Dolabololo 18
18
1Ngowa-ngowa'a ga'a pa'i mafikiri 'ai diri masiretene,
'aḏi nyanyaḏi 'ahu ma wola i'a,
re 'aḏi rubutu ngowa'a ga'a manga di-dibanga.
2Ngowa'a ga'a 'aḏi emono wo-waro, ananga 'aḏi nyafusu ua wo-waro lai ngido
mada'a 'aḏi nyafusu pa'i 'aḏi sijarita manga 'akala ma sanga.
3Na'o ngowa'a 'aḏi 'a'a kajahatana, ngowa'a ya'u sipa-pake ua,
re na'o ngowa'a 'aḏi 'a'a 'ori i'a ga'a sipula'a mara'a, ngowa'a ḏuanga i'a ya'u sije-jengere.
4Ngowa'a manga demo ma tero sa'olo ḇanyo ga'a lai ngido,#Dol. 20:5
'akala soro'unu ma cimi ma tero sa'olo ḇanyo 'uisi kama togumu ua.
5Rousu ua na'o ngini ni pa'ala kaci moi toma ngowa'a kajahatana,
re ni dawongo ua ngowa'a loasa re banari.
6Ngowa'a ga'a 'aḏi emono wo-waro, ananga gena-ge manga demo-demo 'i sibaolo ma'u tolabe,
re ananga manga madanga 'i aworo ngowa'a ya'u ca'olo.
7Ngowa'a ga'a 'aḏi emono wo-waro, ananga gena-ge 'aḏi sijira manga diri sababu manga madanga masiretene,
manga demo-demo gena-ge ma tero sa'olo jojoḏi di'a ananga masiretene.
8Ngowa'a tukanga fitana, ananga manga demo ma tero sa'olo ngo-ngoromo ga'a lai sa'i,
ga'a ngowa'a 'aḏi nyafusu ya nyamolo.#Dol. 26:22
9Ngowa'a ga'a pamalasa toma munara,
ananga raḏi dadi ioronongoḏu toma ngowa'a tukanga sijira.
10Ma JOU 'ai lomanga ma tero sa'olo manara ga'a lai te'e,
ngowa'a loasa re banari 'aḏi wiḏi toma ngi'i gena-ge, la 'aḏi sanga salamata.
11Limau ga'a te'e di'a ngowa'a rema-enanga, enanga gena-ge manga harata,
re 'aḏi magoro ino harata gena-ge ma tero gegelo dounu ga'a lai gau'u.
12Ngowa'a ga'a momole, ananga ḏuanga i'a 'aḏi eta'a,
mada'a ngowa-ngowa'a maholo, ananga ḏuanga i'a ngowa'a ya'u silamo'o.
13Na'o ngini ni sangoro siḏa, mada'a ni 'isene mo-moini nyangu,
gena-ge haga re ni sipula'a mara'a.
14Ngowa'a manga 'akala re sinyingara, enanga nga'unu 'i tahana susa re sangisara,
mada'a matengo i'a mai ua nga'unu 'o si-la 'akala re sinyingara ga'a 'i rapo'o.
15Ngowa'a remanga wo-waro ga'a ya sinyanyasele, ananga 'aḏi sanga wo-waro,
re ngowa'a ga'a 'akala soro'unu manga ngau'u nyanyaḏi 'i 'isene wo-waro.
16Bu-bula'a nyengara 'i welanga ngo'omo di'a ngowa'a,
di'a sigasa ngowa'a gena-ge toma ngowa'a la-lamo'o manga biono.
17Ngowa'a ga'a 'o kanau ma mulaingi toma hali ma dara, ngowa'a ya 'isene i'a 'aḏi ta'ajiri gena-ge 'i tero,
singadolo ngowa'a lelegu 'o sapolo re 'a parikisa parkara gena-ge.
18Upa'a loterei nyengara 'i sitogumu ma'u tolabe,
re 'i si-la ngowa'a la-lamo'o manga hali.
19Lebe kangela ma'u sebanga i'a toma ngowa'a gia nongoḏu ga'a 'ai 'akala re sinyingara 'i siḏi,
reo ni masebanga toma limau ga'a 'i te'e,
re ma'u tolabe gena-ge ma tero sa'olo kadato ma ngalana lamo'o 'i kuci.
20Ngowa'a manga po'olo 'i wunusu sababu manga madanga ma hasili
re ananga 'aḏi wunusu remanga demo-demo ma hasili.
21Yai'i rema kuasa di'a sisalamata bolo sisengene,
re ngowa'a ga'a nyanyaḏi kanau, ananga ḏuanga i'a 'aḏi ya oromo ma hasili.
22'A guna ga'a 'o sanga were'a, unanga 'o bara'utungu,
re unanga ro sanga 'utungu ra Ma JOU.
23Ngowa'a ma dinga'unu ua 'aḏi maḏigaro'o di'a ri-riono,
mada'a ngowa'a rema-enanga ya'u sangoro remanga demo lai te'e.
24Rema ḏagilomu ga'a 'aḏi sigasa toma bodito,
mada'a 'age ḏi'i rema ḏagilomu ga'a lebe cori reo gia nongoḏu.
اکنون انتخاب شده:
Dolabololo 18: SAJ
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
2025 Indonesian Bible Society (LAI)