Dolabololo 20
20
1'Anggur 'i si'a'a ngowa'a ga'a 'aḏi situ-tuhu 'akala soro'unu re ka'e-ka'e woḏi 'i ngowa'a 'aḏi dadi nyiwere,
ngowa'a ga'a 'aḏi tagi boloto riwara sababu 'aḏi dadi 'etolo, 'aḏi haga.
2'Olana 'ai duruta ma tero sa'olo 'o singa ra-ramasa ie 'i muḏutu,
ngowa'a ga'a 'aḏi sibaolo ma 'olana 'ai duruta, ḏuanga i'a 'aḏi sengene.
3Na'o ngini ni maki-kiḏanga toma ngowa'a 'aḏi ma'u tolabe, ngowa'a ḏuanga i'a 'aḏi silamo'o ngini,
mada'a ngowa'a haga mo-moini 'aḏi si'a'a ma'u tolabe,
4Ngowa'a pamalasa 'aḏi mapajeko ua toma 'orasa tuju'u,
dadi wakutu 'orasa 'utu'u 'i ngadolo, ananga 'aḏi sanga 'oru rimoi i'a mai ua.
5Manusia manga rancana toma 'akala re sinyingara ma dara ma tero sa'olo ḇanyo ga'a lai ngido,#20:5 Dol. 18:4
mada'a ngowa'a pahe remanga wo-waro di'a 'ahu, ananga nyengara ya 'onyo'o.
6Ngowa'a manga repe ga'a 'aḏi magoro ino, ananga gena-ge ngowa'a la-la,
mada'a ngowa'a ga'a setia, kangela madutu na'u sanga!
7Ngowa'a loasa re banari ga'a manga de'oso re ḏegoro kama rapu ua -
manga ju'uda ḏuanga i'a 'aḏi bara'utungu.
8Na'o ma 'olana 'o tegoro tai ḏe-ḏegoro di'a 'o sijuruhakimi,
unanga nyengara 'o oḏi'i 'ori i'a ma jira mo-moini.
9Matengo i'a mai ua nyengara 'o kanau: <<Ngoi reto sigofi 'ari 'akala re sinyingara;
ngoi kari ḏosa ua.>>
10Maḏi kilo fara ḏiḏi, fara ḏiḏi ga'a 'i situga
kilo ga'a 'i te-tero ua, gena-ge Ma JOU 'a emono.
11Ngowa'a 'aḏi waro ngowa 'olo manga tabeata sababu ananga gena-ge manga ga'a,
'oru ananga manga de'oso re ḏegoro 'i 'ofi re boloto ḏua bolo nyangu?
12Ngau'u di'a 'isene re la'o di'a oḏi'i -
fara ḏiḏi gena-ge, Ma JOU 'a 'a'a.
13Nyafusu pa'i otu awa, la awa ngini ni dadi ngowa'a ma dinga'unu ua;
ni welanga ninga la'o la ngini ḏuanga i'a ni oromo singadolo ni wunusu.
14<<Ne rousu ua! Ne rousu ua!>>, tukanga tibo 'aḏi kanau,
mada'a wakutu ananga 'aḏi tagi, ananga 'aḏi matoro manga diri.
15Kalaha rema guraci re maḏi parmata ma repe,
mada'a lebe hali ngowa'a pahe manga demo ma wo-waro.
16'Oro pakeanga ngowa'a ga'a 'aḏi jaji tuusu ngowa'a lelegu manga binyatoro,
re no tahana gena-ge singadolo ngowa'a tagi-tagi ino ro fangu 'ai banyatoro. #Dol. 27:13
17Lai sa'i roti ga'a sanga reo sihaga,
mada'a ḏuanga i'a ni basono ninga madanga 'i romanga reo rore.
18Rancana ma hasili 'i dadi sababu rema di-dibanga,
sababu gena-ge ni ma'u parangi balasu ni mete'e duga re domolo.
19Ngowa'a ga'a nyanyaḏi 'aḏi sikanau ngowa'a, ananga gena-ge 'aḏi gogono rahasia yoḏu'u,#Dol. 11:13
dadi ma'u ḏagilomu awa toma ngowa'a ga'a manga demo repe woḏi.
20Ngowa'a ga'a 'aḏi sikutuki manga ḇaḇa bolo manga ngina,
Ananga manga 'ahu ma ḏo-ḏogumu ma tero sa'olo poci ga'a 'i sengene wakutu 'i hafu moju.
21'Ori i'a rana ga'a ma mulaingi sanga woḏi, #Luk. 15:12
ma ḏo-ḏogumu tala, enanga 'i sanga barakati ua.
22Awa no kanau, <<Ngoi ḏuanga i'a to balasa 'ani kajahatana>>#Rom. 12:17
totoma Ma JOU, Unanga ḏuanga i'a 'O sisalamata ngana.
23Maḏi kilo fara ḏiḏi, enanga gena-ge Ma JOU 'a emono,
re tuga ga'a te-tero ua, gena-ge 'i rousu ua.#20:23 bolo <<gena-ge 'i sisanangi Unanga ua>>
24Ngowa'a manga hele, Ma JOU ya'u sitantukanga,#Dol. 16:9
dadi manusia nyengara 'aḏi sahe yoḏu'u manga 'ahu ma ḏo-ḏagi!
25Ma tero sa'olo jojoḏi rimoi di'a manusia na'o ananga kamanga fikirana riwara, 'aḏi kanau so'o ne: <<Nena-ne di'a Ma JOU>>,
re ananga aro 'aḏi madi-dibanga wakutu 'aḏi 'a'a manga jaji ra Ma JOU togumu i'a.
26'Olana ga'a 'akala soro'unu 'o nana'o ngowa-ngowa'a kajahatana,
re unanga 'o sihukumu ananga kai 'akala re sinyingara ma la-la ua.
27Manusia manga roh, gena-ge Ma JOU 'ai poci,
ga'a 'i sitarangi tamanga 'akala re sinyingara ma dara
28'Olana 'ai dadalara re setia 'i saolo unanga,
re 'ai dadalara 'i sitotomo 'ai pareta.
29Ngowa'a ra-ramasa ie manga biono gau'u, gena-ge manga de-de'e,
re ngowa'a bi-biri'i ga'a manga utu ri buḏo, ngowa'a ya'u silamo'o sababu manga 'akala soro'unu.#20:29 <<ngowa'a bi-biri'i ga'a manga utu ri buḏo, ngowa'a ya'u silamo'o>> gena-ge sababu manga 'akala soro'unu
30Ca'olo singadolo nyabo-nyaboto rema ngaunu, gena-ge 'i sigofi kajahatana,
re ja-ja'olo 'i sigofi manusia manga 'akala re sinyingara.
اکنون انتخاب شده:
Dolabololo 20: SAJ
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
2025 Indonesian Bible Society (LAI)