JHN - BUU 16
16
1<<Me tre rinyi ri yi ritu bi ri ran ban gon rimi kpanyɨme mbi ran. 2Wa dzu yi rimi wa tra bubu kabru tu nji Yahuda ivi ri ye riwa wawa wa wuu yi wari yonga ri wa wa wa hu Izhi. 3Inji wa ti kyawa wanyi ri yi ritu wa ran to A ti ko ame ran. 4Ama me la yi ri nyi ritu i ivi ye riwa wa ti kyawa wanyi bi ka taka kya ri wa me layi. Ran la yi kya wanyi ri mimɨlan ran ritu me he ri yi.
Indu Yuu Tsitsri
5Ama zizan me hi ri nji riwa a ti wen ndu ama ba njo rimi minyi ran. 6Ngha zizan riwa me la yi isron mbi sho ri shnji sron. 7Ama me la yi kpunji tre a bi riwa me hi ritu i me ran hi ran nji ri dzon yi-a ran ye ri yi ran. Ama ka me hi me ti-u ndu ri yi. 8Ngha i a ye ari no nji wa mgbumgblume no wa to ri irimɨren mba ritu meme ti nga kya riwa a tsra nga bla tre Izhi. 9Irimɨren mba ritu meme ti ran tsra ran ritu wa ran kpanyɨme ri me ran; 10Wa ran rimɨren tsra ritu kya riwa a tsra ran ritu me hi ri A ti nga bi ran to wen ngaran; 11Wa ran rimɨren tsra ritu bla tre ran ritu wa gbuchi bla tre ri wa rinkon wa mbgumgblume nyi-e. 12<<Me he ri kyawa kigbu riwa me la yi, ama zizan ari naa yi wo ri bubu ngɨzhi. 13Ka Iyu-a ye ari ŋɨran kpunji ritu Izhi, ari tsro yi nkon kpunji. Aran ri tre ri gbengbren wan ran ama ari tre ritu kya riwa a wo nye nga ari la yi kyawa riwa ari ye. 14Inji ri dzon ri no wen mkpen ritu ari ban kya riwa me tre ran la yi. 15Ikya riwa A ti he ri wa ri sron; ritu wan nye me tre ri Iyu ri ban kya riwa me no ran la yi.
Shnji sron nga kinklan sron.
16<<Kugon vi tsawen bi ran to wen ran nga kugon vi tsawen bi to wen.>>
17Wari rimi miri ndu-a waka miyen ngamba ri,<<Rinyi ri tre ritu ngye nye? A la ta ri ki ran to wawu ran ri vi tsawen nga ra tre ri ki to wawu kugon vi tsawen; nga ran bru tre vi,<A he ritu me hi ri A ti.> 18Ingye nye<Ivi tsawen> Nyin ri tre ritu wan? Ki ran to kya ri wa ari tre ritu wan ran!>>
19Yeso a to ri wa wa wari miyen wawu tre imba ka la wa ri,<<Me tre ri,<Ri vi tsawen bi ran to wen ran nga ri kugon vi tsawen bi to wen >Wawu nye bi miyen ngambi ritu wan? 20Me la yi kpunji tre bi yi ri shnji sron ama mgbumglume ri ngɨri bi ti shnji sron ama shnji sron mbi ri kɨma ti kinklan sron. 21Ka iwaa gon ri ngɨzhi ari ti shnji sron ritu ivi wan ye, ama ka a ngɨzhi vren-a ari kpawulusu ri Yaa riwa a so-a ritu a ti kinklan sron ritu wa ngɨzhi vren ye ri mgbumgblume. 22Nghamba nye a he ri yi Zizan bi ti shnji sron ama me bru to yi nga isron mbi ri sho ri ngɨri bibi ngɨri riwa injo ran to ban wu zho ri yi ran. 23<<Ka ivi mba ye, bi ran miyen wen kyari ran me la yi kpunji tre A ti ri no yi kya riwa bi miyen rimi nde won. 24Ye zizan bi ran miyen wen kya ri rimi nde won rina, miyen nga bi fe wu ritu no kinklan sron mbi no kigbu.
Ihan Mgbemgbren mgbumgblume.
25<<Me ti ndu ri tre kɨbukɨbu me ri la yi kya wanyi. Ama ivi ri ye riwa me ran ti ndu ri tre kɨbukɨbu nga ran ama me tre ri yi ri riraa ritu A ti. 26Ka ivi-a ye bi miyen-u rimi nde won; nga me ran tre ri me miyen-u ri yi ran, 27ritu wawu A ti kyuwan nyɨme yi. A nyɨme yi ritu biyi bi nyɨme wen nga bi ri yosron ri me dzu ri A ti nye. 28Ame me zhu ri A ti nye ye me gra ri mgbumgblume ri don meri bru ri hi ri A ti.>>
29Imba imri ndu Yeso waka tre ri wu ri,<<Zizan wu tre ri riraa wu ran ti ndu ri tre kɨbukɨbu ngaran. 30Ki to zizan ri wu to kongye, wu to nyɨme tre ri ko no njo no miyen-u. Rinyɨn no ta ki nyɨme ri wu zhu ri Izhi nye.>> 31Yeso ka nyɨme ri wa ri,<<Bi kpanyɨme zizan? 32Ivi riye nga a ye zhu-e riwa wawumbi bi shan, ko ngaa mbi ri hi ko wan nga me he ri nkankshi won. Ama me ran he ri nkannkshi won kpunji ran ritu A ti ri he ri me. 33Me la yi rinyi ritu bi ri he ri sisron ritu kabru tu ri me. Mgbumgblume ri no yi so Yaa Ama bi vu sron ritu me han gbengbren mgbumgblume-e.>>
اکنون انتخاب شده:
JHN - BUU 16: BUU
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The word for the World International and The word for the World Nigeria