JHN - BUU 15
15
Yeso nye he konkron inabi ri kpunji
1<<Ame me he konkron inabi ri kpunji nga A ti won he nji ri ya konkron-a. 2Ari tren ganran riwa a he ri kpa won riwa a ran ri klo ran taga nga ran milan ganran riwa ari klo ti bibi ri wa ari bi ran klo sro ngaa. 3Wa tsri yi-e ritu tsro riwa me no yi. 4Son rimi kabru tu ri me nga ame me son rimi kabrutu riyi. Ganran konkron inabi ran ri to klo ri ri tu wan ran ari ti ngamba ritu a son rimi konkron-a. Ri ngamba nye me bi ran ri to klo wɨlo ran tse bi son ri me.
5<<Ame me he konkron inabi inga biyi bi he ganran wan wawa wa son ri me nga ame me son ri wa wa klo wi lo kigbu bi ran to ti kya ka me ran he ri yi ran. 6Wawa wa ran son ri me ran wa kawa rega ka ganran riwa wa ka rega a kɨlu bibi ganran mba wa ka wa rega imi wulu wari gon wa. 7I wu son rɨme nga ka wu to tre won he rimi sron wen imba ko ngye riwa wu wa wu fe wu. 8Wa to mkpen A ti won ritu bibi klo wɨlo kigbu riwa bi klo nga ri ngamba nye bi to he wa u won.
9Me nyɨme yi bibi riwa A ti nyɨme wen son rimi nyɨme won. 10I bi hu tre won bi he rimi nyɨme won bibi riwa me hu tre A ti won nga meri son rimi nyɨme wan. 11<<Me tre nganyi yi ritu no kinkan sron won no he ri yi nga no kinklan sron tsra. 12Itre won he ri: Nyɨme ngambi bibi riwa me nyɨme yi. 13Inyɨme ri bran riwa wu he ri wu ri wa kpan wen a han riwa wu ka vri wen de ritu mba. 14Ngha bi he kpan won i bi hu tre won, 15Me ran ri yo yi iri gran ngara, ritu gran wa ran to kya riwa iti ko mba ri ti ran, Ara me yo yi ri wa kpan won ritu me la yi ri wa kpan won ritu me la yi kongye riwa me wo ri A ti won. 16Biyi bi ran chu wen ran, ame me chu yi meri no yi hi bi ri klo wɨlo kigbu ka konkron bibi wɨlo wawa wa vu sron hi ri vi riwa a ran kre ran. Ngha ngamba nye A ti ri no yi kya riwa bi miyen rimi nde won. 17Rinyie he tre won riwa me no yi, iri ri no yi nyɨme ngambi.
Mgbumgblume kawan ri wa hu Yeso
18<<Ka mgbumgblume kawan ri yi bi ka taka ri a kawan ri me ri gbuchi. 19I bi ri he wa mgbumgblume, mgbumgblume ran nyɨme yi ka wa ma. Ama me chu yi ri mgbumgblume nyi nga bi ran he wa ma ran, ritu wan nye mgbumgblume kawan ri yi. 20Taka kya riwa me la yi ri.<Gran wa ran ri han ti ko mba ran.>Yi ya ngawen; ka wa hu tsro won wa hu wambi ngawen. 21Ama wa ti kyawa wa nyi ritu bi he wa mo; ritu wa ran to nji riwa a tiwen ndu ran. 22Wari tre ri me ran ye la wa tre Izhi ran wari ran vu wa ri meme ti ran. Ama zizan wa ran he ri tre kya riwa wa tre ritu meme ti mba ran. 23Inji riwa a kawan ri me a kawan ri A ti won ngawen. 24Wari tre ri me ran ti kya riwa injo ti zari to ran wari ran he ri meme ti ran ama zizan wa to kya riwa me ti nga wari kamba ri me nga A ti. 25Rinyɨn a he ritu no tre riwa wa ngan ri doka mba no ye he kpunji,<Wa kamba ri me a ran ritu kyari ran. 26<<Me no nji ri dzon no zhu ri A ti ye ri yi wawu nye he Yuu ri kpunji ri wa ari zhu ri A ti, wawu nye ri tre ritu won. 27Ngha biyi ngawen bi tre ritu won ritu bi he ri me zhu ri mimɨlan.
اکنون انتخاب شده:
JHN - BUU 15: BUU
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The word for the World International and The word for the World Nigeria