hynn ddyfod, edrychwch, a chodwch eich pennau i fynu: #Rhuf.8.23.canys y mae eich ymwared yn nesau.
29Ac efe a ddywedodd wrthynt y ddammeg [hon:] edrychwch ar y ffigus-bren, a’r holl brennau,
30Pan ddeiliant hwy weithian, chwychwi yn gweled a ŵyddoch o honoch eich hun fod y cynhaiaf yn agos.
31Felly chwithau, pan weloch wneuthur y pethau hyn, gwybyddwch fod teyrnas Dduw yn agos.
32Yn wir meddaf i chwi, nid aiff yr oes hon heibio, nes gwneuthur y pethau [hyn] oll.
33Y nef a’r ddaiar a ânt heibio, ond fyng-eiriau maufi nid ânt heibio.
34Edrychwch arnoch eich hunain, rhag gorchfygu eich calonnau â glothineb, â meddwdod, â gofalon y bŷd hwn, a dyfod y dydd hwnnw arnoch yn ddisymmwth.
35Canys efe a ddaw fel magl ar wartha pawb oll a’r sydd yn trigo ar wyneb yr holl ddaiar.
36Gwiliwch gan hynny, a gweddiwch bôb amser ar eich cyfrif yn deilwng i ddiangc rhag y pethau hyn oll y rhai a ddeuant, ac i sefyll ger bron Mâb y dŷn.
37A lliw dydd yr ydoedd efe yn athrawiaethu yn y Deml: a’r nôs gan fyned allan yr arhose efe yn y mynydd a elwyd [mynydd] Oliwydd.
38A’r holl bobl a ddeuent y boreu atto ef iw glywed yn y Deml.
اکنون انتخاب شده:
Luc 21: BWMG1588
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Y Beibl Cyssegr-lan. Cyhoeddwyd gyntaf yn 1588, a’i ddigideiddio i Gymdeithas y Beibl yn 2023.